Matthew 6:1 - Lubuagan Kalinga

¹ Intuɏuy Jesus lantudtuchu un kalala, “Allachenyu ta achiyu ipappaila kan cha tagu lu mangwa kayu si bibiɏu, ti lu siya mangwaanyu pionyuʼn ichayaw chikayu kan cha tagu, achipun chikayu gunggulaan kan Amayuʼd langit.

Matthew 6:1 ပူးပေါင်းရင်းမြစ်များ

Matthew 16:27

Ti Sakon un Alak chi Tagu, mangulilak un mibiɏun cha aangheles ya ipailak chi kilachayaw Amak. Ked gunggulaak kacha tagu si cha losan un killingwala.

Matthew 16:6

Ot kalan Jesus kan chicha, “Man-alled kayu ya tanchaalanyu cha yeast cha Pariseo ya Saduceo.”

Matthew 23:13

Ot intuɏuy Jesus un kalala, “Kadchegu kayu, chikayuʼn Pariseo ya mimistulun chi lintog. Aginpapati kayu! Ti sillodyu sawang un lumlokan cha tagu si Mampangatan Apudyus. Ngim achipun kayu bo lumlok ked ipalityu bo cha meɏyed un lumlok.

Matthew 23:5

Losan un kooncha, siyad mangwaancha ta itullong cha tagu chicha. Ti igilicha uchum un ugud Apudyus si mangkachakkeɏ ked itakodcha si kicheycha ya takɏaycha, ya alla wittawit cha mangkalachuʼn silupcha.

Matthew 25:40

“Ked sumongbyat chi Ari kan chicha, ‘Tuttuwa ibyegak kan chikayu, lu killingwayu si osaʼn kabyabyaan kan cha susuludku, killingwayu bo kan sakon.’

Matthew 5:16

Kamatchi bo un kasapuɏan un silawanyu cha tagu ta mailacha bibiɏuʼn ugaliyu ked siya mangichayawancha kan Apudyus un Amayuʼd langit.”

Matthew 5:46

Kalanyu lin un lu siyad ay-ayatonyu cha mangay-ayat kan chikayu, gunggulaan Apudyus chikayu? Lai, ti ulay bo cha manchachagup si bugis katchi bo kokòoncha.

Matthew 5:48

Ked masapuɏʼn lappun mangkuɏanganyu, un isun chi Amayuʼd langit un lappun mangkuɏangala.”

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Matthew 6:9

Kamatla in-ilonyuʼn malluwalu: ‘Amami un awed langit, machaychayaw otyan chi ngachenlu.

Mark 8:15

Bilegbyegaan Jesus chicha, “Man-alled kayu ya tanchaalanyu cha yeast cha Pariseo ya si Herod.”

Luke 11:35

Ked ammaanyu ta achipun gumikbot chi silaw un inggew kan chikayu.

Luke 12:1

Si hachiʼn timpu, lachagup cha kalibu-libuʼn tagu ot lan-ipi-ipitcha. Ilulan Jesus kilaugud cha disipulusla. Kalala, “Allachenyu ta achi kayu mikama si angwat cha Pariseo un aginpapaticha un miyaligcha yeast.

Luke 12:15

Oli pun kalan Jesus kan chicha, “Allachenyu cha losan un kalasin chi kilaagum. Ti ha biyeg chi tagu ked chakampun si mibyeseɏ si kilaachun cha kukkuwala, ulay amod chi bilaklangla.”

Luke 16:15

Kalan Jesus kan chicha, “Ipappailayu kilabiɏuyu si sangwalan cha tagu, ngim ammun Apudyus chi awed si somsomokyu. Cha lapotog si somsomok cha tagu, lappun puutla si sangwalan Apudyus.

John 12:43

Ti pipioncha malayawan cha tagu kan chicha, lu malayawan Apudyus kan chicha.

John 5:44

Simma ilonyuʼn mamati kan sakon? Ti siyad singsingtonyu manchayaw cha tagu kan chikayu, ked achipunyu sington chi mangichayawan Apudus kan chikayu.

Acts 3:12

Intullong pun Peter chicha, kalala, “Kailiyan un iyIsrael, pakayuggey masmaschaaw si alla? Ked payuggey chikami itutukkeɏ un isun chi uwamiʼn kilabyelin willu kilabiɏu chi lampatidchaɏan si allaʼn tagu?

Galatians 6:12

Cha hachiʼn mangipatut un masogyatan kayu un siya kalu maluttuwaanyu si lintog, siyad singtoncha michayawan chi kilatatagucha. Ya kamatchi kooncha ta lisiyancha mapaligatancha gapu si mamatiyancha kan Jesu Kristu un latoy si krus un siya mataguwan.

Hebrews 11:26

Imbilangla un lapotpotog chi makaligat gapu kan Kristu lu ha losan un kilabyaklang ud Egypt, ti lamlamaola chi gunggulan Apudyus si umaliʼn eɏgew.

Hebrews 2:1

Gapu ta kamatchi kilangatun chi Alak Apudyus, masapuɏʼn ipapati takuʼn popotpotan chi katuttuwaan un chingngeɏ taku ta achi taku umachayu.

Hebrews 6:10

Ti lalintog si Apudyus, ked achipunla maliwatan cha pin-ayu killingwa ya ayatyu kan siya un impailayu si pin-ayu laluɏungan kan cha susulud taku un mamati ya sissiyan ituɏutuɏuyyu tuɏungan chicha.

2 John 1:8

Ked allechenyu ta achipun mataɏak cha kilawachiyu, ngim maaɏayu cha gunggulayu.