Apocalipsis 14:11 - Huitoto Murui

¹¹ Naie irai illano jaca bouamona, ie uillɨe jaca baireite. Nainomona naie duere sefuidɨno jaca jilloñeitɨmacɨ. Iese naimacɨ fiodaiñeno jaca duere sefuitɨmacɨ —llote.

Apocalipsis 14:11 ပူးပေါင်းရင်းမြစ်များ

San Mateo 11:28

Omoɨ jeacɨnomona omoɨ jillobillena, duere jaidomoɨ. Omoɨ comecɨaɨ marena uri illena, cue dɨbeimo mai omoɨ i.

San Mateo 25:41

’Iemei cue jarɨfebeimo itɨnomo lloitɨcue: “Cuemona oni mai jai. Cue comɨnɨñedomoɨ. Jai faɨfidomoɨ. Duere omoɨ sefuillena, iraimo mai jai. Naie irai jaca duiñede. Jusiñamuidɨ naiena Taɨfe iena jai fɨnode. Jusiñamuidɨ Taɨfe comɨnɨ iena jɨaɨ jai fɨnode.

San Mateo 25:46

Naimacɨ jaca isi cacaitɨmacɨ; iadedɨ cue jitaillacɨnona fɨnodɨno cue Moo sedajanomo jaca iitɨmacɨ.

Carta a los Hebreos 1:8

Ie Jitona ñaɨanona raite: Cue isoi o illa jira, comɨnɨna o sedajafue jaca iite. Eo marecɨnodo comɨnɨna jaca sedadɨo.

Apocalipsis 11:15

Naie facaise jɨaɨe jaɨenicɨ ie trompetana fite. Monamo itɨno ado llotɨmacɨ: Jusiñamui, Cristo dɨga, illaɨma isoi, enɨruemo ite comɨnɨna biruimona jaca sedaite. Naie comɨnɨ naimɨe anamo raise iitɨmacɨ.

Apocalipsis 13:12

Monaillaimona bite ocaina uai enɨruemona bite ocainamo jɨaɨ ite. Ie uai dɨga, nana comɨnɨna monaillaimona bite ocainana sedatate.

Apocalipsis 13:15

Joreño fɨnua mei, enɨruemona bite ocaina iena ñaɨtatate. Iena bu sedañenia, ocaina naimɨena meiniana ocuide.

Apocalipsis 13:17

Iese bumo iñenia, rana ɨbanide. Rana fecanide. Bie mamecɨdɨ bie ocaina ie mamecɨ. Mamecɨna cuetatañenia, naimɨe ie númerona cuetatate.

Apocalipsis 14:9

Naie facaise jɨaɨe jaɨenicɨ billanona, ado llote: —Monaillaimona bite ocainana bu sedaia, ie joreñona bu sedaia, ie uieco itofemo, ie onollɨmo ocaina cuetataga ra bumo ia,

Apocalipsis 18:18

aaremona uillɨena cɨuamona, naie naɨraɨ bouana fɨdɨano, lloitɨmacɨ: —Naie naɨraɨ nana jɨaɨ naɨraɨaɨ baɨfemo navui faɨte. Jɨaɨe naɨraɨ ie isoi ebinide.

Apocalipsis 18:9

Bouamona uillɨe naimacɨ cɨoia, sunaillamona, naie naɨraɨ dɨga nabairite illaɨcomɨnɨ eo eeitɨmacɨ.

Apocalipsis 19:3

Iemei dane llotɨmacɨ: —Ona caɨ iobitajasa. Duere sefuillena, naie naɨraɨ jaca boode. Naimacɨ jaca duere sefuitɨmacɨ —llotɨmacɨ.

Apocalipsis 20:10

Comɨnɨna eo jɨfuecabite; ia ie facaise Jusiñamuidɨ Taɨfena eo boode iraimo dotaite. Azufre boa isoi irai boode. Nainomo monaillaimona bite ocainana jaie dotade. Naimɨe facaina taɨnona lloraɨma jaie dotade. Nainomo ua jaca duere sefuitɨmacɨ

Apocalipsis 22:5

Nainomo naɨonadɨ iñeite. Lamparína jitaiñeitɨmacɨ. Jitomana jitaiñeitɨmacɨ. Caɨ Nama Jusiñamui naimacɨna llɨgaiñoite. Illaɨcomɨnɨ isoi jaca iitɨmacɨ.

Apocalipsis 7:12

Raitɨmacɨ: Bie comɨnɨ isoi omo iobillacɨnona jɨaɨ fecaacadɨcaɨ. Odɨ mareuidɨmɨedɨo. Abɨna eo uiñotɨo. Odɨ jaca siño jitodɨo. Ie jira iese llotɨcaɨ. Ona jaca caɨ iobitajasa.