Matthew 5:9 - Lubuagan Kalinga

⁹ “Pian cha taguʼn pin-a mangwa si lumin-awaan cha tagu, ti ibilang Apudyus chichaʼn aalakla.

Matthew 5:9 ပူးပေါင်းရင်းမြစ်များ

Matthew 5:45

Ta mibilang kayu un aalak Apudyus un Ama takuʼd langit. Ti man-iisun ipalubusla umilitan chi ilit kan cha bibiɏuʼn tagu ya cha lawwing un tagu. Isula boʼn mangatod si uchen kan cha lalintog ya cha mangwa si lawwing.

Matthew 5:48

Ked masapuɏʼn lappun mangkuɏanganyu, un isun chi Amayuʼd langit un lappun mangkuɏangala.”

Luke 20:36

Ti isucha cha angheles un achipun matoy si ing-inggala. Chicha alak Apudyus ti latagucha kasin.

Luke 6:35

Ngim chikayu, masapuɏʼn ayatonyu cha kabusuɏyu ya koonyu bibiɏu kan chicha. Pabuluchenyu cha mambulud kan chikayu, ulay lu achipun cha iyulin. Ti lu koonyu katchi, chakeɏ gunggulayu, ked mibilang kayu alak Apudyus un Kangatuwan. Ti kacheguwan Apudyus cha achipun manyaman ya cha lawwik un tagu.

Acts 7:26

Labigat pun gilakgakayla kasin chicha ot inchesala cha chuwaʼn iyIsrael un pin-a mantiliw, bilechakla chicha un mantiliw, un kalala, ‘Bubuɏun, mansulud kayu, pakayuggey mantitillalung mantitiliw?’

Romans 12:18

Koon taku kiged chi kabyeeɏan taku un makatimpuyug si lumin-awaan kan cha losan un tagu.

Romans 8:14

Ti losan un taguʼn ichaɏan chi Ispiritun Apudyus, chicha aalak Apudyus.

Romans 8:16

Ked ha Ispiritun Apudyus, siya mangipagikla si ispiritu taku un tuttuwaʼn aalak Apudyus chitaku.

Romans 8:19

Ti losan un killingwan Apudyus utla pita, uuwayoncha mangipain-an Apudyus si kilangatun cha aalakla.

1 Corinthians 6:6

Ked puggey un ingkayu manchichilliɏum kan cha achipun mamati, ta chicha mangilintog kan chikayu!

2 Corinthians 13:11

Susulud, hachi ibyegak kan chikayu. Otyan ta bibiɏu kayu losan utlat, ya pabiɏuwonyu kachawiyanyu. Siyad isosomokyuʼn abus cha imbyegbyegak kan chikayu. Mantitimpuyug kayu ot mallin-awa kayu. Ked si Apudyus un puun chi ayat ya lin-awa, iinggew kan chikayu.

2 Corinthians 5:20

Ked chikami libuun un mangipakaammu mipanggop kan Kristu. Ked si Apudyus mismu chi mangàaɏuk kan chikayu. Ked gapu si ngachen Kristu, kewayu ta mangulin kayu kan Apudyus.

Galatians 5:22

Ngim sabyali ibungan chi Ispiritun Apudyus kan chitaku. Ti ha iloswala siya ayat, galas, lin-awan chi somsomok, kilaattom, kilaalus, malagchegu ya kilabiɏu, ya mantegochen,

Ephesians 4:1

Ked sakon un libyaɏud gapu si mansimsimbiyak kan Apu Jesu Kristu, ha ibyegak kan chikayu, koonyuʼn makaay-ayu mambibiyegyu kan Apudyus un lamili kan chikayu.

Philippians 4:2

Chikayu Euodia kan Syntyche, kewayu ta mantimpuyug kayu gapu si pammatiyu kan Apu Jesus.

Colossians 3:13

Alusanyu ituɏged cha susuludyu ya lu awed makabyasuɏ kan chikayu, manpillakawan kayu, un isun chi lampapakawan Apu Jesu Kristu kan chikayu, ked masapuɏʼn pakawalonyu cha uchum.

Hebrews 12:14

Iggayu kabyeeɏanyuʼn makatimpuyug kan cha losan un tagu ya iggayu kabyeeɏanyu un umulud si laapudyusan un kabibiyeg, ti lu achipun laapudyusan chi tagu, ked achipunla itullong si Apudyus.