Matthew 7:25 - Lubuagan Kalinga

²⁵ Ulay lu iggalaʼn umuche-uchen ya lummitap ya iwasot chi byali, achipun mikusob chi byeɏoyla ti lapaud si lap-at chi byetu.

Matthew 7:25 ပူးပေါင်းရင်းမြစ်များ

Matthew 16:18

Ked ibyegak kan sika, Sika si Peter, piolaʼn uguchon byetu. Ked halat un lap-at chi byetu chi mampauchek si byeɏoyku un siya cha losan un mamati kan sakon. Ked lappun makaabyak kan chicha ulay chi kilabyelin chi otoy.

Matthew 7:24

Ot kalala bo, “Lu silu chumngeɏ si allaʼn ugudku ya koola chicha, miyalig si lasilib un taguʼn lampaud si byeɏoyla si lap-at chi byetu.

Matthew 7:26

Ngim lu silu mangngeɏ si allaʼn ugudku ya achipunla koon, miyalig si looggog un taguʼn lampaud si byeɏoyla si kaleglegelan.

Matthew 7:27

Ked lu iggalaʼn umuche-uchen ya lummitap ya iwasot chi byali byeɏoyla, mikusob ya miwakat.”

Acts 14:22

Pilakoscheɏcha cha mamati ya silegegcha chicha ta ituɏutuɏuycha si pammaticha, un kalancha, “Masapuɏʼn achu mapaligatan taku si mipatiyan taku si Mampangatan Apudyus.”

Ephesians 3:17

Iluwaluk bo ta inggew si Jesu Kristu si somsomokyu gapu si pammatiyu ya lumamut si somsomokyu cha man-aayatyu

Colossians 2:7

Ha pammatiyu kan Jesu Kristu ked isun otyan chi lummamutan chi osaʼn kayu, ya kumoskoscheɏ pammatiyu kan siya un siya litudtuchu kan chikayu. Ya pasig kayu manyaman kan Apudyus.

James 1:12

Pian chi tagu un miyattomla ligat, ti lu misikedla pammatila magunggulaan siya si biyeg ing-inggala un siya ingkarin Apudyus kan cha mangay-ayat kan siya.

1 Peter 1:5

Gapu si pammati, ayyuwalan Apudyus chikayu si pallakabyelinla inggala chumtong chi malaguwala kan chitaku un lisagala un mipaila si alungus chi timpu.

1 Peter 1:7

Ti cha achuʼn ligat un mapachasyu, hachi main-an chi katuttuwaan chi pammatiyu. Ulay chi byalituk mayam-an si apuy. Ked ha pammatiyu lapotpotog lu ha byalituk. Ked masapuɏʼn mapaloklokan chi pammatiyu, ta hachi main-an chi katuttuwaala. Ked gapu si tuttuwaʼn pammatiyu, michayaw kayu ya mipangatu kayu si mangulilan Jesu Kristu.

1 John 2:19

Cha hachiʼn kabusuɏla, litipugcha kan chitaku si sin-eɏgew, ngim chakampun un tuttuwan kadwa takuʼn mamati, siya gapun tilelancha chitaku. Lu kadwa taku chicha, intuɏutuɏuy cha otyan un iinggew kan chitaku. Ngim summilacha taplu mipaila un lappun kan chicha ustuʼn mankakadwaan taku.