Apocalipsis 11:17 - Huitoto Murui

¹⁷ Llotɨmacɨ: Jusiñamui, caɨ Nama, omo iobillacɨnona fecaacadɨcaɨ. Siño jitodɨo. O jitailla rafuena jaca fɨnodɨo. O uaido bie comɨnɨna jai sedadɨo.

Apocalipsis 11:17 ပူးပေါင်းရင်းမြစ်များ

San Mateo 11:25

Ie facaiseconi Jesús ie Moo dɨga ñaɨanona raite: —Ore Moo, oca mona Namadɨo. Oca enɨrue Namadɨo. Abɨna uiñotɨnona bie isoide rafuena uiñotañedɨo; iadedɨ jamai bue isoidɨnona iena uiñotadɨo. O jitailla jira, iese uiñotadɨo. Ie jira iobillacɨnona omo fecaacadɨcue. Mai.

San Lucas 10:21

Ie facaiseconi ie Moo Joreño naimɨemo illa jira, Jesús iobide. Raite: —Ore Moo, oca mona Namadɨo. Oca enɨrue Namadɨo. Abɨna uiñotɨnona bie isoide rafuena uiñotañedɨo; iadedɨ jamai bue isoidɨnona iena uiñotadɨo. O jitailla jira, iese uiñotadɨo. Ie jira iobillacɨnona omo fecaacadɨcue. Mai.

San Juan 11:41

Iemona comɨnɨdɨ nofɨcɨna oni ñuitadɨmacɨ. Jesús monamo eruaɨllano, llote: —Moo, cue uaina o cacaja jira, iobidɨcue.

Segunda Carta a los Corintios 2:14

Jusiñamui fue eo mare. Cristo dɨbeimo iñedɨnona naimɨe anafefitajanona, Cristo comɨnɨna caɨ illamona, naimɨe rafuena uicana jaidɨcaɨ. Ie rafuena caɨ lloia, iena comɨnɨ ɨɨnoia, Jusiñamui naimacɨna jai caɨmare itatate.

Segunda Carta a los Corintios 9:15

Jusiñamui caɨna eo canua jira, iobillacɨnona naimɨemo caɨ fecallena, caɨ uai raise iñede. Uainicaidɨcaɨ. Naimɨe eo mare. Naimɨena caɨ iobillasa.

Primera Carta a Timoteo 1:12

Cuena fetua jira, caɨ Nama Cristo Jesúri iobidɨcue. Naimɨena cue ɨɨnollena, naimɨe cuena uiñuamona, cuena fetode, naimɨe rafue cue llollena. Iena llollena, cue comecɨna jɨaɨ ocuiñotade.

Apocalipsis 1:4

Asia railla enɨruemo ite creyentiaɨ, omoɨ dɨne cue uai oredɨcue. Siete illanomo omoɨ illamona, bie rafue omoɨ uiñuana jitaidɨcue. Iena omoɨ uiñollena, biena cuetɨcue. Jusiñamui ie Joreño dɨga, Jesucristo dɨga, omoɨna duenaicabide. Omoɨna uri itatacabite. Iena omoɨ uiñocana mai omoɨ jai. Jusiñamui jaie jaca ite. Birui naimɨe jaca ite. Ɨco jaca iite. Ie Joreño naimɨe abɨmo illamona, omoɨna bie rafuena raise cacataite. Iena ɨɨnotaite.

Apocalipsis 1:8

Caɨ Nama Jusiñamui cuemo llote: “Jaca bue nia iñenia, jaie jaca itɨcue. Nana rana fɨnodɨcue. Nana ra cue uaido icana jaide. Birui itɨcue. Nana ra fuilla mei, jaca iitɨcue. Siño jitodɨcue”.

Apocalipsis 11:15

Naie facaise jɨaɨe jaɨenicɨ ie trompetana fite. Monamo itɨno ado llotɨmacɨ: Jusiñamui, Cristo dɨga, illaɨma isoi, enɨruemo ite comɨnɨna biruimona jaca sedaite. Naie comɨnɨ naimɨe anamo raise iitɨmacɨ.

Apocalipsis 15:3

jai emodofilla jira, Moisés mɨcorɨ ie ruana rotɨmacɨ. Moisés mɨcorɨ Jusiñamui facaina jaie maɨjɨuide. Jeacɨnomona naimacɨ jɨaɨ jai jillua jira, Toɨca Llauda isoidɨmɨe ie ruana jɨaɨ rotɨmacɨ: Eo siño ebirede rafuena fɨnodɨo. Jusiñamuina o illanona, jaca siño jitodɨo. Mare rafuena jaca fɨnocabidɨo. O lloga uai jaca fɨnodɨo. Naga naɨraɨ o anamo jai itɨmacɨ.

Apocalipsis 16:14

Taɨfemona bite. Siño rafuena fɨnocabite. Nana illaɨcomɨnɨ, imacɨ soldaduaɨ dɨga uaidollena, naimacɨna oreite. Danomo ofillena illaɨcomɨnɨna uaidoite. Jusiñamui dɨga jobairillena, danomo ofitɨmacɨ. Naimɨe dɨga jobairillamona, Jusiñamui ua siño jitona nana comɨnɨ uiñoitɨmacɨ.

Apocalipsis 16:5

Naie facaise nana jɨnuina sedacabide jaɨenicɨ llote: —Jusiñamui, o jaca mareuidɨmɨedɨo. Ona ɨɨnotɨnona enɨruemo itɨno meinia jira, o facaina lloraɨnɨna naimacɨ meinia jira, naimacɨna o raise uiñuamona, naimacɨna duere fɨnodɨo. O comɨnɨna naimacɨ meiniamona, naimacɨ fɨnua isoi, ɨbana oitɨo. O comɨnɨna naimacɨ meinia jira, dɨruena ja jiroitɨmacɨ.

Apocalipsis 16:7

Jusiñamuimo caɨmare soride ra jobaisoillanomona jɨaɨe jaɨenicɨ llote: —Caɨ Nama Jusiñamui, ua siño jitodɨo. Naimacɨ fɨnocabilla isoi naimacɨna jai duere fɨnodɨo.

Apocalipsis 18:8

iadedɨ caɨ Nama Jusiñamui naimacɨna ebena eo duere fɨnoite. Duicomona, sure illamona, aime guillamona fiodaitɨmacɨ. Naimacɨ jofue booite. Jusiñamui siño jitona jira, naimacɨna raɨre fuidoite —llote.

Apocalipsis 19:11

Naie facaise mona ecorillana cɨodɨcue. Nainomo userede caballona cɨodɨcue. Naie emodomo itɨmɨemo mena mamecɨ ite. Ɨɨnogamɨena mamecɨrede. Uanaicɨnona Llocabitɨmɨena jɨaɨ mamecɨrede. Naimacɨna raise uiñuamona, naimɨe dɨbeimo iñedɨnona duere fɨnollena, naimacɨ dɨga jobairite.

Apocalipsis 19:6

Naie facaise monamo eo ailluena comɨnɨ lluana cacadɨcue. Ailluena jɨnui surua isoi fɨcɨrede. Eo gurucabilla isoi fɨcɨrede. Llotɨmacɨ: Caɨ Nama Jusiñamuina caɨ iobitajasa. Naimɨe siño jito. Nana comɨnɨna birui jai sedade.