Matthew 7:13 - Lubuagan Kalinga

¹³ “Mangoy kayu si lalipit un liwangan, ti lawaya liwangan kan manggochong chi chaɏan un umoy ud impiyeɏlu, ked gapu ta manggochong chi halat un liwangan, achu cha mangoy.

Matthew 7:13 ပူးပေါင်းရင်းမြစ်များ

Matthew 23:13

Ot intuɏuy Jesus un kalala, “Kadchegu kayu, chikayuʼn Pariseo ya mimistulun chi lintog. Aginpapati kayu! Ti sillodyu sawang un lumlokan cha tagu si Mampangatan Apudyus. Ngim achipun kayu bo lumlok ked ipalityu bo cha meɏyed un lumlok.

Matthew 25:41

“Ked ibyegak kan cha taguʼn inggew si machuwigik, ‘Wissed kayu, chikayuʼn machuchusa ti mibyellu kayu si mallalayun un apuy un lisasaggala para kan Satalas ya cha anghelesla.

Matthew 25:46

Ked inyalungus Jesus, un kalala, “Mipooycha si mallalayun un machusaancha, ngim cha lalintog un tagu, makatagucha kan Apudyus si ing-inggala.”

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 3:8

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu.

Matthew 7:14

Ngim gapu ta lalipit chi liwangan ya mansukun chi chaɏan un umoy si biyeg un mallalayun kan Apudyus, ked akit cha mangoy.”

Luke 14:33

Inyalungus Jesus kalan un, “Isula bo kan chikayu, lu silu mangibyegan mitun-ud kan sakon, masapuɏ man-awichela cha losan un awed kan siya.”

Luke 9:33

Ummoyon pun cha chuwaʼn leɏaki, kalan Peter kan Jesus, “Apu, bibiɏu ta awed kami utla. Mangwa kami si tiɏuʼn sigey, mangkuwam osa, mangkuwan Moses osa ya mangkuwan Elijah bo osa.” Imbyegala hachi ti lappun mapuutla si uguchola.

John 10:9

Sakon chi sawang. Lu silu lumlok mangoy kan sakon, matatagu ya makwaʼn lumlok ya lumawa umoy mangan.

John 14:6

Ot kalan Jesus kan siya, “Sakon chi chaɏan, katuttuwaan ya biyeg. Lappun makaoy kan Ama lu achipun mangoy kan sakon.

Acts 3:19

Ked chikayu masapuɏʼn mambyabyawi kayu ya mansagung kayu kan Apudyus ta pakawalola cha byasbyasuɏyu.

Romans 9:22

Ked isula bo si killingwan Apudyus. Ti piolaʼn ipaila sangala ya ipakaammu kilabyelinla kan cha taguʼn mampasanga kan siya. Ngim ilalu-alusala chicha ulay lu machuchusacha.

2 Corinthians 4:4

Ti si Satalas un manturay si tagu utla lubung, sileilala somsomokcha ta achipuncha maila silaw un mampeɏpu si Bibiɏuʼn Chameg mipanggop si kilachayaw Kristu un issu-issun Apudyus.

2 Corinthians 6:17

Ked kalan bo Apudyus, “Telanyu chicha ked summila kayu kan chicha. Achiyu oglen chi kaisaw, ked awatok chikayu.

Galatians 5:24

Losan un tagun Jesu Kristu, illissancha lawwing un pion chi long-eg ti isun chi lipaticha liilansa si lilansaan Jesus si krus.

Philippians 3:19

Ked ha makwa kan chicha, mibyellucha ud impiyeɏlu, ti siya abus un potgoncha cha pipion chi long-egcha. Ked cha kabibiin, hachi isaysayawcha, ked cha awed si allaʼn pita cha pin-acha somsomkon.

1 John 5:19

Ammu taku bo un aalak chitaku kan Apudyus, ngim cha taguʼn achipun mamati si Satalas chi mangituray kan chicha.

Revelation 12:9

Ot lapeɏyaw chi hachiʼn kaog-ogyat un dragon, ya libyellu cha losan un anghelesla utla pita. Hachiʼn dragon, siya uɏog si awi un pangat cha aɏan, willu siya Satalas un langallilaw kan cha tagu utla pita.

Revelation 13:8

Ked losan un tagu utla pita chayawoncha siya, lalaksig kan cha taguʼn lilista ngachencha si hachiʼn libluʼn chi Keɏlilu un lapatoy. Ti lalipud si chamchamun cha losan, lagamput lilista si liblu ngachen cha losan un laidchen si mallalayun un makataguwan kan Apudyus.

Revelation 20:15

Ti cha losan un tagu un lappun ngachenla si hachiʼn liblu un liigiliyan cha losan un makatagu kan Apudyus, chicha mibyellu si hachiʼn apuy un isun chi byeybyey.