Matthew 7:7 - Lubuagan Kalinga

⁷ Kalan bo Jesus, “Lu awed masapuɏyu, kochewonyu kan Apudyus ot idchola kan chikayu. Lu awed singtonyu, maochesanyu. Ked lu mangkongkong kayu si sawang, milukat kan chikayu.

Matthew 7:7 ပူးပေါင်းရင်းမြစ်များ

Matthew 18:19

“Awed bo ibyegak kan chikayu: Lu awed man-asiteulan cha chuwa kan chikayu utla pita un chawatonyu, idchon Amak ud langit kan chikayu.

Matthew 21:22

Lu awed pammatiyu kan Apudyus, idchola losan un chawatonyu si luwalu.”

Matthew 6:33

Siya otyan isosomokyu Mampangatan Apudyus ya masapuɏʼn koonyu cha piola, ked idchola cha losan un kasapuɏanyu.

Matthew 7:11

Kan chikayuʼn malagbyasuɏ, lu ammuyuʼn mangatod si bibiɏu kan cha aalakyu, giluɏa bo Amayuʼd langit achi mangatod si bibiɏu kan cha losan un mangkochew kan siya.

Matthew 7:8

Ti losan un mangkochew kan Apudyus, maatod chi kochewola. Lu silu mansingit si piolaʼn sington, maochesala. Lu silu mangkongkong, milukat chi sawang kan siya.

Mark 11:24

Ked ibyegak kan chikayu, lu silu chawatonyu kan Apudyus si luwalu, patiyonyu un maatod kan chikayu, ked awatonyu.

Luke 13:25

Lu illaus chi simbyeɏoy inchakig chi sawang, ked awed kayuʼd lasin un mangkongkongkong ya mampokapokaw, ‘Apu, iwalitlu u sawang ta lumlok kami.’ Ngim songbyatala chikayu, ‘Lappun ammuk kan chikayu ya chilu leɏpuwanyu.’

Luke 18:1

Oli pun lan-alig si Jesus kan cha disipulusla si maludtuchuwala kan chicha, ta pasig cha malluwalu ya achipun cha umuya.

John 15:16

Chakampun un chikayu lamili kan sakon, ngim sakon chi lamili kan chikayu. Imbuunku chikayu ta ingkayu ya mamunga-bunga kayu si achu. Ked mantuɏuy otyan chi bungayu. Ta ulay lu silu chawatonyu kan Ama mipagapu si ngachenku, idchola kan chikayu.

John 15:7

Lu iinggew kayu kan sakon ya iinggew bo ugudku kan chikayu, manchawat kayu si pionyu, ked maatod kan chikayu.

John 4:10

Ot summongbyat si Jesus kan siya, “Lu ammum otyan chi maatod Apudyus kan sika ya lu siluwak un mangkochew si chelum, mangkochewka otyan kan sakon ta idchek sika si chelum un mangtod si biyeg.”

Romans 2:7

Ngim cha taguʼn mangipapati un mangwa si bibiɏu, michayaw, mapotgen ya makakuwacha si biyeg un mallalayun. Ti chicha mangidchen Apudyus si mallalayun un biyeg.

Romans 3:11

Ked lappun ossaan si makaawat mipanggop kan Apudyus, ya lappun mangit kan Siya.

Hebrews 11:6

Ked lappun tagu si makaay-ayu kan Apudyus lu lappun pammatila. Ti lu silu umachali kan Apudyus, masapuɏʼn patiyola un awed si Apudyus ya gunggulaala cha mangipapati mansingit kan siya.

James 5:15

Ked gapu si luwalucha un mamaticha kan Apudyus, makaan chi sakitla ti kaalon Apudyus ya pakawalola bo cha byasuɏla.

1 John 3:22

Ked idchola ulay silu kochewon taku kan siya, ti tuttuwaon taku cha bilinla ya siyad koon taku cha mampagalas kan siya.