Matthew 5:20 - Lubuagan Kalinga

²⁰ Ti ibyegak kan chikayu, un achipun kayu mipati si Mampangatan Apudyus lu achipun kayu lalinlintog lu cha Pariseo ya cha mimistulun chi lintog.”

Matthew 5:20 ပူးပေါင်းရင်းမြစ်များ

Matthew 16:12

Ot laawatanchaʼn chakampun gayam si panggop chi yeast un mikamos si tilapay chi ug-ugguchola, ngim masapuɏʼn allechencha tudtuchun cha Pariseo ya cha Saduceo.

Matthew 18:5

Ked lu silu mangipotog si labyabyan tagu un isun chi allaʼn alak gapu si pammatila kan sakon, sakon bo ipotogla.”

Matthew 3:10

Si Apudyus isun chi taguʼn iyaallala wasaylaʼn mamokpok si puun chi kayu. Losan un kayuʼn achipun mamunga si bibiɏu ked mapokpok ya mitungu si apuy.

Matthew 7:21

Ot intuɏuy Jesus lantudtuchu, “Chakampun si losan un mangibyega kan sakon un, ‘Apu, Apu,’ ked makaslok si Mampangatan Apudyus, ngim abus cha mangwa si pion Amak ud langit.

Mark 10:15

Tuttuwa ibyegak kan chikayu, lu silu achipun mangipakumbyabya si long-egla si mamatiyala kan Apudyus, un isun chi kilakumbyabyan cha allaʼn aalak, achipun makwa un mipati si Mampangatan Apudyus.”

Mark 10:25

Ti lagodgochong chi lumlokan chi kameɏ si abut chi talud lu ha mipatiyan chi byaklang si Mampangatan Apudyus.”

Luke 11:44

Kadchegu kayu! Isuyu lobon un lappun meɏkala un gusguschen cha tagu ti achipun cha ammu.”

Luke 12:1

Si hachiʼn timpu, lachagup cha kalibu-libuʼn tagu ot lan-ipi-ipitcha. Ilulan Jesus kilaugud cha disipulusla. Kalala, “Allachenyu ta achi kayu mikama si angwat cha Pariseo un aginpapaticha un miyaligcha yeast.

Luke 18:17

Somsomkonyu lu silu achipun umawat si Mampangatan Apudyus un isun chi mangawatala si osaʼn alak, achipun makwaʼn mipati udchi.”

2 Corinthians 3:9

Ked lu patunged machayaw chi lintog un machusaan chi tagu, sin-chumadlu bo un machayaw chi mangigetong si mataguwan taku.

2 Corinthians 5:17

Ti ulay silu un mamati kan Kristu, bumaɏu kilatatagula ti lakaan chi sigud un lawwing un ugalila ked lasukatan si bibiɏuʼn ugali.

Philippians 3:9

ked mitimpuyugak kan siya. Ked si sala, achipunku piyeɏon chi kilabiɏuk gapu si laluttuwaak si lintogmiʼn Judio, ti ha kilabiɏuk si sala, illidchon Apudyus kan sakon gapu si lamatiyak kan Jesu Kristu.

Hebrews 12:14

Iggayu kabyeeɏanyuʼn makatimpuyug kan cha losan un tagu ya iggayu kabyeeɏanyu un umulud si laapudyusan un kabibiyeg, ti lu achipun laapudyusan chi tagu, ked achipunla itullong si Apudyus.

Revelation 21:27

Ngim achipun makwa un lumlok cha losan un achipun lapeɏkas si sangwalan Apudyus, isun cha matuli ya mangwa si kabibiin. Ti abus cha lilista ngachenla si liblun chi biyeg un ay-ayyuwalan chi Keɏlilu makaslok si hachiʼn siudad.