Matthew 8:14 - Lubuagan Kalinga

¹⁴ Oli pun, ummoy si Jesus ud byeɏoy cha Peter, ot intullongla byebyai un katugangan Peter un uumbog, ti amod chi palatingla.

Matthew 8:14 ပူးပေါင်းရင်းမြစ်များ

Matthew 17:25

“O, mambyaybyayed kabbo.” Summongbyat si Peter. Si lilumlokan Peter si byeɏoy, kalan Jesus kan siya, “Simon, simma maibyegam? Silu manchagupan cha Ari utla pita si bugis? Cha sigud un tagula willu cha kakkaili?”

Matthew 8:15

Ot iloglen Jesus chi imala ot kakma lakaan chi palatingla. Bummangon chi byakbyakot ot pilakalala si Jesus.

Matthew 8:20

Ot kalan Jesus kan siya, “Cha mutit allat chi lungug un igewcha ya cha sissiwit allat bo sukbutcha. Ngim Sakon un Alak chi Tagu, lappun byeɏoyku un inyak masuɏpan.”

1 Corinthians 9:5

Ked lappun kamman kalobbongak un mangiyaw-awit kan asawak si losan un ayak, un isun chi mangkokopyan cha uchum un apostoles, ya cha susulud Apu takuʼn Jesus ya si Peter?

1 Timothy 3:2

Ha mangipangpangu, masapuɏʼn lappun kachillawala, ossaan chi asawala, laalled, maattomala cha lawwing un pion chi long-egla, laangsan ya mapotgen. Masapuɏʼn malagmangili ya masapuɏʼn ammulaʼn mantudtuchu.

1 Timothy 4:3

Cha kamatchiʼn tagu, itudtuchucha un mipalit chi mangasawa ya paliyawonchaʼn kalon cha uchum un makan. Ngim killingwan Apudyus cha kalasin cha makan ta kalon cha tagu, ked chitakuʼn lamati kan langammu si katuttuwaan, manyaman taku ked makwaʼn kalon taku ulay siluʼn makan.

Hebrews 13:4

Masapuɏʼn ipotog taku losan chi man-as-asaw-an ya ituɏuy cha man-asawa un mantegod si kacha osa. Ti chusaon Apudyus cha makachegchegas ya cha pin-a mangwa si kakitkitagen.