Segunda Carta a los Corintios 5:5 - Huitoto Murui

⁵ Jusiñamuidɨ ie Joreño caɨmo itatajamona, caɨ abɨaɨna iese jɨaɨ itatajana uiñotɨcaɨ.

Segunda Carta a los Corintios 5:5 ပူးပေါင်းရင်းမြစ်များ

Carta a los Romanos 8:23

Danɨ naimacɨ duere sefuicana jaidɨmacɨ; iadedɨ jɨaɨ duere sefuidɨcaɨ. Jusiñamuidɨ ie Joreño caɨmo fecaja jira, ɨco caɨ marena illena uiñotɨcaɨ. Monamo Jusiñamui uruiaɨna ɨco caɨ illemo ocuiridɨcaɨ. Caɨ fiodaia, fiodaillamona caɨ abɨaɨna jillotaite. Jɨaɨfo eruaɨte caɨ abɨaɨmo meidollemo ocuiridɨcaɨ. Ie mei caɨ abɨaɨ dane fiodaiñeitɨmacɨ.

Segunda Carta a los Corintios 1:22

Ie comɨnɨna caɨna itatate. Iena caɨ uiñollena, ie Joreño caɨmo jai itatate.

Segunda Carta a los Corintios 4:17

Birui duere sefuidɨcue; ia iemo cue comecɨna eo facañedɨcue. Cristo rafue muidona birui duere cue sefuia, Jusiñamui illanomo ɨco cue ia, nainomo ebire marena iitɨcue. Iemo cue comecɨna eo facadɨcue.

Carta a los Efesios 2:10

Jesucristomo caɨ jaɨnaɨaɨllamona, ie comɨnɨna caɨ jaillamona, caɨ illa isoi naimɨe caɨna itatate. Iese caɨ illamo Jusiñamui comecɨ jaie facajano, mare rafuena fɨnocana caɨ jaillena, naimɨedɨ caɨ comecɨaɨna marena itatate.

Carta a los Efesios 4:30

Jusiñamuimo omoɨ jai jaɨnaɨaɨlla jira, jeacɨnona fɨnoñeno. Jeacɨno omoɨ fɨnoia, Jusiñamui Joreñodɨ sunaite. Naimɨena sunaitañeno. Naimɨe caɨmo illamona, caɨna jillotajana uiñotɨcaɨ. Cristo dane abɨdo billemona, naimɨe dɨne caɨ jaca illena, caɨna jai jillotate.

Primera Carta de San Juan 3:24

Naimɨe llogacɨnuaɨna caɨ ɨɨnoia, naimɨena nabaidɨcaɨ. Caɨna jɨaɨ nabaide. Naimɨe Joreño caɨmo illamona, naimɨe caɨna nabaillana jai uiñotɨcaɨ.