Matthew 9:14 - Lubuagan Kalinga

¹⁴ Oli pun ummoy cha disipulus John un Mambubunyeg lakaimus kan Jesus, “Puggey un chikami ya cha Pariseo, mangankallayun kami mallaun, ngim cha disipuluslu achipuncha mallaun?”

Matthew 9:14 ပူးပေါင်းရင်းမြစ်များ

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

John 3:25

Si lamingsan, lakasongsongbyat cha disipulus John si osaʼn Judio mipanggop si in-ilon un machuɏsan.

John 4:1

Chingngeɏn pun cha Pariseo un umachu-achu cha sumuysuɏut kan siya ya achu cha bilunyagen Jesus lu si John.

Matthew 11:2

Si hachiʼn timpu libyabyaɏud si John un Mambubunyeg. Chingngeɏla pu pin-an Kristu killingwa, imbuunla cha uchum un disipulusla un umoy makaimus kan Jesus.

Matthew 9:15

Ot inyalig Jesus un summongbyat, kalala, “Ha makwa kamman un mallaun cha bubuɏun chi leɏakiʼn mangkaseɏ lu awed cha kan siya? Mangancha bò amin. Ngim gumatong chi timpu un miyachayu likaseɏ kan chicha, ked hachi asicha mallaulan.”