Matthew 7:6 - Lubuagan Kalinga

⁶ “Achiyu ipatut itudtuchu ugud Apudyus si taguʼn mangam-amsiw ya issalan chongɏon, ti miyaligcha si asu ya byeɏok. Ti ulay lu langila idchom si asu, kotbyeɏn chikayu. Achiyu bo idchon chi kangilaan un bongeɏ kan cha byeɏok ti iwakatcha ya choschosancha.”

Matthew 7:6 ပူးပေါင်းရင်းမြစ်များ

Matthew 15:26

Ot lan-alig si Jesus un kalala, “Chakampun un ustu lu ipakan chi kalon chi alak si asu.”

Matthew 24:10

Ked gapu si hachi, achu kan chikayu man-awichela pammatila ya man-asi-ibitcha kan man-asilawingcha.

Matthew 7:5

Sikan pappai! Ulaom yan kaalon chi sitap si atam ta pumatak chi mangitullongam un mangaan si siɏun-ik si atan chi biɏunlu.”

2 Corinthians 11:26

Singkawed chi lakwa kan sakon si lambiyabiyasiyak, langampiga un amasak maalud si chewwang, ked langampiga boʼn amasak mapatoy kan cha akkawan. Ya langampiga boʼn amas cha kailiyak un Judio mangtoyan kan sakon ya ulay bod cha Gentil. Ya achu bod cha kaam-amak si siudad, si lugeɏ un lappun ummili, si byeybyey ya sinchumadlu cha aginpapati un susulud kan Kristu.

Philippians 3:2

Tatanchaalanyu cha taguʼn lawwing chi somsomokcha un mangipatut un mampasogyat kalu kacha tagu taplu makwaʼn mitimpuyugcha kan Apudyus. Lauyung cha katchiʼn tagu un isucha lakupeɏn asu!

Hebrews 10:29

Ked sin-umamod bo machusaan chi taguʼn mangikiteg si Alak Apudyus ya manliwliw-ala chaɏa un langipaloklok si katuɏagen Apudyus un siya lameɏkas si cha byasuɏ ya cha langam-amsiw si malagchegu un Ispiritu.

Hebrews 6:6

Gapu ta lan-awichencha pammaticha, pulus lu makwaʼn mambyabyawicha kasin, ti isun chi ilansacha kasin si krus chi Alak Apudyus ya imbibiincha si sangwalan cha tagu.

2 Peter 2:22

Lipaila chi lakwa kan chicha un tuttuwa chi mibyegbyega un kalanchaʼn, “Ha asu, kasinla kalon chi inyud-udla, ya ha laomos un byeɏok, kasin mambyangbyang si pitok.”

Revelation 22:15

Ngim achipun makwa un lumlok cha pin-a mangwa si kabibiin ya cha mansansalamangka, ya cha kachechegchegas, cha kapapatoy, cha malaychayaw si silan-apudyus, cha matuli ya cha pin-a mangwa si lawwing. Lappun makaslok kan cha kakammatchi si hachiʼn siudad.