Matthew 6:16 - Lubuagan Kalinga

¹⁶ Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Matthew 6:16 ပူးပေါင်းရင်းမြစ်များ

Matthew 6:1

Intuɏuy Jesus lantudtuchu un kalala, “Allachenyu ta achiyu ipappaila kan cha tagu lu mangwa kayu si bibiɏu, ti lu siya mangwaanyu pionyuʼn ichayaw chikayu kan cha tagu, achipun chikayu gunggulaan kan Amayuʼd langit.

Matthew 6:2

“Ked lu awed idchonyu kan cha taguʼn makasapuɏ si tuɏung, achiyu ipappaila kan cha tagu un isun chi kokòon cha aginpapati un ipappailacha kan cha kekkesa ya cha sinagoga cha bibiɏuʼn kokòoncha ta chayawon cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 6:5

“Ked lu malluwalu kayu, achiyu iyis-isu kan cha aginpapati ti pionchaʼn isiked un malluwalu si sinagoga ya cha igid cha kekkesa ta itullong cha tagu chicha. Tuttuwa ibyegak kan chikayu, lagamputcha ilawat chi gunggulacha.

Mark 2:18

Inggew chi timpuʼn lallaulan cha disipulus John un Mambubunyeg ya cha Pariseo. Si hachi, ummoy cha uchum un tagu lan-imus kan Jesus, “Puggey un chikamiʼn disipulus John ya cha disipulus cha Pariseo ked mangankallayun kami mallaun, ngim cha disipuluslu achipuncha mallaun?”

Luke 18:12

Ti sakon, mamidwaak mallaun si sinchuminggu ya mangmangtochak si ingkasimpuɏun cha losan un labbuk.’

Luke 2:37

ot labyaɏu inggala si waɏumpuɏu ya opat chi tawonla. Illinggew si Anna si templo, eɏgewola kan lablabiyolaʼn manchaychayaw kan Apudyus ya malluwaluwalu kan siya ya sin-udchuman mallaun siya.

Acts 10:30

Summongbyat si Cornelius, “Miikapat eɏgewla sala, malluwaluwaluwak ud uwami si machema. Ot kakma summiked si sangwalak chi osa un taguʼn malilisiling chi silupla.

Acts 14:23

Lanchutuk cha Paul kan Barnabas si pallakayon si kacha simbyaan, ot lagamputcha pun lalluwalu ya lallaun, impiyeɏcha chicha kan Apu Jesus un pilaticha, ta siya mangayyuwan kan chicha.

1 Corinthians 7:5

Ked chikayuʼn man-as-asawa, achipun makwa un iyachiyu long-egyu si asawayu, lalaksig lu lantuɏagenyu si malluwaluwanyu. Ked lu magamput chi eɏgew un lantuɏagenyu, ituɏuyyu bo kachawiyanyuʼn man-asawa taplu achipun kayu masulisug kan Satalas un mangwa si byasuɏ.

2 Corinthians 11:27

Launge-ungeɏak ya laligligatak. Pappasig un lapuyapuyatalak, labitibitilak ya lauwauwawak, ya lappun kalok, lappun byeɏoy un masuypak ya lappun silupku.

2 Corinthians 6:5

Labyaubyautan kami ya libyaɏubyaɏud kami. Ya gilulugulu chikami bo. Ya lauungeɏ kami bo, ked lapachasanmi un lapuyapuyatan ya labitibitin.