Segunda Carta a los Corintios 8:5 - Huitoto Murui

⁵ Cue comecɨna facaja isoi, fecañedɨmacɨ. Ucubena fecadɨmacɨ; ia: “Caɨ Nama dɨbeimo maɨjɨacadɨcaɨ” jɨaɨ llotɨmacɨ. Nɨe isoide rafuena naimacɨ fɨnuana cue ocuillena, Jusiñamui jitailla isoi, jitaidɨmacɨ.

Segunda Carta a los Corintios 8:5 ပူးပေါင်းရင်းမြစ်များ

Carta a los Romanos 12:1

Cue amatɨaɨ, omoɨmo bie rafuena lloitɨcue. Jusiñamui caɨna duenailla jira, omoɨ jeanide comecɨaɨmona, naimɨe jitaille rafuena omoɨ fɨnuamona naimɨe anamo raise omoɨ i. Naimɨe jitailla isoi omoɨ i. Naimɨedɨ omoɨ iese illana gaɨde. Omoɨ comecɨaɨmona naimɨena raise omoɨ seda.

Carta a los Romanos 6:13

Jeacɨnona omoɨ fɨnoñellena, omoɨ comecɨaɨna ocuiño. Mare naimɨe jitaillacɨnona omoɨ fɨnollena, Jusiñamuina ɨɨno. Jeacɨno anamo jaie omoɨ illa jira, naimɨemo omoɨ nia duiñena jira, Jusiñamuimona fiodaitɨno isoidomoɨ; iadedɨ jeacɨno anamo birui omoɨ iñena jira, naimɨemo omoɨ jai duilla jira, Jusiñamuimona fiodaillamona jai jillodɨno isoidomoɨ. Jaie naimɨemo duiñedomoɨ; ia birui naimɨemo jai duidomoɨ.

Primera Carta a los Corintios 1:1

Corinto railla naɨraɨmo ite creyentiaɨ, ¿nɨe isoidomoɨ? Pablodɨcue. Carta omoɨmo oredɨcue. Jusiñamui jitailla jira, Jesucristo rafuena cue llollena, cuena fetode. Sóstenes cue dɨga illa jira, omoɨ dɨne coco uaina oredɨcoco. Jesucristo dɨbeimona naimɨedɨ caɨ ama. Jai Jusiñamui comɨnɨdomoɨ. Jesucristomo omoɨ duilla jira, Jusiñamui omoɨna jai marebicaitate. Jusiñamui omoɨna fetode, naimɨe iena. Ua nana caɨ Nama Jesucristona sedadɨnodɨcaɨdɨ Jusiñamui iena.

Segunda Carta a los Corintios 4:5

Cue fɨnoca rafuena llofueñedɨcue; ia Jesucristodɨ caɨ Namanana llofuecabitɨcue. Naimɨe dɨbeimo cue maɨjɨamona, omoɨna canollena, naimɨe rafuena llofuecabitɨcue.

Segunda Carta a los Corintios 8:1

Cue amatɨaɨ, omoɨmo jɨaɨe rafuena lloiacadɨcue. Jusiñamui naimacɨna canuamona Macedoniamo ite creyentiaɨna omoɨ uiñuana jitaidɨcue.