Matthew 9:2 - Lubuagan Kalinga

² Lichuumcha pun si ili, inggetong cha tagu leɏakiʼn bilubulligenchaʼn lapalalais. Laammuwan pun Jesus chi gettok un pammaticha kan siya, kalala si lapalalais, “Alakku, pakoscheɏom chi somsomoklu. Lapakawan cha byasuɏm.”

Matthew 9:2 ပူးပေါင်းရင်းမြစ်များ

Matthew 14:27

Ot kakman Jesus gilingaan chicha un kalala, “Achi kayu manchaleg! Sakon laoy. Achi kayu umogyat!”

Matthew 4:24

Ked lanchilongeɏ pin-an Jesus killingwa si cha losan un iliʼd Syria. Hachi gapulaʼn lan-iyoy cha tagu kan cha losan un lasakit, un lakalakalasi sakitcha ya ligatcha, isun cha laaɏan, laketoy ya lapalalais, ot pilalin-awan Jesus chicha.

Matthew 6:12

Ya pakawalom cha byasbyasuɏmi, ti pilakawanmi bo cha lakabyasuɏ kan chikami.

Matthew 8:10

Laschaaw si Jesus si chingngeɏla imbyegan chi kapitan, ot kalala kan cha taguʼn lituntun-ud kan siya, “Tuttuwa ibyegak kan chikayu, lappun inchesak si kamatla kapigsan chi pammatila, ulay kan cha taguʼd Israel.

Matthew 8:16

Lummaschom pun, inggetong cha tagu cha laaɏan ya cha lasakit kan Jesus. Ot iluseɏla ugudla un lampeɏyaw kan cha aɏan ya pilalin-awala losan cha lasakit.

Matthew 9:22

Oli pun lantuwili si Jesus ot intullongla siya, ot kalala, “Pakoscheɏom chi somsomoklu, alakku! Gapu si pammatim kan sakon, lumin-awaka.” Ot kakma lummin-awa byebyai.

Matthew 9:5

Simma lagodgochong un ibyega, ‘Lapakawan cha byasuɏm,’ willu ‘Lumibbyatka ked malidchaɏanka?’

Matthew 9:6

Allaya maligammuwanyu un Sakon un Alak chi Tagu, alla kalobbongak utla pita un mamakawan si byasuɏ.” Ot kalala si hachiʼn lapalalais, “Lumibbyatka, eɏam chi oboklu ya ingkan uwayu!”

Mark 1:32

Lummaschom pun, inggetong cha tagu cha losan un lasakit ya cha laaɏan.

Mark 10:49

Oli pun, ummillong si Jesus ot kalala, “Ayagenyu siya utla.” Ot ilayagencha hachiʼn lakuɏap un kalancha, “Matetteɏokka! Sumikedka, ti ilayagela sika.”

Mark 5:34

Kalan Jesus si byebyai, “Alakku, gapu si pammatim kan sakon lummin-awaka. Ammam umoyon. Achipun kasin umuli sakitlu.”

John 16:33

Imbyegak laoy kan chikayu ta lumin-awa cha somsomokyu gapu kan sakon. Paligatan chikayu kan cha achipun mamati, ngim pakoscheɏonyu somsomokyu ti ilabyakku si Satalas un sinturay utla lubung.”

John 2:25

Ked achipun masapuɏ un awed mangibyega kan siya si kilatatagun cha tagu ti ammula awed si somsomokcha.

John 21:5

Ot kalala kan chicha, “Susulud, awed laaɏayu?” Kalancha, “Lappun pulus.”

Acts 14:9

Lanchochongngeɏ si imbyegbyegan Paul. Intutukkeɏn Paul siya ot lailalan alla pammatila un lumin-awa.

Acts 19:12

Ti ulay chi panyu ya luput un pin-an Paul iluseɏ, lu iyoycha kan cha lasakit willu laaɏan, ked lummin-awacha ya telan cha aɏan chicha.

Acts 23:11

Si hachiʼn labi lampaila si Apu Jesus kan Paul ot kalala, “Pakoscheɏom chi somsomoklu, ti masapuɏʼn sika mantistigu mipanggop kan sakon ud Rome un isun chi killingwam utla Jerusalem.”

Romans 5:11

Ngim chakampun un abus cha hachi, ti tuttuwaʼn pilagalas Apudyus chitaku gapu si killingwan Apu Jesu Kristu un siya langwa si lakabibiɏulan taku kan Apudyus.

James 2:18

Ngim awed chi mangibyega, “Ha osaʼn tagu, awed pammatila abus ngim ha osa, awed bo bibiɏuʼn angwatla abus.” Ked katla isongbyatku: “Achipunlu mipaila kan sakon chi katuttuwaan chi pammatim lu achipunlu mapatachulan si bibiɏuʼn angwat. Ked sakon, ipailak kan sika chi kilatuttuwan chi pammatik si bibiɏuʼn angwatku.”