Matthew 5:22 - Lubuagan Kalinga

²² Ngim ibyegak kan chikayu, lu silu sumanga si biɏunla makuis ked lu silu mangig-iggaala biɏunla, michiɏum kan cha kukunsiseɏ ked lu silu mangibyega si biɏunla un, ‘Oggog! Lappun puutlu!’ lobbonglaʼn mibyellu si apuy ud impiyeɏlu.

Matthew 5:22 ပူးပေါင်းရင်းမြစ်များ

Matthew 10:17

Man-alled kayu ti allat cha malokma kan chikayu ked ichiɏum chikayu si korti ya mambyautcha kan chikayu si sinagogacha.

Matthew 10:28

Achi kayu umogyat kan cha mangtoy kan chikayu, ti abus chi long-egyu si otoyoncha, achipuncha makaotoy si kalichodwayu. Ngim abus si Apudyus si umogyatanyu ti makwaʼn yam-alola long-eg ya kalichodwa ud impiyeɏlu.

Matthew 12:24

Ngim chingngeɏn pun cha Pariseo hachi, kalancha, “Makwaʼn peɏyawola aɏan ti si Beelzebul un pangat cha aɏan chi langatod si kilabyelinla un mameɏyaw kan cha aɏan.”

Matthew 17:5

Si man-ugu-uguchen Peter, tilalikchungan chi libuun lumilalilang chicha. Ot inggew chi ginga un lampeɏpu si hachiʼn libuu un kalala, “Laoy chi Alakkuʼn tagtagopok ya siya masmas-omak. Chongɏonyu siya!”

Matthew 18:21

Oli pun ummoy si Peter kan Jesus ot kalala, “Apu, mangam pigaok pakawalon chi suludku un makabkabyasuɏ kan sakon? Mangampitu?”

Matthew 18:35

Ot lagamput pun, kalan Jesus, “Katchi bo koon Amak ud langit si kacha osa kan chikayu, lu achipunyu pakawalon un sipupusu cha susuludyu.”

Matthew 23:15

“Kadchegu kayu, chikayuʼn Pariseo ya mimistulun chi lintog. Aginpapati kayu! Chilemangyu cha byeybyey ya ummoy kayu si achayuʼn ili ta awed maawisyu ulay ossaan un mandisipulusyu. Ked lu laawisyu, ilam-amodyu bo kachusaala ud impiyeɏlu lu kachusaanyu.

Matthew 23:33

“Patunged kayu! Galak chi uɏog! Ma in-ilonyuʼn mangilisi si machusaanyuʼd impiyeɏlu?

Matthew 25:41

“Ked ibyegak kan cha taguʼn inggew si machuwigik, ‘Wissed kayu, chikayuʼn machuchusa ti mibyellu kayu si mallalayun un apuy un lisasaggala para kan Satalas ya cha anghelesla.

Matthew 26:59

Lansingit cha ap-apun cha papachi ya cha pallakayon cha Judio si tilutuli un ipabyasuɏcha kan Jesus ta awed lasunchaʼn mamatoy kan siya.

Matthew 3:17

Ot ladngeɏ ginga un lampeɏpuʼd langit un kalala, “Liya Alakkuʼn tagtagopok ya masmas-omak kan siya.”

Matthew 5:34

Ngim si sala ibyegak kan chikayu un achi kayu mansapata ya achiyu isapataʼd langit, ti siya mantutuggewan Apudyus un manturay.

Matthew 5:44

Ngim ibyegak kan chikayu, masapuɏʼn ayatonyu cha kabusuɏyu ya iluwaluwanyu cha mamampaligat kan chikayu.

Mark 14:55

Cha ap-apun cha papachi ya losan cha kukunsiseɏ, lansingitcha si ipabyasuɏcha kan Jesus ta otoyoncha siya, ngim lappun inchesancha.

Mark 15:1

Bigbigat pun, lan-uugud cha ap-apun cha papachi, cha pallakayon cha Judio, cha mimistulun chi lintog ya cha kukunsiseɏ. Lan-uuguchencha lu silu kooncha kan Jesus. Ot pilungucha siya ot illiyoycha impuɏang kan Pilate.

Luke 12:5

Ibyegak kan chikayu chi ustuʼn umogyatanyu. Umogyat kayu kan Apudyus ti alla kalobbongala un mangtoy si long-eg ya mangibyellu ud impiyeɏlu. Mamati kayu kan sakon ya masapuɏʼn ogyatanyù Apudyus!

Luke 22:66

Alla pun un mabigat, lachagup cha pallakayon cha Judio, cha ap-apun cha papachi ya mimistulun chi lintog, ot impasangucha si Jesus kan cha kukunsiseɏ.

John 11:47

Ot cha ap-apun cha papachi ya cha Pariseo impaayegcha cha kukunsiseɏ ot kalancha, “Simma koon taku? Ti achu cha lakaskaschaaw un pin-an chi taguʼn alla killingwa!

John 15:25

Makwa cha laoy ta matungpeɏ hachiʼn liigili si lintogcha un kalala, ‘Mansasangacha kan sakon un lappun gapula.’ ”

John 7:20

Ot summongbyat cha tagu un kalancha, “Leɏapangka, silu lamlammok un mangtoy kan sika?”

John 8:48

Oli pun kalan cha Judio kan Jesus, “Ha chakampun kamman si tuttuwa imbyegami un iSamariaka ya laaɏanka bo?”

Acts 17:18

Inggew bo cha mimistulun cha Epicurean ya Stoic un pin-a lakasongsongbyat kan siya. Kalan cha uchum, “Himmaga ibyegbyegan chi allaʼn aginlalastug un tagu?” Kalan cha uchum, “Siya lin ibyegbyegala kàichatun apudyus.” Imbyegacha hachi, ti pin-an Paul imbyegbyega chi bibiɏuʼn chameg mipanggop kan Jesus ya umuliyan mataguwan kasin.

Acts 22:30

Pion chi komander un ammuwon lu simma ustuʼn ipabyasuɏ cha Judio kan Paul. Ot labigat pun, impaayegla cha ap-apun cha papachi ya cha losan un kukunsiseɏ ta mammimitingcha. Ot illiyoyla si Paul si igew cha mammimiting ot pilasikedla si sangwalancha.

Acts 23:1

Intutukkeɏn Paul chicha ot kalala, “Susulud, ammun Apudyus un mampeɏkas chi somsomokku mipanggop si in-ilok un lansimbi kan siya malipud si chamu inggala si salaʼn eɏgew.”

Acts 24:20

Ngim lu lappuncha, ibyegan otyan cha allaʼn tagu lu simma byasuɏk un inchesancha si summisikkachek si sangwalan cha kukunsiseɏ ud Jerusalem.

Acts 4:15

Ot pileɏawacha cha Peter ta man-uugudcha.

Acts 5:21

Wiswisngit pun, tiluttuwan cha apostoles chi imbyegan chi anghel. Lilumlokcha si kallangan chi templo ot illugichaʼn mantudtuchu kan cha tagu. Oli pun, gummatong chi kangatuwan un pachi ya cha bubuɏunlaʼn Saduceo si lugeɏʼn mammimitingancha ot impaayegcha cha kukunsiseɏ ya losan un pallakayon ta mammimitingcha. Ot lambuuncha si pulis chi templo un umoy mangaɏa kan cha apostoles si byabyayɏuchen.

Acts 5:27

Ot illiyoycha cha apostoles impasangu kan cha kukunsiseɏ. Ot silukun chi kangatuwan un pachi chicha un kalala,

Acts 6:12

Ot gilagaɏacha pasangaon cha achuʼn tagu, cha pallakayon ya mimistulun chi lintog kan Stephen. Ot ummoycha chilokmaan si Stephen ot illiyoycha impasangu kan cha kukunsiseɏ.

Acts 6:15

Losan cha kukunsiseɏ ya uchum un lachagup udchi intutukkeɏcha si Stephen ot illilacha lupala un isun chi lupan chi anghel.

Acts 7:37

Si Moses mismu langibyega kan cha taguʼd Israel, ‘Si umaliʼn eɏgew awed chi propeta un isuk un ibuun Apudyus kan chikayu. Osa siya un lampeɏpu kan chitakuʼn galak Israel.’

Romans 12:10

Masapuɏʼn man-asiayat taku un isun chi man-aayat taku si mismuʼn sulud taku, ya man-asipotog taku un mangkakadwa.

1 Corinthians 6:10

cha akkawan, cha laagum, cha kabubuuk, cha lakiyap, ya cha leɏastug, achipun cha mipati si Mampangatan Apudyus.

1 Corinthians 6:6

Ked puggey un ingkayu manchichilliɏum kan cha achipun mamati, ta chicha mangilintog kan chikayu!

1 Thessalonians 4:6

Ked lu mipanggop si kamatchi, allechenyu ta achi kayu makabyasuɏ kan cha suludyu. Achiyu lukuwon chicha un agumanyu chakampun un uwayu. Imbyegbyegami kan chikayu si sin-eɏgew un chusaon Apudyus cha mangmangwa si kamatchiʼn byasuɏ.

Titus 3:2

Achicha man-ugud si lawwing ulay siluʼn tagu ya achicha makasubog, ngim masapuɏʼn laaluscha ya ipailacha un lapakumbyabyacha kan cha asintatagucha.

Hebrews 12:25

Ked ilanyu ta ammanyu chongɏon si Apudyus, achiyu isikon lu siya man-ugud kan chikayu. Ti lu cha iyIsrael si awi un achipun lanchongeɏ kan Moses utla pita ked achipuncha lalisiyan chi chusan Apudyus. Ked himma in-ilon taku un makailisi si machusaan lu achipun taku chongɏon chi ipatubgan Apudyus un lampeɏpuʼd langit.

Hebrews 5:9

Ked gapu si hachiʼn killingwala lipaila un lappun langkuɏangala, siya lambyalilala puun chi mallalayun un mataguwan cha losan un tumuttuwa kan siya.

James 2:20

Chikayuʼn laog-oggogen! Ha pionyuʼn ipailak un ha pammati un lappun kingwalad bibiɏu ked lappun simbila?

James 3:6

Ha tupok taku ked isun chi apuy ti siya mampeɏpuwan cha lawwik un ugud un umiklap ya mampeɏwing si kilatatagu taku. Ti si Satalas chi meɏpuwan cha lawwing un ibusgey chi tupok.

1 Peter 2:23

Si langam-amsiwancha kan siya, achipun summongsongbyat si lawwing. Si lapampaligatala, achipun lan-og-ogyat, ngim lantegod kan Apudyus un lalintog un manguis.

1 Peter 3:9

Lu awed mangwa si lawwing kan chikayu, achiyu subyalitan si lawwing. Lu awed man-ugud si lawwing, achiyu bo songbyatan si lawwing. Ngim ha koonyu iluwaluyu ta binchisyulan Apudyus chicha ti hachi langayagen Apudyus kan chikayu, taplu makatawid kayu si binchisyun.

1 John 2:9

Lu awed mangibyegaʼn iinggew si padcha ngim lawingola suludlaʼn lamati, sissiyaʼn iinggew si pangot.

1 John 3:10

Ha mangilasilan taku kan cha aalak Apudyus ya cha aalak chi diablo, kamatla: Ha taguʼn achipun mangwa si bibiɏu ya achipunla ay-ayaton chi susuludla, chakampun un alak Apudyus.

1 John 5:16

Lu maila taku sulud taku un makabyasuɏ, un chakampun si misilaala kan Apudyus, iluwalu taku kan Apudyus ta pakawalola ya idchela siya si biyeg un mallalayun. Ngim awed chi byasuɏ un ha mambyalagela misilaan kan Apudyus, ked chakampun un ibyegak un masapuɏ iluwaluwan taku katchi un tagu ta mapakawan.

Jude 1:9

Ulay si Michael un pangat cha anghel, achipunla killingwa kamatchi. Ti ulay chi lansubogencha kan chimunyu mipanggop si mangaɏa si lecheg Moses, achipun lan-ugud si lawwing. Ngim ha imbyegala, “Kiged Apudyus un malubngeɏ kan sika.”

Revelation 20:14

Ot losan cha hachiʼn latoy un lampeɏpuʼd Hades, libyellucha si hachiʼn apuy un gumilegileb un isun chi byeybyey. Hachiʼn apuy un byeybyey, hachi mikadwa un otoy un siya misilaan kan Apudyus si ing-inggala.