Matthew 9:6 - Lubuagan Kalinga

⁶ Allaya maligammuwanyu un Sakon un Alak chi Tagu, alla kalobbongak utla pita un mamakawan si byasuɏ.” Ot kalala si hachiʼn lapalalais, “Lumibbyatka, eɏam chi oboklu ya ingkan uwayu!”

Matthew 9:6 ပူးပေါင်းရင်းမြစ်များ

Matthew 4:24

Ked lanchilongeɏ pin-an Jesus killingwa si cha losan un iliʼd Syria. Hachi gapulaʼn lan-iyoy cha tagu kan cha losan un lasakit, un lakalakalasi sakitcha ya ligatcha, isun cha laaɏan, laketoy ya lapalalais, ot pilalin-awan Jesus chicha.

Matthew 8:20

Ot kalan Jesus kan siya, “Cha mutit allat chi lungug un igewcha ya cha sissiwit allat bo sukbutcha. Ngim Sakon un Alak chi Tagu, lappun byeɏoyku un inyak masuɏpan.”

Matthew 9:2

Lichuumcha pun si ili, inggetong cha tagu leɏakiʼn bilubulligenchaʼn lapalalais. Laammuwan pun Jesus chi gettok un pammaticha kan siya, kalala si lapalalais, “Alakku, pakoscheɏom chi somsomoklu. Lapakawan cha byasuɏm.”

Matthew 9:5

Simma lagodgochong un ibyega, ‘Lapakawan cha byasuɏm,’ willu ‘Lumibbyatka ked malidchaɏanka?’

Matthew 9:7

Ot lummibbyat chi hachiʼn lapalalais ot ummoyon.

Mark 2:10

Allaya maligammuwanyuʼn Sakon un Alak chi Tagu alla kalobbongak utla pita un mamakawan si byasuɏ.” Ot kalala si hachiʼn lapalalais,

Mark 2:7

“Puggey katchi ugud chi allaʼn tagu? Iyisula ga long-egla kan Apudyus. Ti lappun makapakawan si byasuɏ ngim si Apudyus abus.”

Luke 5:21

Ngim cha Pariseo ya mimistulun chi lintog sin-aayumimitcha un kalancha, “Silu maga kilatatagun chi lait un iyisula ga long-egla kan Apudyus! Lappun makapakawan si byasuɏ ngim si Apudyus abus!”

John 10:28

Ked idchek chicha si biyeg un mallalayun ked achipun cha pulus misila kan Apudyus. Ked lappun makapɏos kan chicha kan sakon.

John 17:2

Ti illidchom kan sakon chi kalobbongan un manturay kan cha losan un tagu ta idchek si biyeg un mallalayun cha losan un impiyeɏm kan sakon.

John 5:27

Ked illidchela bo Alak si kalobbongan un manguis si cha tagu, ti siya Alak chi Tagu.

John 5:8

Oli pun kalan Jesus kan siya, “Lumibbyatka, aɏam chi oboklu ya malidchaɏanka!”

Acts 5:31

ot impangatula siya si machuwalanla ta siya Pangat ya Malagu, taplu idchela cha taguʼd Israel si wayachaʼn mambyabyawi kan cha byasuɏcha ked mapakawancha.

Acts 9:34

Kalan Peter kan siya, “Aeneas, palin-awaon Jesu Kristu sika! Bumangonka ya lukutom chi oboklu!” Ot labyalangon si Aeneas.

2 Corinthians 2:10

Lu awed pakawalonyu, pakawalok bo siya. Ked ammun Kristu un lu awed pakawalok, liwatak bo cha lakabyasuɏala. Killingwak cha katchi ta siya tuɏachonyu si bumaɏuwanyu

2 Corinthians 5:20

Ked chikami libuun un mangipakaammu mipanggop kan Kristu. Ked si Apudyus mismu chi mangàaɏuk kan chikayu. Ked gapu si ngachen Kristu, kewayu ta mangulin kayu kan Apudyus.

Ephesians 4:32

ngim ha koonyu otyan, man-asiillalus kayu ya man-asikachegu kayu. Ya masapuɏ boʼn man-asipillakawan kayu un isun chi lamakawalan Apudyus kan chikayu mipagapu kan Kristu.

Colossians 3:13

Alusanyu ituɏged cha susuludyu ya lu awed makabyasuɏ kan chikayu, manpillakawan kayu, un isun chi lampapakawan Apu Jesu Kristu kan chikayu, ked masapuɏʼn pakawalonyu cha uchum.