Matthew 9:16 - Lubuagan Kalinga

¹⁶ Ot kasin lan-alig si Jesus un kalala, “Lappun tagù mangitekup si baruʼn luput si chachaan un silup ti lu kumsin chi baruʼn luput, ked maam-amod mapissay chi silup.

Matthew 9:16 ပူးပေါင်းရင်းမြစ်များ

Matthew 9:15

Ot inyalig Jesus un summongbyat, kalala, “Ha makwa kamman un mallaun cha bubuɏun chi leɏakiʼn mangkaseɏ lu awed cha kan siya? Mangancha bò amin. Ngim gumatong chi timpu un miyachayu likaseɏ kan chicha, ked hachi asicha mallaulan.”

Matthew 9:17

Ya lappun tagù mangigga si ilabuyu un byeyas si chachaan un giledchang un iiggaan ti bumtak chi hachiʼn gedchang ked misuyat chi byeyas ya mayam-an chi gedchang. Ngim siyad kopyala, ha ilabuyu un byeyas masapuɏʼn maigga si baruʼn giledchang un iiggaan taplu man-isuʼn michulincha.”

Mark 2:21

Ot kasin lan-alig si Jesus un kalala, “Lappun mangitekup si baruʼn luput si chachaan un silup. Ti ha baruʼn luput un mitekup, pissayola chachaan un silup ked maam-amod chi pissayla.

Luke 5:36

Kasin lan-alig si Jesus kan chicha, un kalala, “Lappun tagù pumissay si paat un luput si baruʼn silup ked intekupla si chachaan un silup, ti yam-alola baruʼn silup ya achipun miyapot chi baruʼn luput un mantekup si chachaan un silup.

John 16:12

“Achu piok un ibyega kan chikayu, ngim amod lu maawatanyu si sala.

1 Corinthians 13:13

Ked abus cha tiɏuʼn mallalayun iinggew kan chitaku. Ha umula, siya pammati taku kan Apudyus, ked ha mikadwa, ha lamlama taku mipagapu kan Jesu Kristu. Ked ha mikatlu, ayat un siya kapopotgen kan chicha losan.

2 Corinthians 9:12

Ta lu katchi pin-ayu koon, chakampun un abus si matuɏunganyu cha tagun Apudyus, ngim peɏoswaola bo ayat cha achuʼn tagu un manyaman kan siya.