Matthew 7:22 - Lubuagan Kalinga

²² Ked lu chumtong chi eɏgew un manguisan Apudyus kan cha tagu, achu cha mangkadkachegu kan sakon, ‘Apu, Apu, peɏlokom chikami! Gapu si ngachenlu, imbyegbyegami bibiɏuʼn chameg. Gapu si ngachenlu, pileɏyawmi cha aɏan. Gapu si ngachenlu, achu killingwamiʼn lakaskaschaaw.’

Matthew 7:22 ပူးပေါင်းရင်းမြစ်များ

Matthew 10:15

Tuttuwa allaʼn ibyegak kan chikayu, lu chumtong chi eɏgew un manguisan Apudyus si cha tagu, singkumaɏu chusan cha hachiʼn umili lu ha chusan cha iSodom ya iGomorrah.”

Matthew 24:36

Kalan bo Jesus, “Lappun mangagammu si hachiʼn eɏgew ya uras, ulay cha angheles ud langit ya ulay sakon un Alak Apudyus, ngim abus si Ama sintagammu.

Matthew 25:11

“Ummooli pun, gummatong cha mangkaoggog, ot kalancha, ‘Apu, Apu, iggatlu chikami!’

Matthew 7:21

Ot intuɏuy Jesus lantudtuchu, “Chakampun si losan un mangibyega kan sakon un, ‘Apu, Apu,’ ked makaslok si Mampangatan Apudyus, ngim abus cha mangwa si pion Amak ud langit.

Luke 10:12

Tuttuwa allaʼn ibyegak kan chikayu, un lu chumtong chi eɏgew un manguisan Apudyus si losan un tagu, singkumaɏu chusan cha tagu si hachiʼn ili lu chusan cha iSodom.”

John 11:51

Chakampun si lampeɏpu si uwalaʼn somsomok chi ilugudla, ngim gapu ta siya chi kangatuwan un pachi si hachiʼn tawon, impadtula chi matoyan Jesus ta matagu cha kailiyalaʼn Judio.

1 Thessalonians 5:4

Ngim chikayuʼn susulud, lu chumtong chi hachiʼn timpu, achi kayu matataeg un isun cha achipun mamati. Ti chicha, isun chi iinggewcha si manggikbot, ked hachi mataagencha un isun chi mapukaw lu lumlok chi man-aakaw.

2 Thessalonians 1:10

Si hachiʼn eɏgew un umaliyala, losan un tagula, chaychayawoncha siya ked maschaaw taku si kila-Apudyusla. Ked michoga kayu ti pilatiyu ugud Apudyus un impakaammumi kan chikayu.

2 Timothy 1:12

Ked siya gapun chi mapampaligatak si sala. Ngim achipulak mabiin, ti ammuk un Apudyus chi pilatik ya sigulachuwok un kabyeeɏala un ayyuwalan chi impiyeɏla kan sakon inggala chumtong chi eɏgew un mangulilan Kristu kasin.

2 Timothy 1:18

Ya ammum bo losan chi in-ilolaʼn lansimbi kan sakon ud Ephesus. Ked kacheguwan otyan Apudyus siya si eɏgew un manguisala kan cha tagu.

2 Timothy 4:8

Ked liiyala ud langit chi bibiɏu un gunggula un idchon Apu Jesu Kristu kan sakon. Ti siya lalintog un kuis si eɏgew un manguisala kan cha losan un tagu. Ked chakampun un abusak si magunggulaan, ngim losan cha taguʼn meɏyed un manguuway si umaliyala.