Primera Carta a los Corintios 11:5 - Huitoto Murui

⁵ Nɨe rɨño Jusiñamui dɨga ñaɨa, Jusiñamui uaina nɨe rɨño jino lloia, ie ɨfogɨmo ɨniroina bɨcoñeno jaia, ɨima isoi naiñaiño iacana jira, ie ɨni afemo illana eruaɨde. Ie ɨni anamo iacaiñena jira, ie ɨnino meidaitade.

Primera Carta a los Corintios 11:5 ပူးပေါင်းရင်းမြစ်များ

San Lucas 2:36

Nairuido Jusiñamui jofomo Ana railla fecɨño ite. Jusiñamui naiñaiñomo lloga rafuena llouide. Naiñaiño moo Fanuel mɨcorɨ. Naiñaiño naɨraɨdɨ Aser. Jitaɨño facaisemona ie ɨni dɨga siete años illanona, naimɨe fiodaite.

Hechos de los Apóstoles 2:17

Llote: Jusiñamui caɨmo llote: “Jɨaɨruido bie rafue suite. Cue Joreñona dɨga comɨnɨmo fecajitɨcue. Iedo omoɨ uruiaɨ cue lluana lloitɨmacɨ. Iemona omoɨ coniruiaɨna nɨcaɨritaitɨcue. Iemona omoɨ einamacɨna jɨaɨ nɨcaɨritaitɨcue.

Hechos de los Apóstoles 21:9

Naimɨe dɨnomo fɨebidɨcaɨ. Naimɨemo cuatro jisa ite. Naiñaiñuaɨ nia ɨima abɨna uiñoñede. Jusiñamui naiñaiñuaɨmo lluacɨnona llocabitɨmacɨ.

Primera Carta a los Corintios 11:4

Roracomo omoɨ comɨnɨ oficabia, ie ɨni anamo ie aɨ illa jira, omoɨ comɨnɨ fɨnocabilla isoi, naga rɨño ie ɨfogɨmo ɨniroina bɨcuano jailla. Iese naiñaiño bɨcoñenia, ie ɨni anamo naiñaiño iñede isoi eruaɨde. Jusiñamui dɨga nɨe ɨima ñaɨa, Jusiñamui uaina nɨe ɨima jino lloia, naimɨe ie ɨfogɨ icona jɨtañeno, Cristo anamo naimɨe illa jira. Naie facaiseconi ie ɨfogɨ icona jɨtajia, Cristo afemo itena eruaɨde.

Primera Carta a los Corintios 11:6

Nɨe rɨño ie ɨfogɨmo ɨniroi bɨcoñeno jaiacania, ɨima isoi eruaɨllena, ie ɨfogɨdɨ rɨjɨruda gareca. Iemona naiñaiño meidaillamona, ie ɨni anamo illamona, ie ɨfogɨmo ɨniroina bɨcuano naiñaiño jaite.

Primera Carta a los Corintios 14:34

Jɨaɨe creyentiaɨ illanuaɨmo isoi omoɨ roracomo rɨñonɨaɨdɨ uaina uaitañena. Nainomo lloga rafuena nainomo naiñaiñuaɨ siadoñena; iadedɨ naiñaiñuaɨ jofomo rillanona, naiena ie ɨnimo jɨcanoitɨmacɨ. Roracomo naiñaiñuaɨ ia, Moisés mɨcorɨ jaie llua isoi, naiñaiñuaɨ ɨni anamo naiñaiñuaɨ illa jira, nainomo ite lloraɨma uaina naiñaiñuaɨ uaitañena. Roracomo naiñaiñuaɨ uaina uaitaia, maraiñede, nainomo ite jino lloraɨma uaina naiñaiñuaɨ raise cacaiñena jira.