Matthew 5:7 - Lubuagan Kalinga

⁷ “Pian cha taguʼn malagchegu kan cha asintatagucha, ti kacheguwan Apudyus chicha.

Matthew 5:7 ပူးပေါင်းရင်းမြစ်များ

Mark 11:25

Lu malluwalu kayu, pakawalonyu cha taguʼn lakabyasuɏ kan chikayu ta pakawalon bo Amayuʼd langit cha byasbyasuɏyu.

Luke 6:35

Ngim chikayu, masapuɏʼn ayatonyu cha kabusuɏyu ya koonyu bibiɏu kan chicha. Pabuluchenyu cha mambulud kan chikayu, ulay lu achipun cha iyulin. Ti lu koonyu katchi, chakeɏ gunggulayu, ked mibilang kayu alak Apudyus un Kangatuwan. Ti kacheguwan Apudyus cha achipun manyaman ya cha lawwik un tagu.

Romans 11:30

Ked chikayuʼn Gentil, achipun kayu lamati kan Apudyus si awi. Ngim si sala, kilacheguwan Apudyus chikayu gapu ta achipun cha Judio lamati.

1 Corinthians 7:25

Lu mipanggop kan cha allaʼn chaampun mangasawa, lappun ibilinku kan chikayu un lampeɏpu kan Apu Jesus, ngim gapu si kachegula kan sakon makwaʼn mantegochak un mangibyega si kasomsomkak.

2 Corinthians 4:1

Gapu si kachegun Apudyus, laatod kan chikami allaʼn kawachi, ked achipun kami umuya.

Ephesians 4:32

ngim ha koonyu otyan, man-asiillalus kayu ya man-asikachegu kayu. Ya masapuɏ boʼn man-asipillakawan kayu un isun chi lamakawalan Apudyus kan chikayu mipagapu kan Kristu.

Colossians 3:12

Gapu ta chilutukan Apudyus chikayu un tagula un ay-ayatola, masapuɏʼn ipailayu un malagchegu kayu, bibiɏu kayu, mallaay kayu, lapakumbyabya kayu, achi kayu mamaspasweɏ ya man-asiillalus kayu.

1 Timothy 1:13

Ked ulay lu lawwing cha pin-ak ilugud mipanggop kan siya si sin-eɏgew kan pilaligatak ya pilabiilak cha mamati kan Kristu. Ngim kilacheguwalak kan Apudyus ti achipulak lamati kan Kristu ya lappun ammuk kan cha pin-ak killingwa.

1 Timothy 1:16

Ngim kilacheguwalak kan Apudyus ti sakon chi osaʼn mangipain-an Kristu Jesus si kilaalusla ulay kan cha patunged malagbyasuɏ, ta siya mansampaɏan cha losan un mamati kan siya ta maidchencha si mallalayun un biyeg.

Hebrews 4:16

Ked mantegod taku un umacheliʼn malluwalu kan Apudyus un malagchegu, ta awaton taku kachegula ya tuɏungla kan chitaku si timpu un kasapuɏan taku.

Hebrews 6:10

Ti lalintog si Apudyus, ked achipunla maliwatan cha pin-ayu killingwa ya ayatyu kan siya un impailayu si pin-ayu laluɏungan kan cha susulud taku un mamati ya sissiyan ituɏutuɏuyyu tuɏungan chicha.

James 2:13

Ti achipun Apudyus kacheguwan chi taguʼn achipun kumachegu si asintatagula. Ngim cha malagchegu kan cha uchum, achipun umogyat lu kuison Apudyus siya.

James 3:17

Lu awed kan chitaku kilalaing un lampeɏpu kan Apudyus, ked mampeɏkas taku, pion taku mallin-awa, sumayakaw taku, malagteun taku, malagkachegu taku ya pasig bibiɏu koon taku kan cha asintatagu taku ya achipun taku mampili si tagu ya achipun taku mamappain-on.

1 Peter 2:10

“Si sin-eɏgew, chakampun un taguʼn Apudyus chikayu, ngim si sala lantagun Apudyus chikayu. Si sin-eɏgew, achipunyu ammu kachegun Apudyus, ngim si sala kilacheguwan chikayu.”