Matthew 6:4 - Lubuagan Kalinga

⁴ Ngim iyaggakawyuʼn mangtod ked si Amayu un mangitutullong kan cha losan un achipun maila gunggulaan chikayu.”

Matthew 6:4 ပူးပေါင်းရင်းမြစ်များ

Matthew 10:42

Ya lu silu mampailum si mantunglin un chelum si ulay kabyabyaan un disipulusku, gapu ta disipulusku siya, sigulachuʼn magunggulaan.”

Matthew 6:18

taplu achin cha tagu ammuwon un pin-a kayu mallaun ngim abus si Ama takuʼd langit un achipun maila chi sintagammu. Ked si Ama taku un mangitullong si cha litataɏuʼn koonyu, gunggulaan chikayu.”

Matthew 6:3

Ngim chikayu, lu awed idchonyu kan cha makasapuɏ, ilanyu ta achiyu ipatagammu ulay siluʼn tagu.

Matthew 6:6

Ngim lu malluwalu kayu, lumlok kayu si kuwetuyu ya inyolobyu ked malluwalu kayu kan Amayu un achipun maila ked si Amayu un Apudyus un mangitutullong si pin-ayu koon, ked gunggulaan chikayu.

Luke 14:14

ot mabinchisyulanka ti achipuncha makasubyalit. Ked si Apudyus chi mansubyalit kan sika si eɏgew un umuliyan cha lalintog un tagu mataguwan kasin.”

Luke 8:17

Ti lappun litataɏu un achipun mitokweɏ ya losan un achipun matagammuwan si sala, gumatong chi timpu un mipakaammu.

1 Corinthians 4:5

Ked achi kayu manguis kan cha uchum inggala chumtong chi ustuʼn timpu. Ti siyad uuwayon taku mangulilan Apu takuʼn Jesu Kristu ta siya mangitokweɏ kan cha litataɏu un somsomok ya siya bo mangipakaammu si gegeɏaon chi somsomok. Ked hachi malayawan Apudyus si kacha osaʼn tagu insigun si tuttuwaʼn killingwala.

Hebrews 4:13

Losan un killingwan Apudyus, ked lappun mitaɏu kan siya ti mampapattak losan si sangwalanla. Ked siya malongbyatan taku kan cha losan un killingwa taku ya ulay cha simsimmok taku.

Jude 1:24

Machaychayaw otyan si Apudyus un mangay-ayyuwan kan chikayu taplu achi kayu makabyasuɏ. Siya mangichateg kan chikayu un mampeɏkas ya amod chi galasyu si sangwalanla. Os-ossaan si Apudyus un Malagu kan chitaku mipagapu kan Jesu Kristu un Apu taku, uwala kilachayaw, kilangatu, kilabyelin ya turay malipud si sin-eɏgew, si sala ya si ing-inggala. Amen.

Revelation 2:23

Ked otoyok bo cha maibilang un aalakcha un maluɏut kan siya ta awed mangagammuwan cha losan un mamati si kaili-ili un sakon ked ammuk cha losan un somsomok ya ha pion cha tagu. Ked idchok bo subyalit cha pin-an cha losan un tagu killingwa, bibiɏu willu lawwing.