Matthew 9:4 - Lubuagan Kalinga

⁴ Ammun Jesus chi awed si somsomokcha ot kalala, “Puggey un lawwing chi somsomokyu?

Matthew 9:4 ပူးပေါင်းရင်းမြစ်များ

Matthew 12:25

Ammun Jesus chi awed si somsomokcha ot kalala kan chicha si pangngalig, “Ulay siluʼn turay lu lappun timpuyug cha tagu un mantitillalungcha mampapatoy, lalakachaʼn mayam-an. Katchi bo makwa si ili willu simbyeyan, lu lappun timpuyugcha un mantitillalungcha mampapatoy maasibbyakawcha.

Mark 12:15

Ngim ammun Jesus un pionchaʼn sikapan siya ot kalala kan chicha, “Payuggey sakon mangin-in-an? Itchelak si pilak ta itullongku.”

Mark 2:8

Tagammun Jesus cha awed si somsomokcha, ot kalala kan chicha, “Puggey katlat chi somsomokyu?

Luke 11:17

Ngim ammun Jesus chi somsomokcha, ot kalala kan chicha, “Ulay siluʼn ili lu mantitillalungcha mampapatoy, mayam-ancha. Isulad chi simbyeyan un achipun mangkakatulusan, maasibbyakawcha.

Luke 5:22

Ngim laammuwan Jesus chi somsomokcha ot kalala kan chicha, “Puggey katlat chi somsomokyu?

Luke 6:8

Ngim ammun Jesus chi somsomokcha, ot kalala si leɏakiʼn lasikod, “Umalika u sumiked si allaʼn sangwalan.” Ot ummoy chi leɏaki.

Luke 7:40

Hachi ked gumminga si Jesus ot kalala si hachiʼn Pariseo, “Simon, awed chi ibyegak kan sika.” Kalan Simon, “O, simma ibyegam Apu?”

John 16:19

Ammun Jesus un pionchaʼn imuson kan siya, ot ilimusla kan chicha, “Ha man-iillimus kayu mipanggop si imbyegak un achipun mabyeyeg ked achipunyu mitullong sakon, ngim achipun bo mabyeyeg ked kasinyu bo itullong sakon?

John 16:30

Si sala, laammuwanmi un ammum losan. Achipun masapuɏ un man-imus kami ti am-ammum chi awed si somsomokmi. Hachi mamatiyanmi un lampeɏpuka kan Apudyus.”

John 21:17

Ot impitlun Jesus un kalala, “Simon un alak John, ha tuttuwaʼn ay-ayatolak?” Ot chummauy si Peter ti pilitlula ilimus chi hachi. Ot kalala, “Apu, ammum losan. Ammum un tuttuwaʼn ay-ayatok sika.” Ot kalan Jesus kan siya, “Ayyuwalam cha lamati un ibilangkun keɏliluk.

John 6:61

Ngim ilagammun Jesus un sin-iinguk cha disipulusla ot kalala kan chicha, “Ha machismaya kayu gapu si alla?

John 6:64

Ngim awed cha uchum kan chikayu un achipun mamati kan sakon.” Ti sigud un ammun Jesus lu silu cha achipun mamati ya ammula lu silu mangiyibit kan siya.

Acts 5:9

Oli pun kalan Peter kan siya, “Payuggey lantuɏagen mangin-in-an chi Ispiritun chi Apu? Chongɏom! Allatchaʼn ased cha ummoy langimbon kan asawam ked umoy chika bo ipasali ilawa.”

Revelation 2:23

Ked otoyok bo cha maibilang un aalakcha un maluɏut kan siya ta awed mangagammuwan cha losan un mamati si kaili-ili un sakon ked ammuk cha losan un somsomok ya ha pion cha tagu. Ked idchok bo subyalit cha pin-an cha losan un tagu killingwa, bibiɏu willu lawwing.