Matthew 8:12 - Lubuagan Kalinga

¹² Ngim cha Judio un pililiyan Apudyus un mipati si Mampangatala, kaachuwan kan chicha ked mibyellu si lugeɏʼn amod chi gikbotla, ked sin-iibincha ya singngingillot cha ngiponcha si sigebcha.”

Matthew 8:12 ပူးပေါင်းရင်းမြစ်များ

Matthew 13:38

Ked ha payaw siya utla lubung. Ked ha bibiɏuʼn pagoy, chicha cha tagu un mipati si Mampangatan Apudyus. Ngim cha sabsabug, chicha cha tagun Satalas.

Matthew 13:42

Ked mibyellucha si guminggillaub un apuy un achipun maksop. Ked sin-iibincha ya singngingillot cha ngiponcha.

Matthew 13:50

Ked ibyellucha si guminggillaub un apuy cha mangkaɏawing un tagu. Ked sin-iibincha ya singngingillot cha ngiponcha.”

Matthew 21:43

Ked ibyegak kan chikayu, un achipun Apudyus iturayan chikayu ked siya iturayala cha tagu un pin-a mangwa kan cha lumbong si mampangatala.

Matthew 24:51

Ked chusaon chi apula siya ya ipatila siya si igew un machusaan cha aginpapati. Udchi sin-iibin cha tagu ya singngingillot chi ngiponcha.”

Matthew 25:30

Ot kalala si lappun simbilan bubùulon, ibyelluyu siya si lugeɏʼn amod chi gikbotla, udchi sin-iibin cha tagu ya singngingillot chi ngiponcha.’ ”

Luke 13:28

Ked lu mailacha cha aappu taku cha Abraham, Isaac ya Jacob ya losan un propeta un awed si Mampangatan Apudyus. Sin-iibincha ya singngingillot cha ngiponcha ti mibyellucha ya achipuncha mipati.

Acts 3:25

Chikayu galak cha propeta ked lipati kayu si katuɏagen un ingkarin Apudyus kan cha aappuyu. Kalan Apudyus kan Abraham, ‘Mipagapu kan cha galaklu, mabinchisyulan cha losan un tagu si losan un ili utla lubung.’

Romans 9:4

Ti chicha mismuʼn galak Israel un chilutukan Apudyus un man-alakla ya chicha bo langipain-ala si kila-Apudyusla. Lakatuɏeg kan chicha ya illidchola lintogla. Awed kan chicha chi ustuʼn palagchaychayaw ya chicha malawid si ingkarila.

2 Peter 2:17

Miyalig cha aginsusuɏu si laksit un uud, ya isucha bo mibyalibyali un libuu. Insasaggalan Apudyus chi inggewancha un manggikbot.

2 Peter 2:4

Ti achipun Apudyus kilacheguwan cha angheles un lakabyasuɏ, ngim imbyellula chichaʼd impiyeɏlu ta mabyabyaɏudcha si hachiʼn manggikbot ta manguuwayancha si eɏgew un manguisan Apudyus kan cha losan.

Jude 1:13

Isucha kaog-ogyat un challuyun si byeybyey un peɏoswaola cha mantetebuteb un kaisaw un kabibiin un angwatcha. Isucha bo cha malungachungaw un bituwon un inyaallan Apudyus chi manggikgikbotan un inggewancha si ing-inggala.

Revelation 22:15

Ngim achipun makwa un lumlok cha pin-a mangwa si kabibiin ya cha mansansalamangka, ya cha kachechegchegas, cha kapapatoy, cha malaychayaw si silan-apudyus, cha matuli ya cha pin-a mangwa si lawwing. Lappun makaslok kan cha kakammatchi si hachiʼn siudad.