Matthew 8:16 - Lubuagan Kalinga

¹⁶ Lummaschom pun, inggetong cha tagu cha laaɏan ya cha lasakit kan Jesus. Ot iluseɏla ugudla un lampeɏyaw kan cha aɏan ya pilalin-awala losan cha lasakit.

Matthew 8:16 ပူးပေါင်းရင်းမြစ်များ

Matthew 12:22

Oli pun illiyoycha kan Jesus chi osaʼn leɏakiʼn kiluɏap ya ilumeɏn chi aɏan. Ot pileɏyaw Jesus chi aɏan un inggew kan siya ot lakatullong ya lakaginga hachiʼn leɏaki.

Matthew 14:14

Lummogsed pun cha Jesus si byangka ot intullongla cha amod un tagu un lituntun-ud, kummachegu kan chicha ot kilaanla cha saksakitcha.

Matthew 8:15

Ot iloglen Jesus chi imala ot kakma lakaan chi palatingla. Bummangon chi byakbyakot ot pilakalala si Jesus.

Matthew 8:33

Cha hachiʼn man-aachug kan cha byeɏok, ummawidcha si ili. Imbyegacha losan un lakwa, pati cha lakwa kan cha chuwaʼn laaɏan.

Matthew 9:2

Lichuumcha pun si ili, inggetong cha tagu leɏakiʼn bilubulligenchaʼn lapalalais. Laammuwan pun Jesus chi gettok un pammaticha kan siya, kalala si lapalalais, “Alakku, pakoscheɏom chi somsomoklu. Lapakawan cha byasuɏm.”

Mark 2:3

Si hachi, gummatong cha opat un leɏakiʼn bilumbulligencha osaʼn lapalalais un leɏaki ta iyoycha kan Jesus.

Mark 9:25

Intullong pun Jesus cha amod un taguʼn sintotodchak un umachali, ilomeɏala aɏan, un kalala, “Sikaʼn aɏan un lampatuɏong ya langumeɏ si allaʼn alak, ibyegak kan sika lumawaka kan siya ya achika mangulin kasin.”

Luke 13:12

Intullong pun Jesus siya, ilayagela siya ot kalala, “Byebyai, makaan chi sakitlu.”

Luke 4:40

Lummaschom pun, inggetong cha tagu cha kadwachaʼn lakalakalasi cha sakitcha kan Jesus. Ot intetepangla ilappachen chicha ot lummin-awa cha losan.

Luke 4:41

Lampeɏyaw bo kan cha aɏan un inggew kan cha achuʼn tagu, ot si ummoyolan cha aɏan, inyipkawcha un kalancha, “Sika alak Apudyus!” Ngim pilagilokla chicha ti tilagammucha un siya si Kristu un ingkarin Apudyus un umali.

Acts 5:15

Gapu si kawachin cha apostoles, illiyoy cha tagu cha lasakit si kesa ya imbyelatcha chicha si katlicha ya obokcha, ti kalancha lu lumaus si Peter maaɏungancha si alliliwanla ya cha uchum ked makaan chi sakitcha.