Matthew 7:8 - Lubuagan Kalinga

⁸ Ti losan un mangkochew kan Apudyus, maatod chi kochewola. Lu silu mansingit si piolaʼn sington, maochesala. Lu silu mangkongkong, milukat chi sawang kan siya.

Matthew 7:8 ပူးပေါင်းရင်းမြစ်များ

Matthew 7:7

Kalan bo Jesus, “Lu awed masapuɏyu, kochewonyu kan Apudyus ot idchola kan chikayu. Lu awed singtonyu, maochesanyu. Ked lu mangkongkong kayu si sawang, milukat kan chikayu.

Matthew 7:9

Silu kan chikayuʼn aamma, un lu mangkochew chi alakyu si makan, ha idchonyu kamma byetu?

Luke 11:10

Ti losan un mangkochew kan Apudyus, maatod chi kochewola, ked ha mansingit si piolaʼn sington, maochesala, ya milukat chi sawang kan cha losan un mangkongkong.

John 2:2

Ot laayagen bo cha Jesus ya cha disipulusla.

Acts 9:11

Kalan Apu Jesus kan siya, “Lumibbyatka ya ingka si kesa un ngadloncha mallintog ked imusom chi byeɏoy Judas lu awed si Saul un iTarsus udchi. Awed un malluwaluwalu si sala.