Matthew 5:19 - Lubuagan Kalinga

¹⁹ Ked ha taguʼn achipun tumuttuwa si ulay kapaatan un lintog Apudyus ya siya bo itudtuchula kan cha uchum, miibilang un siya kabyabyaan si Mampangatan Apudyus. Ngim lu silu tumuttuwa si lintog Apudyus ya siya bo itudtuchula kan cha uchum, siya mibilang un kangatuwan si Mampangatan Apudyus.

Matthew 5:19 ပူးပေါင်းရင်းမြစ်များ

Matthew 28:20

Ya itudtuchuyu kan chicha ta tungpaɏoncha cha losan un imbilinku kan chikayu. Ked sosomkonyu un pasigak awed kan chikayu inggala alungus chi lubung.”

Matthew 11:11

Ot intuɏuy Jesus kalan un, “Ibyegak kan chikayu chi tuttuwa, lippun liyalak si tagu un langangatu lu si John un Mambubunyeg. Ngim ha taguʼn kabyabyaan si Mampangatan Apudyus, mibilang un langatngatu lu John.

Titus 3:8

Tuttuwa cha allaʼn imbyegak kan chikayu. Piok un ipatutlu ibyega cha alla, taplu cha lamati kan Apudyus ammancha ileɏam un mangwa kan cha bibiɏu si losan un timpu. Liya cha gettok ya alla magaleb cha tagu.

Revelation 2:20

“ ‘Ngim awed bo lawwingok mipanggop kan chikayu, ti impalubusyu lantudtuchuwan chi osaʼn aginsusuɏu un isun Jezebel, imbyegala un siya kalu osaʼn propetan Apudyus, ta sikapala cha mansimbi kan sakon ta makabyasuɏcha. Ti itudtuchula mangwaan cha leɏaki ya cha byebyai si kilagatkat, ya ha mangalancha si makan un lichatun si silan-apudyus.

Romans 6:15

Himma piolaʼn ibyega cha alla? Ha ituɏuy takuʼn pin-a mangwa si byasuɏ, gapu ta chakampun un lintog chi mangituray kan chitaku, ngim kachegun Apudyus? Achipun makwa hachi!

1 Timothy 6:11

Ngim sika Timothy, tagu chika kan Apudyus ked masapuɏʼn man-awichem losan cha alla, ked ha koom ipupuutluʼn mangwa si ustu ya laapudyusan un biyeg. Pakoscheɏom chi pammatim, ayatlu, kilaattomlu ya kilaaluslu kan cha asintatagum.

Romans 6:1

Tuttuwaʼn amod chi kachegun Apudyus kan chitaku. Ked himma mibyega taku? Ha ituɏutuɏuy taku un mangwa si byasuɏ ta machogchog-an chi kachegun Apudyus kan chitaku?

1 Peter 5:4

Ked lu mampaila si Jesu Kristu un Ap-apun chi Pastuɏ, awatonyu machaychayaw un koronaʼn mallalayun.

Luke 11:42

“Kadchegu kayuʼn Pariseo! Ti mangtod kayu si ingkasimpuɏun chi apityuʼn latlatung un mampalamlaw si makan un isun cha minta, ruda ya uchum. Ngim ilissanyu kilalintog ya achipunyu ay-ayaton si Apudyus. Masapuɏn koonyu cha laoy ked achiyu liwatan cha uchum un lapotpotog.

Matthew 19:28

Ot kalan Jesus kan chicha, “Tuttuwa ibyegak kan chikayu, Sakon un Alak chi Tagu, lu chumtong chi man-Ariyak si baruʼn lubung, chikayu un lituntun-ud kan sakon mantugew kayu bo kan cha lasawaɏan si chuwaʼn trono un makaturay kan sakon. Ked chikayu manguis kan cha simpuɏu ya chuwaʼn galak Israel.

Romans 3:8

Ya puggey un achipun taku koon cha lawwing taplu awed iloswalaʼn bibiɏu! Tuttuwa un awed cha mamabpabyasuɏ kan sakon, ked pabyasuɏolak un sakon chi langug-uggud si alla. Kalintogelaʼn machusacha.

Acts 1:1

Potpotgok un Teofilo, Si ummulaʼn liblu un inggilik, imbyegak losan un killingwan Jesus ya intudtuchula inggan chi lanlugiyalaʼn lantudtuchuwan

Luke 9:48

Ot kalala kan chicha, “Lu silu mangipotog si osaʼn taguʼn isun chi allaʼn alak gapu kan sakon, potgola bo sakon. Ked lu silu mangipotog kan sakon, potgola bo si amak un langibuun kan sakon. Lu silu kabyabyaan kan chikayu losan, siya kangatuwan.”

Luke 1:15

Ked si Apudyus, ibilangla siya langatu un tagu. Mipalit siya un umilum si byeyas willu cha uchum un bumuuk. Ha Ispiritun Apudyus awed kan siya ulay awed pay laing si buwang ilala.

Matthew 20:26

Ngim chakampun otyan un kamatchi koonyu. Ti lu silu piolaʼn ngumatu kan chikayu, masapuɏʼn mansimbi kan chikayu losan.

1 John 3:4

Lu silu makabyasuɏ, siluplingla lintog Apudyus, ti ha byasuɏ sumupling si lintog.