Matthew 6:12 - Lubuagan Kalinga

¹² Ya pakawalom cha byasbyasuɏmi, ti pilakawanmi bo cha lakabyasuɏ kan chikami.

Matthew 6:12 ပူးပေါင်းရင်းမြစ်များ

Matthew 26:28

Laoy chi chaɏak un mampaloklok si baruʼn katuɏagen Apudyus kan cha tagu. Libukbuk chi chaɏak ta mapakawan cha byasbyasuɏn cha achuʼn tagu.

Matthew 9:2

Lichuumcha pun si ili, inggetong cha tagu leɏakiʼn bilubulligenchaʼn lapalalais. Laammuwan pun Jesus chi gettok un pammaticha kan siya, kalala si lapalalais, “Alakku, pakoscheɏom chi somsomoklu. Lapakawan cha byasuɏm.”

Mark 11:25

Lu malluwalu kayu, pakawalonyu cha taguʼn lakabyasuɏ kan chikayu ta pakawalon bo Amayuʼd langit cha byasbyasuɏyu.

Luke 11:4

Ya pakawalom cha byasbyasuɏmi, ta pakawalonmi bo cha lakabyasuɏ kan chikami. Ya achim ipalubus un masulisug kami.’ ”

Luke 13:4

Mipanggop si latoyan cha simpuɏu ya waɏuʼn latapilan si likusobyen chi kataklangan un byeɏoy ud Siloam? Ha lalomsomkanyu singkumaɏu byasuɏcha lu cha losan un taguʼn inggew ud Jerusalem?

Luke 6:37

Ot intuɏuy Jesus un lantudtuchu un kalala, “Achiyu kuison cha uchum un tagu ta achipun bo Apudyus kuison chikayu. Achiyu kodchongan cha uchum, ta achipun Apudyus kodchongan chikayu. Pakawalonyu cha asintataguyu ta pakawalon bò Apudyus chikayu.

Acts 13:38

“Mipatigammu kan chikayuʼn susulud, un gapu si killingwan Jesus, makwa un pakawalon Apudyus cha byasbyasuɏ taku.

Ephesians 1:7

Gapu si latoyan Kristu, un libukbukan chi chaɏala, lawayawayaan taku ya lapakawan cha byasuɏ taku. Ked allaya main-an chi amod un kachegula

Ephesians 4:32

ngim ha koonyu otyan, man-asiillalus kayu ya man-asikachegu kayu. Ya masapuɏ boʼn man-asipillakawan kayu un isun chi lamakawalan Apudyus kan chikayu mipagapu kan Kristu.

Colossians 3:13

Alusanyu ituɏged cha susuludyu ya lu awed makabyasuɏ kan chikayu, manpillakawan kayu, un isun chi lampapakawan Apu Jesu Kristu kan chikayu, ked masapuɏʼn pakawalonyu cha uchum.