Matthew 6:2 - Lubuagan Kalinga

² “Ked lu awed idchonyu kan cha taguʼn makasapuɏ si tuɏung, achiyu ipappaila kan cha tagu un isun chi kokòon cha aginpapati un ipappailacha kan cha kekkesa ya cha sinagoga cha bibiɏuʼn kokòoncha ta chayawon cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 6:2 ပူးပေါင်းရင်းမြစ်များ

Matthew 15:7

Aginpapati kayu! Tuttuwa imbyegan Apudyus kan propeta Isaiah mipanggop kan chikayu!

Matthew 16:3

Ked lu bumigbigat, kalanyu bo, ‘Umuchen si sala ti mallidlichaga ya mallilibuu ud langit.’ Makwayuʼn milasin cha misinyeɏʼd langit, ngim achipunyu milasin chi isinyeɏn Apudyus un makmakwa si salaʼn timpu.

Matthew 22:18

Ngim ammun Jesus un pionchaʼn sikapan siya, ot kalala, “Chikayuʼn aginpapati! Payuggey sakon siksikkapan?

Matthew 23:5

Losan un kooncha, siyad mangwaancha ta itullong cha tagu chicha. Ti igilicha uchum un ugud Apudyus si mangkachakkeɏ ked itakodcha si kicheycha ya takɏaycha, ya alla wittawit cha mangkalachuʼn silupcha.

Matthew 23:6

Ya pioncha umamuy si lapotgen un aammuyan lu piyasta, ya piliyancha bo kabiɏuwan un aammuyan si sinagoga.

Matthew 24:51

Ked chusaon chi apula siya ya ipatila siya si igew un machusaan cha aginpapati. Udchi sin-iibin cha tagu ya singngingillot chi ngiponcha.”

Matthew 5:18

Tuttuwa ibyegak kan chikayu, maumas chi langit ya pita ngim cha lintog Apudyus ked sissiya, ulay simpattok achipun mataɏak inggalad matungpeɏ cha losan un panggop Apudyus.

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Matthew 6:3

Ngim chikayu, lu awed idchonyu kan cha makasapuɏ, ilanyu ta achiyu ipatagammu ulay siluʼn tagu.

Matthew 6:5

“Ked lu malluwalu kayu, achiyu iyis-isu kan cha aginpapati ti pionchaʼn isiked un malluwalu si sinagoga ya cha igid cha kekkesa ta itullong cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 7:5

Sikan pappai! Ulaom yan kaalon chi sitap si atam ta pumatak chi mangitullongam un mangaan si siɏun-ik si atan chi biɏunlu.”

Mark 12:39

Ya piliyancha boʼn umamuy si kapopotgen un tugew si sinagoga ya pionchaʼn chicha machaychayaw lu awed piyasta.

Mark 7:6

Summongbyat si Jesus un kalala, “Tuttuwa imbyegan Apudyus kan propeta Isaiah mipanggop kan chikayuʼn taguʼn aginpapati. Kalan chi inggilin Isaiah, ‘Cha taguʼn alla, chaychayawoncha sakon si tupokcha, ngim adchayuwan chi somsomokcha kan sakon.

Luke 11:41

Ngim idchonyu kan cha kapus chi inggew si tasayu ya pinggenyu ked pumeɏkas chi losan un kilatataguyu.

Luke 11:43

“Kadchegu kayuʼn Pariseo! Ti pipionyuʼn umamuy si kabiɏuwan un tugew si sinagoga ya pionyuʼn machaychayaw si kaachuwan cha tagu.

Luke 12:33

Man-ingila kayu kan cha kukkuwayu ked idchonyu chi ngilala kan cha kapus. Isagalaanyu long-egyu si bilaklang ud langit ti achipun makaalan, achipun mataɏak cha bilaklangyuʼd langit. Udchi lappun man-akaw ya achipun mayam-an.

Luke 12:56

Chikayuʼn aginpapati! Payuggey makwaʼn mailasin chi sinyeɏn chi taɏun, ngim achipunyu ammu pion chi salaʼn timpu un uguchon?”

Luke 13:15

Silongbyatan Jesus siya un kalala, “Chikayuʼn aginpapati! Ulay Sabyechu lu mauwaw chi byakayu willu kabyayuyu, pailumanyu.

Luke 20:46

“Allechenyu cha mimistulun chi lintog, ti pipionchaʼn iliklikwos chi anchu-anchuʼn silupcha ya memeɏyedchaʼn chaychayawon cha tagu chicha si mekit. Ya piliyancha boʼn umamuy si kapopotgen un tugew si sinagoga ya pionchaʼn chicha machaychayaw lu awed piyasta.

Luke 6:24

Ngim kadchegu kayuʼn byabyaklang si sala, ti mampatingga galasyu utla pita un gunggulayu.

Luke 6:42

Ot ha kalam kamman un, ‘Cho, sulud kaalok chi siɏun-ik si atam,’ ked alla sitap si atam? Kama kayuʼd tuttuwa! Masapuɏʼn ulaonyu kaalon chi sitap si atayu, ta pumillong chi tullongyuʼn mangaan si siɏun-ik si atan chi suludyu.”

John 13:29

Gapu ta si Judas chi mamangchon si pilakcha, kalan pun cha uchum un disipulus lu imbyegan Jesus kan siya un umoy mangngila kan cha kasapuɏancha si piyasta. Awed bo cha uchum un kalancha lu umoy mangatod si Judas si pilak kan cha kakapus.

John 5:41

“Achipunku sington chi michayawak kan cha tagu.

John 5:44

Simma ilonyuʼn mamati kan sakon? Ti siyad singsingtonyu manchayaw cha tagu kan chikayu, ked achipunyu sington chi mangichayawan Apudus kan chikayu.

John 7:18

Ti ha taguʼn siyad uguchola lampeɏpu si uwalaʼn somsomok, siyad singsingtola michayawala. Ngim ha taguʼn siyad singtola michayawan chi langibuun kan siya, ked tuttuwa ibyegbyegala ya lappun tulila

Acts 10:2

Mangapudyus cha Cornelius un simbyeyan. Losancha chaychayawon si Apudyus. Malagtuɏung kan cha kakapus un Judio ya pasig malluluwalu kan Apudyus.

Acts 10:31

Ot kalala kan sakon, ‘Cornelius, chingngeɏn Apudyus cha luwalum ya simsimmokla cha pin-am koon un tumuɏung kan cha kakapus.

Acts 10:4

Intutukkeɏn Cornelius siya ot ummogyat ot kalala, “Ma ibyegam, Apu?” Ot kalan chi anghel, “Chingngeɏn Apudyus cha luwalum ya ammula in-ilom un tumuytuɏung kan cha kapus.

Acts 11:29

Ot cha mamatiʼd Antioch, lantutuɏegchaʼn mangipaw-itcha si tuɏungcha kan cha susuludcha si pammati un inggew ud Judea. Kacha osa langatod sigun si kabyeeɏala un idchon.

Acts 24:17

“Lummaus ka pigan tawon un lalelak ud Jerusalem, ummoyak udchi ta inyak idchon chi pilak kan cha chogak un Judio un makasapuɏ ya inyak bo manchatun kan Apudyus si templo.

Acts 9:36

Ud Joppa inggew chi byebyaiʼn mamati un mangngachen Tabitha. (Lingachencha siya Dorcas si Grego un ugud, piolaʼn uguchon ugsa.) Bibiɏu pasigla killingwa kan cha tagu ya tiluɏungala cha kakapus.

Romans 12:8

Lu siyad laatod kan sika kabyeeɏan un mansegeg, segagom cha uchum ta kumoscheɏ pammaticha. Ked lu illidchon Apudyus kan sika kabyeeɏan un tumuɏung, masapuɏʼn mangtodkaʼn ustu. Ked ha laidchen si kabyeeɏan un mangipangpangu kan cha mamati, masapuɏʼn ipapatichaʼn mangichaɏan. Ked lu malagchegu laatod kan sika, masapuɏʼn lagalaskaʼn mangwa.

1 Corinthians 13:3

Ked ulay lu idchok losan cha kukkuwak kan cha kapus, ya mangkatoyak un mangipapatiʼn mitun-ud kan Apudyus, ngim lu lappun ayatku, lappun magalebku.

Galatians 2:10

Ked ha abus un chilawatcha kan chikami, sosomkonmi un tumuɏung kan cha kakapus un mamati ud Jerusalem, ked siya bo insosomokku un koon.

Ephesians 4:28

Lu awed ka-aakaw, masapuɏʼn iyageyla ked lumabbu, ti hachi ustu ta awed mangeala si masapuɏla ya ituɏungla kan cha makasapuɏ si tuɏung.

1 Thessalonians 2:6

Ked chakampun un siyad singtonmi michayawanmi kan chikayu willu kan cha uchum un tagu, ulay awed kalobbonganmi un apostoles Kristu.

1 Timothy 6:18

Ya ibyegam kan chicha ta kooncha bibiɏu. Masapuɏʼn labyaklangcha si bibiɏuʼn kopya ya mallaaycha ya masapuɏʼn mangàatodcha kan cha uchum un tagu.

Philemon 1:7

Sulud, magalasalak ya masegegak gapu si man-aayatlu ya mansesegeglu kan cha tagun Apudyus utlat.

Hebrews 13:16

Ked achi taku maliwatan un mangwa si bibiɏu ya lalaay kan cha makasapuɏ, ti katchi cha chatun un makaay-ayu kan Apudyus.

1 Peter 4:11

Ked ha laidchen si kabyeeɏan un mambyegbyega, masapuɏʼn ibyegbyegala ugud Apudyus. Ked ha laidchen bo si kabyeeɏan un mansimbi, masapuɏ un mansimbi si kiged chi kabyeeɏala un illidchon Apudyus. Kamatchi makwa, ta cha losan un makwa, maichaychayaw si Apudyus gapu kan Jesu Kristu. Siya machaychayaw ya mallakabyelin un manturay si ing-inggala. Amen.