Matthew 5:30 - Lubuagan Kalinga

³⁰ Lu siya makabyasuɏam chi kokòon chi machuwalan un imam, lampogem ked ibyellum! Un-ulloy chi magugungsuɏan chi osaʼn imam lu wechewed chi long-eglu ked mibyelluʼd impiyeɏlu.”

Matthew 5:30 ပူးပေါင်းရင်းမြစ်များ

Matthew 11:6

Ya ibyegayu kan siya un pian chi taguʼn achipun manchuwachuwa mipanggop sakon.”

Matthew 13:21

Ngim achipun lummamut chi ugud Apudyus si somsomokcha. Ked lu gumatong cha ligat willu pilaligatancha chicha gapu si lamatiyancha si ugud Apudyus, kakmacha iyagey.

Matthew 16:23

Ot lansagung si Jesus ot kalala kan Peter, “Wissedka, Satalas! Sika umalliw kan sakon. Ti ha somsomoklu ked chakampun si pion Apudyus ngim pion chi tagu.”

Matthew 17:27

Ngim ulay chakampun si kailiyan taku, bay-anyu ta achi lumawik chi somsomok cha tagu kan chitaku. Ingka mamungwit si byeybyey ked ha umulan mabungwitan, takangom chi tupokla ked awed chi pilak un umalay un mambugis cha chuwa. Ked eɏam ya ummoylu bilayachen chi bugista.”

Matthew 18:8

Lu ha imam willu ikim chi gapun chi makabyasuɏam, lampogem ked imbyellum. Ti un-ulloy chi gungsuɏka willu pilayka un makatagu kan Apudyus ud langit lu ha wechewed chi imam ya ikim un mibyellu si mallalayun un apuy.

Matthew 22:13

Oli pun kalan chi Ari kan cha bubùulola, ‘Byaɏuchonyu imala ya ikila ked imbyelluyuʼd lasin un manggikbot. Udchi asila man-ibilan ya singngingillotan chi ngiponla.’ ”

Matthew 25:20

Ot ummoy kan siya chi laidchen si limaʼn talent ot illidchola kan siya chi simpuɏu. Kalala, ‘Apu, illidchelak si limaʼn talent ked allaya bo lima un lagalansiyak.’

Matthew 26:31

Oli pun kalan Jesus kan chicha, “Si salaʼn labi, mabukeɏ kayu losan ked telanyu sakon ti kalan chi liigiliʼn ugud Apudyus, ‘Patoyok chi mangay-ayyuwan kan cha keɏlilu ked umikas cha keɏlilu.’

Matthew 5:22

Ngim ibyegak kan chikayu, lu silu sumanga si biɏunla makuis ked lu silu mangig-iggaala biɏunla, michiɏum kan cha kukunsiseɏ ked lu silu mangibyega si biɏunla un, ‘Oggog! Lappun puutlu!’ lobbonglaʼn mibyellu si apuy ud impiyeɏlu.

Matthew 5:29

Lu siya makabyasuɏam cha itullong chi machuwalan un atam, ukaom ked ibyellum! Un-ulloy chi makuɏangan chi long-eglu lu wechewed chi long-eglu ked mibyelluʼd impiyeɏlu.

Mark 9:43

Lu ha imayu chi gapun chi makabyasuɏanyu, lampogenyu. Ti un-ulloy chi gungsuɏ kayu un maidchen si biyeg un mallalayun lu wechewed chi imayu un mibyellu ud impiyeɏlu un mallalayun un apuy.

Luke 12:5

Ibyegak kan chikayu chi ustuʼn umogyatanyu. Umogyat kayu kan Apudyus ti alla kalobbongala un mangtoy si long-eg ya mangibyellu ud impiyeɏlu. Mamati kayu kan sakon ya masapuɏʼn ogyatanyù Apudyus!

Luke 17:2

Un-ulloy chi ibitinla biletun gilingan si byegangla ked lantup-ung si byeybyey lu siya mangmangwa si makabyasuɏan cha allaʼn achipun lootong chi pammaticha.

Romans 9:33

Ti imbyegan chi liigili un ugud Apudyus, miyalig si Jesu Kristu byetu, un kalala, “Ilanyu, ti isaedku ud Zion chi byetu un misabyangtuwan cha tagu ya maodchagencha. Ngim lu silu mamati kan siya, achipun mabibìilan, ti matagu.”

1 Corinthians 8:13

Ked lu siyad makabyasuɏan chi suludku mangalak si makan un liyatang si silan-apudyus, iyageykuʼn mangan kan cha kamatchi taplu achipun makabyasuɏ suludku.

Galatians 5:11

Ngim ulay sakon, susulud, lu itudtuchuk un masapuɏʼn tuttuwaon taku lintog mipanggop si sogyat, achipulak otyan paligatan kan cha chogak un Judio mipanggop si itudtuchuk un latoyan Jesu Kristu si krus.

1 Peter 2:8

Ked ha osa boʼn liigili, kalala, “Liya byetuʼn misabyangtuwan cha tagu, ya siya bo milus-ubyencha.” Misabyangtucha ti achipuncha tumuttuwa si ugud Apudyus, un siya likodchong un kooncha.