Matthew 6:18 - Lubuagan Kalinga

¹⁸ taplu achin cha tagu ammuwon un pin-a kayu mallaun ngim abus si Ama takuʼd langit un achipun maila chi sintagammu. Ked si Ama taku un mangitullong si cha litataɏuʼn koonyu, gunggulaan chikayu.”

Matthew 6:18 ပူးပေါင်းရင်းမြစ်များ

Matthew 6:6

Ngim lu malluwalu kayu, lumlok kayu si kuwetuyu ya inyolobyu ked malluwalu kayu kan Amayu un achipun maila ked si Amayu un Apudyus un mangitutullong si pin-ayu koon, ked gunggulaan chikayu.

Matthew 6:4

Ngim iyaggakawyuʼn mangtod ked si Amayu un mangitutullong kan cha losan un achipun maila gunggulaan chikayu.”

2 Corinthians 10:18

Ti achipun Apudyus awaton chi taguʼn mangichayaw si long-egla, ngim cha tuttuwaʼn michayaw cha hachiʼn ichayaw Apudyus.

2 Corinthians 5:9

Siyad asikasuwon taku koon chi mampagalas kan Apudyus, ulay si salaʼn matattaguwan taku willu inggewan taku kan siya ud langit.

1 Peter 2:13

Gapu kan Apu Jesu Kristu, masapuɏʼn tumungpeɏ taku kan cha losan un turay. Ya masapuɏʼn tumungpeɏ taku si Emperador un kangatuwan un manturay,

1 Peter 1:7

Ti cha achuʼn ligat un mapachasyu, hachi main-an chi katuttuwaan chi pammatiyu. Ulay chi byalituk mayam-an si apuy. Ked ha pammatiyu lapotpotog lu ha byalituk. Ked masapuɏʼn mapaloklokan chi pammatiyu, ta hachi main-an chi katuttuwaala. Ked gapu si tuttuwaʼn pammatiyu, michayaw kayu ya mipangatu kayu si mangulilan Jesu Kristu.

Romans 2:6

Ti sigulachuʼn idchon Apudyus si kacha tagu subyalit chi killingwacha.