Matthew 7:11 - Lubuagan Kalinga

¹¹ Kan chikayuʼn malagbyasuɏ, lu ammuyuʼn mangatod si bibiɏu kan cha aalakyu, giluɏa bo Amayuʼd langit achi mangatod si bibiɏu kan cha losan un mangkochew kan siya.

Matthew 7:11 ပူးပေါင်းရင်းမြစ်များ

Matthew 23:9

Achiyu awagen ulay siluʼn tagu utla pita un ‘Ama,’ ti ossaan chi Amayu ud langit.

Matthew 7:10

Ked lu manchawat si lamos, ha idchonyu kamman bo uɏog?

John 3:16

Gapu si amod un man-aayat Apudyus kan cha tagu, illidchola ossaan un alakla ta lu silu mamati kan siya, achipun misila kan Apudyus ta machusa ngim maidchen si biyeg un mallalayun.

Romans 3:19

Ked chitaku, ammu taku un cha losan un liigili un lintog, para kan cha Judio un mamangchon si lintogla. Ked gapu si hachiʼn lintog, lappun mallasun chi ulay siluʼn tagu un inggew utla pita un achipun Apudyus chusaon, ti lappun achi lakabyasuɏ.

Romans 3:9

Himma ilola lù? Ha piola kamman un ibyega, labibbiɏu kasasaedmiʼn Judio lu cha Gentil? Lai! Chakampun si kamatchi! Ti lagamputku imbyega un man-iisuʼn iturayan chi byasuɏ cha losan un tagu, Judio man willu Gentil.

Romans 8:32

Achipun Apudyus gilagaan chi mismuʼn alakla, ngim inchuyala siya para kan chitaku losan. Lu inchuyala Alakla kan chitaku, ha magaga kamman un mangatod si losan kan chitaku? Achipun!

Galatians 3:22

Ngim achipun umalay chi lintog un malagu si tagu, ti imbyebyeggan chi liigili si ugud Apudyus un labyabyaɏud cha losan un tagu si kilabyelin chi byasuɏ. Ked masapuɏʼn mamaticha kan Jesu Kristu, ta makwa un idchon Apudyus kan chicha hachiʼn ingkarila un mataguwancha.

James 1:17

Ti losan un bibiɏu ya ustu un maatod kan chitaku ked lampeɏpu kan Apudyus un awed ud langit. Siya langwa kan cha silaw ud langit. Ngim ulay lu mambyalibyaliw cha killingwala, achipun pulus mambyaliw si Apudyus.

1 John 3:1

Somsomkon taku amod un tagop Ama takuʼn Apudyus kan chitaku, ti imbilangla chitakuʼn aalakla ked tuttuwa hachi. Ngim cha achipun mamati, achipuncha bigbigon un chitaku aalak Apudyus, ti achipuncha bigbigon si Apudyus un Ama.

1 John 4:10

Kamatla tuttuwaʼn ayat: Chakampun un ha man-aayat taku kan Apudyus ngim ha man-aayatla kan chitaku ya langibuulala si Alakla ta mapakawan cha byasbyasuɏ taku.