Matthew 6:9 - Lubuagan Kalinga

⁹ Kamatla in-ilonyuʼn malluwalu: ‘Amami un awed langit, machaychayaw otyan chi ngachenlu.

Matthew 6:9 ပူးပေါင်းရင်းမြစ်များ

Matthew 10:29

Somsomkonyu chi man-aayyuwan Apudyus kan chikayu. Tansu abus ngilan chi chuwaʼn tilin. Ngim lappun matoy ulay ossaan lu achipun Apudyus un Amayu ipalubus.

Matthew 23:9

Achiyu awagen ulay siluʼn tagu utla pita un ‘Ama,’ ti ossaan chi Amayu ud langit.

Matthew 26:29

Tuttuwa ibyegak kan chikayu, achipulak kasin umilum si allaʼn byeyas inggala gumatong chi eɏgew un makailumak kan chikayu si baruʼn byeyas si Mampangatan Amak.”

Matthew 26:42

Ot ummachayu kasin si Jesus ta umoy malluwalu un kalala, “Ama, lu kasapuɏan un makwa kan sakon cha allaʼn ligat, makwa otyan chi piom.”

Matthew 5:16

Kamatchi bo un kasapuɏan un silawanyu cha tagu ta mailacha bibiɏuʼn ugaliyu ked siya mangichayawancha kan Apudyus un Amayuʼd langit.”

Matthew 5:48

Ked masapuɏʼn lappun mangkuɏanganyu, un isun chi Amayuʼd langit un lappun mangkuɏangala.”

Matthew 6:14

Ot kalan bo Jesus, “Lu pakawalonyu cha mangwa si lawwing kan chikayu, pakawalon chikayu bo kan Amayuʼd langit.

Matthew 6:6

Ngim lu malluwalu kayu, lumlok kayu si kuwetuyu ya inyolobyu ked malluwalu kayu kan Amayu un achipun maila ked si Amayu un Apudyus un mangitutullong si pin-ayu koon, ked gunggulaan chikayu.

Matthew 7:11

Kan chikayuʼn malagbyasuɏ, lu ammuyuʼn mangatod si bibiɏu kan cha aalakyu, giluɏa bo Amayuʼd langit achi mangatod si bibiɏu kan cha losan un mangkochew kan siya.

Luke 15:18

Mangulilak kan Amak ked ibyegak kan siya, ‘Ama, lakabyasuɏak kan Apudyus ya sika.

Luke 15:21

Kalan chi bumaru, ‘Ama, lakabyasuɏak kan Apudyus ya sika, chakpun kalobbongan un mibilang un alaklu.’

Luke 2:14

“Machaychayaw si Apudyus ud langit. Pabiɏuwola somsomok cha losan un tagu utla pita un mampagalas kan siya.”

John 20:17

Kalan Jesus kan siya, “Là, achim sakon oglen ti chaampulak mangulin kan Ama ud langit. Ngim ingka ibyega kan cha susulud taku un mangulilak kan Amak un Amayu, ya Apudyusku un siya bo Apudyusyu.”

Romans 1:7

Ked hachi gapulaʼn maluɏatak kan chikayu losan un ay-ayaton Apudyus ya chilutukala un mantagula utlat. Iluwaluk ta tuɏungan chikayu losan kan Ama takuʼn Apudyus ya Apu takuʼn Jesu Kristu, ya palin-awaoncha somsomokyu.

Romans 8:15

Ti ha Ispiritun Apudyus un laatod kan chitaku, chakampun un mammusassuwon chitaku ta umogyat taku kan Apudyus. Ngim mambyalilola chitaku aalak Apudyus. Ked gapu si kilabyelin chi Ispiritu, hachi mangawagen taku kan Apudyus, “Ama!”

Galatians 1:1

Sakon si Paul un lachutukan un apostoles Jesus Kristu. Chakampun un tagu lanchutuk kan sakon, ngim si Jesu Kristu ya si Amalaʼn Apudyus un lalagu kasin kan siya si latoyala.

Galatians 4:6

Ha langipain-an Apudyus un ilalakla chitaku ked ha langibuulala si Ispiritun Jesu Kristu un inggew kan chitaku, ked siya mangitudtuchu kan chitaku si mangawagen taku kan Apudyus “Ama.”

1 Timothy 6:16

Siya abus chi achipun matoy si ing-inggala ya lappun tagu si makaachali kan siya. Lalipud si chamchamu, lappun tagù langitullong kan siya ya lappun bò makaitullong kan siya. Ked siya machaychayaw si ing-inggala ti lappun miyisuwan chi kilabyelinla! Amen.

1 Peter 1:17

Lappun laksigon Apudyus. Kuisola tagu un miyulud si killingwala. Kalanyu, “Amami” lu malluwalu kayu kan Apudyus. Ked lu katlat, masapuɏʼn ibiinyu siya ya potgonyu siya si salaʼn matattaguwanyu utla pita.

Revelation 4:11

“Apumi un Apudyus, kalobbongam un machayaw gapu si kilabiɏum ya pallakabyelinlu, ti sika langwa si losan. Ked gapu si ayatlu, siya lakwaan ya lataguwan cha losan.”

Revelation 5:12

Ot chilakeɏchaʼn mangkankanta un kalancha, “Allaya Keɏlilu un lapatoy, siya abus chi alla kalobbongalaʼn mipangatu ya machayaw, ya lappun miyisuwan chi kilabyaklangla ya kilalaingla ya ulay chi pallakabyelinla ya kilabiɏula.”