Matthew 5:18 - Lubuagan Kalinga

¹⁸ Tuttuwa ibyegak kan chikayu, maumas chi langit ya pita ngim cha lintog Apudyus ked sissiya, ulay simpattok achipun mataɏak inggalad matungpeɏ cha losan un panggop Apudyus.

Matthew 5:18 ပူးပေါင်းရင်းမြစ်များ

Matthew 10:15

Tuttuwa allaʼn ibyegak kan chikayu, lu chumtong chi eɏgew un manguisan Apudyus si cha tagu, singkumaɏu chusan cha hachiʼn umili lu ha chusan cha iSodom ya iGomorrah.”

Matthew 10:23

Lu paligatan chikayu si osaʼn ili, ingkayu si osa boʼn ili. Ha ibyegak kan chikayu tuttuwa, achipunyu magamput chi kawachiyu si losan un iliʼd Israel, ked mangulilak, Sakon un Alak chi Tagu si awi.”

Matthew 10:42

Ya lu silu mampailum si mantunglin un chelum si ulay kabyabyaan un disipulusku, gapu ta disipulusku siya, sigulachuʼn magunggulaan.”

Matthew 11:11

Ot intuɏuy Jesus kalan un, “Ibyegak kan chikayu chi tuttuwa, lippun liyalak si tagu un langangatu lu si John un Mambubunyeg. Ngim ha taguʼn kabyabyaan si Mampangatan Apudyus, mibilang un langatngatu lu John.

Matthew 13:17

Tuttuwa ibyegak kan chikayu, achu cha propeta kan cha tagun Apudyus un pionchaʼn itullong cha intutullongyu, ngim achipuncha mitullong. Ngim pionchaʼn chongɏon cha chochongɏonyu, ngim achipuncha makadngeɏ.”

Matthew 16:28

Tuttuwa ibyegak kan chikayu, un awed cha uchum kan chikayu un sissiyan matattagu un mangitullong kan Sakon un Alak chi Tagu lu umaliyak manturay.”

Matthew 17:20

Ot kalan Jesus kan chicha, “Simman ti kuɏang chi pammatiyu. Tuttuwa ibyegak kan chikayu, lu awed akit si pammatiyu un isun chi kapaat chi bukeɏn chi mustasa, makwaʼn kalanyu si bilig allaʼn, ‘Man-atunka u si anchiya,’ ked tuttuwaʼn man-atun. Ti lappun achi makwa kan chikayu!

Matthew 18:18

Ibyegak kan chikayu tuttuwa, lu silu ipalityu utla pita, mipalit bo ud langit. Ked lu silu ipalubusyu utla pita, mipalubus bo ud langit.

Matthew 18:3

Ot kalala, “Tuttuwa ibyegak kan chikayu, lu achipunyu byaliwan chi somsomokyu ya mambyalin un isun cha aalak, achipun kayu mipati si mampangatan Apudyus.

Matthew 19:23

Oli pun kalan Jesus kan cha disipulusla, “Tuttuwa ibyegak kan chikayu, patunged kakaskun chi mipatiyan chi byaklang si mampangatan Apudyus.

Matthew 19:28

Ot kalan Jesus kan chicha, “Tuttuwa ibyegak kan chikayu, Sakon un Alak chi Tagu, lu chumtong chi man-Ariyak si baruʼn lubung, chikayu un lituntun-ud kan sakon mantugew kayu bo kan cha lasawaɏan si chuwaʼn trono un makaturay kan sakon. Ked chikayu manguis kan cha simpuɏu ya chuwaʼn galak Israel.

Matthew 21:21

Ot kalan Jesus kan chicha, “Tuttuwa ibyegak kan chikayu, lu mamati kayu kan Apudyus ya achipun kayu manchuwachuwa, makwaʼn koonyu isun chi killingwak si kayuʼn alla. Chakampun abus hachi ngim makwa boʼn kalanyu si bilig alla, ‘Umopwaska ked man-atunka si byeybyey,’ ked tuttuwaʼn makwa.

Matthew 21:31

Silu kan cha hachiʼn chuwa lalungpeɏ si pion amacha?” Summongbyatcha, “Ha panguɏu.” Ot kalan Jesus kan chicha, “Tuttuwa ibyegak kan chikayu un cha mangkaɏawing un tagu un isun cha manchachagup si bugis ya cha puta, umun-ulacha lu chikayu mipati si Mampangatan Apudyus.

Matthew 23:36

Tuttuwa ibyegak kan chikayuʼn tagu si salaʼn lolap, chikayu mangikaɏu si chusan cha losan gapu si kilalawwingcha!”

Matthew 24:2

Ot kalan Jesus, “Ha mailayu losan cha allaya? Ngim ibyegak kan chikayu katuttuwaan, un chumtong chi timpu un maamin mikusob cha laoy ked lappun akit matelan si byetu si sigud un igewla.”

Matthew 24:47

Tuttuwa ibyegak kan chikayu, gapu ta mapiyeɏan ipiyeɏn bo chi ap-apula cha losan un kukkuwala.

Matthew 25:12

“Ngim summongbyat chi leɏakiʼn mikaseɏ un kalala, ‘Achipun makwa, ti lappun ammuk kan chikayu.’ ”

Matthew 25:40

“Ked sumongbyat chi Ari kan chicha, ‘Tuttuwa ibyegak kan chikayu, lu killingwayu si osaʼn kabyabyaan kan cha susuludku, killingwayu bo kan sakon.’

Matthew 25:45

“Ked songbyatak chicha, ‘Tuttuwa ibyegak kan chikayu, lu achipunyu tiluɏungan chi osaʼn kabyabyaan kan cha susuludku, achipunyu bo sakon tiluɏungan.’ ”

Matthew 5:26

Tuttuwa ibyegak kan sika, lu mibyaɏudka achipunka mibukat inggalaʼd byayachem losan un muɏtam.”

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Matthew 6:2

“Ked lu awed idchonyu kan cha taguʼn makasapuɏ si tuɏung, achiyu ipappaila kan cha tagu un isun chi kokòon cha aginpapati un ipappailacha kan cha kekkesa ya cha sinagoga cha bibiɏuʼn kokòoncha ta chayawon cha tagu chicha. Tuttuwa ibyegak kan chikayu, lagamputcha ilawat chi gunggulacha.

Matthew 8:10

Laschaaw si Jesus si chingngeɏla imbyegan chi kapitan, ot kalala kan cha taguʼn lituntun-ud kan siya, “Tuttuwa ibyegak kan chikayu, lappun inchesak si kamatla kapigsan chi pammatila, ulay kan cha taguʼd Israel.

Mark 10:15

Tuttuwa ibyegak kan chikayu, lu silu achipun mangipakumbyabya si long-egla si mamatiyala kan Apudyus, un isun chi kilakumbyabyan cha allaʼn aalak, achipun makwa un mipati si Mampangatan Apudyus.”

Mark 10:29

Kalan Jesus, “Tuttuwa ibyegak kan chikayu, lu silu malelan si byeɏoyla willu susuludla willu amala kan ilala, willu cha aalakla willu pitala gapu si mitun-uchela kan sakon ya mangiweɏagawagela si Bibiɏuʼn Chameg,

Mark 11:23

Tuttuwa ibyegak kan chikayu, lu silu mangibyega si allaʼn bilig, ‘Umopwaska ked man-atunka si byeybyey,’ ked achipun manchuwachuwa somsomokla ngim patiyola un ha imbyegala ked makwa, tuttuwa un makwa.

Mark 12:43

Ot ilayagen Jesus cha disipulusla ot kalala kan chicha, “Tuttuwa ibyegak kan chikayu. Ad-achu intup-ung chi kapus un labyaɏu si iiggaan si pilak lu cha losan un pin-a langigga si pilakcha.

Mark 13:30

Tuttuwa ibyegak kan chikayu, sissiyan matattagu cha uchum un tagu si salaʼn lolap, ked makwa losan cha laoy.

Mark 14:18

Langkakakancha pun, kalan Jesus kan chicha, “Tuttuwa ibyegak kan chikayu, osa kan chikayuʼn miyubung kan sakon chi mangiyibit kan sakon.”

Mark 14:25

Tuttuwa ibyegak kan chikayu, chakpun kasin umilum si byeyas inggala si eɏgew un umilumak si baruʼn byeyas si Mampangatan Apudyus.”

Mark 14:30

Kalan Jesus kan siya, “Tuttuwa allaʼn ibyegak kan sika, si salaʼn labi, sakbyey un mamidwa malullakuk chi kawitan, pilitlum sakon piluklitan.”

Mark 14:9

Tuttuwa allaʼn ibyegak kan chikayu, losan un lugeɏʼn mibyegbyeg-an chi Bibiɏuʼn Chameg si intilun chi lubung, ha allaʼn kingwala ked mibyegbyega ta malomsomkan cha tagu kan siya.”

Mark 3:28

“Tuttuwa ibyegak kan chikayu, makwa un mapakawan cha losan un byasuɏn cha tagu ya cha lawwing un ibyegbyegacha mipanggop kan Apudyus.

Mark 6:11

Lu gumatong kayu si iliʼn achipun chikayu mangiliyon ya achipuncha chumngeɏ kan chikayu, telanyu ked pukpukanyu tapuk si ikiyu ta mangagammuwancha un kigedcha gey si machusaancha.”

Mark 8:12

Summaw-ot si Jesus ot kalala, “Puggey chi salaʼn lolap man-imus si lakaskaschaaw un mangagammuwan? Ibyegak chi katuttuwaan kan chikayu, lappun ipailak un lakaskaschaaw kan cha allaʼn lolap.”

Mark 9:1

Ot kalala bo kan chicha, “Katuttuwaan chi ibyegak kan chikayu. Awed cha uchum kan chikayu si sala un achipuncha matoy inggala mailacha kilabyelin Apudyus si mampangatala.”

Mark 9:41

Tuttuwa ibyegak kan chikayu, lu silu mamailum si chelum kan chikayu gapu ta tagu chikayu kan Kristu, tuttuwaʼn maidchen si gunggulala.”

Luke 11:51

Lallugi si lamatoyancha kan Abel inggala si lamatoyan cha kan Zechariah, un lapatoy si lambyeatan chi altar ya templo. O, ibyegak kan chikayuʼn tagu si salaʼn lolap, un chikayu mangikaɏu si chusan cha losan un lakwa kan chicha.

Luke 12:37

Pian cha bubùulon un ochesan chi apucha chichaʼn lakasagala ya achipun cha lasusuyop. Ibyegak kan chikayu, pasantala silupla ked paamuyola chicha ta pakalala chicha.

Luke 13:35

Ked si sala, mangamung kayu ti telan Apudyus chikayu. Mabyaawan cha iliyu ya byeɏoyyu. Ibyegak kan chikayu, achipunyu maila sakon kasin inggalà ibyegayu, ‘Machaychayaw si Kristu un ummali gapu si ngachen Apudyus.’ ”

Luke 16:17

Ngim lalaklaka maumasan chi allaʼn langit ya pita lu ha simpattok un lintog Apudyus.”

Luke 18:17

Somsomkonyu lu silu achipun umawat si Mampangatan Apudyus un isun chi mangawatala si osaʼn alak, achipun makwaʼn mipati udchi.”

Luke 18:29

Kalan Jesus kan chicha, “Tuttuwa ibyegak kan chikayu, lu silu malelan si byeɏoyla, willu asawala, willu susuludla, willu cha amala kan ilala, willu cha aalakla gapu si mansimbiyala si Mampangatan Apudyus,

Luke 23:43

Kalan Jesus kan siya, “Ibyegak kan sika, si salaʼn eɏgew awedka kan sakon ud langit.”

Luke 4:24

“Tuttuwa ibyegak kan chikayu, un ha propeta achipun mapotgen si mismuʼn ilila.

John 1:51

Ot kalala kan chicha, “Ibyegak chi tuttuwa kan chikayu, mailayu un miwalit ud langit ya mailayu cha angheles Apudyus un mipangpangatu ya chumedchedcheɏa kan Sakon un Alak chi Tagu.”

John 10:1

Oli pun ilugud Jesus chi pangngalig alla kan chicha, “Tuttuwa allaʼn ibyegak kan chikayu. Ha taguʼn achipun lumlok si sawang chi pukochen cha keɏlilu, ngim sumakay si sabyaliʼn chaɏan, ked man-aakaw ya tulisan.

John 10:7

Oli pun kasin lan-ugud si Jesus, “Tuttuwa allaʼn ibyegak kan chikayu. Sakon chi sawang un lumlokan cha keɏlilu.

John 12:24

Tuttuwa allaʼn ibyegak kan chikayu. Achipun umachu chi bukeɏ lu achipun mimuɏa si pita ya matoy. Sissiyan ossaan. Ngim lu mimuɏa ya tummubu, asi ot mamunga si achu.

John 13:16

Tuttuwa allaʼn ibyegak kan chikayu: lappun musassu un langatngatu lu ha ap-apula, ya lappun bo bubùulon un langatngatu lu ha langibuun kan siya.

John 13:38

Summongbyat si Jesus, “Hilu! Ha tuttuwaʼn lakasagalaka un matoy gapu kan sakon? Tuttuwa allaʼn ibyegak kan sika, sakbyey un malullakuk chi kawitan, lamitluwom sakon piluklitan.”

John 14:12

“Tuttuwa allaʼn ibyegak kan chikayu: lu silu mamati kan sakon, koola bo cha kawachik, ya chakchakeɏ kawachila lu cha alla, ti inyak kan Amak.

John 16:20

Tuttuwa allaʼn ibyegak kan chikayu: man-ibin kayu ya mallangchu kayu, ngim cha achipun mamati kan sakon matetteɏokcha. Manchachauy kayu ngim ha langchuyu mambyalin un galas.

John 16:23

“Lu chumtong chi hachiʼn timpu, chakampun kan sakon chi manchawatanyu, ti si Amak. Tuttuwa allaʼn ibyegak kan chikayu, lu silu chawatonyu kan Amak gapu si ngachenku, idchola kan chikayu.

John 21:18

Tuttuwa allaʼn ibyegak kan sika. Si kabarum, koom chi piom un koon ya ummoyka si piom un ayan. Ngim lu meɏakayka, uyachom cha imam ked bilaɏud chika ta iyoy chika si achipunlu pion un ayan.”

John 3:11

Tuttuwa allaʼn ibyegak kan sika, siyad uguchonmi tagammumi ya ibyegami intullongmi. Ngim achipunyu patiyon chi ibyegbyegami.

John 3:3

Ot kalan Jesus, “Tuttuwa allaʼn ibyegak kan sika. Lu achipun kasin miyalak chi tagu, achipun makwaʼn mipati si Mampangatan Apudyus.”

John 3:5

Ot kalan Jesus, “Tuttuwa allaʼn ibyegak kan sika. Achipun makwaʼn mipati chi tagu si Mampangatan Apudyus lu achipun miyalak si chelum ya si Ispiritun Apudyus.

John 5:19

Ot kalan Jesus kan chicha, “Tuttuwa allaʼn ibyegak kan chikayu. Sakon un Alak Apudyus, lappun mabyalinkun koon si uwak un angos, ngim siyà kook abus chi itutullongkuʼn koon Amak. Ti lu silu koola, hachi bo kook.

John 6:26

Ot summongbyat si Jesus kan chicha, “Tuttuwa allaʼn ibyegak kan chikayu. Singsingtonyu sakon gapu ta langan kayu si tilapay ya laslassug kayu, chakampun un gapu ta laawatanyu cha lakaskaschaaw un killingwak.

John 6:32

Ot kalan Jesus, “Tuttuwa allaʼn ibyegak kan chikayu, chakampun si Moses chi langatod kan chikayu si makan un lampeɏpuʼd langit. Ngim si Amak chi mangtod kan chikayu si tuttuwaʼn makan un mampeɏpuʼd langit.

John 6:47

Tuttuwa allaʼn ibyegak kan chikayu. Lu silu mamati kan sakon, awed chi biyegla un mallalayun.

John 6:53

Ot kalan Jesus kan chicha, “Tuttuwa allaʼn ibyegak kan chikayu, lu achipunyu kalon chi long-egku ya achipunyu ilumon chi chaɏak un Alak chi Tagu, lappun biyegyu un mallalayun.

John 8:34

Ot kalan Jesus kan chicha, “Tuttuwa allaʼn ibyegak kan chikayu. Lu silu ig-iggalan makabyasuɏ, siya musassun chi byasuɏ.

John 8:51

Tuttuwa allaʼn ibyegak kan chikayu, lu silu mamati si ugudku, ked achipun matoy si ing-inggala.”

John 8:58

Ot kalan Jesus, “Tuttuwa allaʼn ibyegak kan chikayu, chaampun miyalak si Abraham, ked sigud un illiinggewak.”

1 Peter 1:25

Ngim ha ugud Apudyus ked mallalayun.” Hachiʼn ugud Apudyus ked siya bibiɏuʼn chameg un libyegbyega kan chikayu.

Revelation 20:11

Oli pun intullongku bo chakeɏ ya mamputilak un aammuyan chi ari ked awed bo umaammuy. Ot lammaeg chi laumas chi allaʼn pita ya langit un lappun kasinla main-an.