Matthew 6:5 - Lubuagan Kalinga

⁵ “Ked lu malluwalu kayu, achiyu iyis-isu kan cha aginpapati ti pionchaʼn isiked un malluwalu si sinagoga ya cha igid cha kekkesa ta itullong cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 6:5 ပူးပေါင်းရင်းမြစ်များ

Matthew 21:22

Lu awed pammatiyu kan Apudyus, idchola losan un chawatonyu si luwalu.”

Matthew 23:13

Ot intuɏuy Jesus un kalala, “Kadchegu kayu, chikayuʼn Pariseo ya mimistulun chi lintog. Aginpapati kayu! Ti sillodyu sawang un lumlokan cha tagu si Mampangatan Apudyus. Ngim achipun kayu bo lumlok ked ipalityu bo cha meɏyed un lumlok.

Matthew 23:5

Losan un kooncha, siyad mangwaancha ta itullong cha tagu chicha. Ti igilicha uchum un ugud Apudyus si mangkachakkeɏ ked itakodcha si kicheycha ya takɏaycha, ya alla wittawit cha mangkalachuʼn silupcha.

Matthew 23:6

Ya pioncha umamuy si lapotgen un aammuyan lu piyasta, ya piliyancha bo kabiɏuwan un aammuyan si sinagoga.

Matthew 6:1

Intuɏuy Jesus lantudtuchu un kalala, “Allachenyu ta achiyu ipappaila kan cha tagu lu mangwa kayu si bibiɏu, ti lu siya mangwaanyu pionyuʼn ichayaw chikayu kan cha tagu, achipun chikayu gunggulaan kan Amayuʼd langit.

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Matthew 6:2

“Ked lu awed idchonyu kan cha taguʼn makasapuɏ si tuɏung, achiyu ipappaila kan cha tagu un isun chi kokòon cha aginpapati un ipappailacha kan cha kekkesa ya cha sinagoga cha bibiɏuʼn kokòoncha ta chayawon cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 9:38

Ked manchawat kayu kan Apudyus un singkuwa kan cha maali ta mangibuun si achuʼn man-ali.”

Mark 11:25

Lu malluwalu kayu, pakawalonyu cha taguʼn lakabyasuɏ kan chikayu ta pakawalon bo Amayuʼd langit cha byasbyasuɏyu.

Mark 12:38

Si lantudtuchuwan Jesus, kalala kan chicha, “Allechenyu cha mimistulun chi lintog, ti pipionchaʼn iliklikwos chi anchu-anchu un silupcha ya memeɏyedchaʼn chaychayawon cha tagu chicha si mekit.

Luke 11:43

“Kadchegu kayuʼn Pariseo! Ti pipionyuʼn umamuy si kabiɏuwan un tugew si sinagoga ya pionyuʼn machaychayaw si kaachuwan cha tagu.

Luke 18:1

Oli pun lan-alig si Jesus kan cha disipulusla si maludtuchuwala kan chicha, ta pasig cha malluwalu ya achipun cha umuya.

Luke 18:13

“Ngim ha manchachagup si bugis, ummachayu un summiked ot achipun mantanged ud langit, ngim tilugtugtugla biɏukungla un lambyabyawi si byasuɏla. Kalala, ‘Apudyus, kacheguwalak u ti malagbyasuɏak!’ ”

Luke 20:47

Uyu-uyungancha cha labyaɏu piga lu akawoncha cha kukkuwacha, ked ipailacha un malluwalucha si anchu-anchu ta maleincha kan cha kokkooncha. Gapu si hachi, amod chi machusaancha.”

Luke 6:24

Ngim kadchegu kayuʼn byabyaklang si sala, ti mampatingga galasyu utla pita un gunggulayu.

John 16:24

Inggalad chi salaoy, lappun pay laing chilawatyu gapu si ngachenku. Si sala manchawat kayu ot maawatyu ta maam-amod chi galasyu.”

Ephesians 6:18

Masapuɏʼn malluwaluwalu kayu kan Apudyus ya ichawatyu si losan un timpu ta ichaɏan chikayu si Ispiritu. Ked achipunyu bo maliwatan un manchawat si tuɏung Apudyus para kan cha losan un tagula, ngim allechenyu ya ipupuutyu mangiluwaluwalu para kan chicha.

1 Thessalonians 5:17

Pasig kayu bo malluwalu.

James 4:6

Ngim amod chi kachegun Apudyus kan chitaku. Ti kalan chi liigili un ugud Apudyus, “Sangaon Apudyus cha lasayaw, ngim kacheguwala cha lapakumbyabya.”