Matthew 5:12 - Lubuagan Kalinga

¹² Ulay lu katchi pin-acha koon kan chikayu, matetteɏok kayu, ti chakeɏ gunggulayuʼd langit. Ti kamatchi bo killingwan cha taguʼn lamampaligat kan cha propetan ummun-ula lu chikayu.”

Matthew 5:12 ပူးပေါင်းရင်းမြစ်များ

Matthew 16:27

Ti Sakon un Alak chi Tagu, mangulilak un mibiɏun cha aangheles ya ipailak chi kilachayaw Amak. Ked gunggulaak kacha tagu si cha losan un killingwala.

Matthew 6:16

Ot intuɏuy Jesus, “Lu mallaun kayu mipagapu si malluwaluwanyu, achi kayu aginchachauy un isun cha aginpapati. Ti pionchaʼn ipaila kan cha taguʼn lallaunchaʼn malluwalu. Ibyegak chi tuttuwa kan chikayu, gilamputcha ilawat chi gunggulacha.

Luke 13:34

Oli pun kalan Jesus, “O Jerusalem, chikayuʼn iJerusalem un langtoy kan cha propeta ya lamit-ung kan cha imbuun Apudyus! Langam pigan iluppunku chikayu un isun chi man-aalikon chi angngak kan cha isiwla ngim ummisik kayu.

Luke 6:23

“Lu katchi makwa kan chikayu, matetteɏok kayu ya malachok kayu si galasyu ti chakeɏ gunggulayu ud langit. Ha kooncha kan chikayu, isun bo chi kingwan cha aappucha kan cha propeta si awi.

Luke 6:35

Ngim chikayu, masapuɏʼn ayatonyu cha kabusuɏyu ya koonyu bibiɏu kan chicha. Pabuluchenyu cha mambulud kan chikayu, ulay lu achipun cha iyulin. Ti lu koonyu katchi, chakeɏ gunggulayu, ked mibilang kayu alak Apudyus un Kangatuwan. Ti kacheguwan Apudyus cha achipun manyaman ya cha lawwik un tagu.

Acts 16:25

Gawan labi pun, lalluwaluwalu ya langkankanta cha Paul kan Silas un manchaychayaw kan Apudyus. Manchochongngeɏ cha kadwachaʼn byaɏud kan chicha.

Acts 5:41

Ummoyon pun cha apostoles, amod chi galascha ti imbilang Apudyus chicha un kalobbongancha un mapaligatan mipagapu kan Jesus.

Romans 5:3

Chakampun un abus cha hachi gumalasan taku, ngim ulay lu mapampaligatan taku, ti ammu taku un cha ligat ked peɏoswaola alus.

1 Corinthians 3:8

Lappun lansabyaliyan chi langimuɏa ya lalibsibug, ti man-isucha kan Apudyus, ked si umaliʼn eɏgew, gunggulaan Apudyus chi kacha osa sigun si killingwala.

2 Corinthians 4:17

Ti cha allaʼn mallangpaw ya sin-akitan un ligligatmi, ked idchola kan chikami chi chakeɏ ya mallalayun un chayaw un lappun miyisuwala.

Philippians 1:29

Ti laatod kan chikayu waya un mamati kan Jesu Kristu. Ngim chakampun un abus chi lamatiyanyu laatod, ngim ulay bo mapaligatanyu mipagapu kan Kristu.

Philippians 2:17

Ulay lu mapatoyak si sala, lagalasak un mangipuɏang si biyegku kan Apudyus ti mipati kan cha biyegyu un isun chi ichatunyu kan Apudyus gapu si pammatiyu kan siya. Ked makagalasak bo kan chikayu.

Colossians 1:24

Ulay lu mapampaligatalak gapu si langibyegbyeg-ak kan chikayu, lagalasak bo. Gapu si alla, sakon chi mangigamput si mangkuɏangan chi malliligat Kristu gapu kan cha losan un mamati un mibilang long-egla, un siya simbyaan.

Colossians 3:24

Ti ammuyu un awed chi gunggula un idchon Apu kan chikayu un laksunyu. Ti si Kristu un Apu mansimsimbiyanyu.

1 Thessalonians 2:15

Ti cha Judio lamatoy kan cha propetan Apudyus. Ked cha galakcha bo lamatoy kan Apu Jesus, ked cha chogacha boʼn Judio lamampaligat kan chikami. Achipuncha lakaay-ayu kan Apudyus ti suplingoncha cha losan un tagu

Hebrews 10:34

Ti kilacheguwanyu bubuɏunyuʼn lamati un labyabyaɏud. Ya ulay silamsamcha kukkuwayu, ilan-alusanyu un lagalas kayu ti ammuyu mismu un awed chi labibbiɏu ya mallalayun un kukkuwayu ud langit.

Hebrews 11:26

Imbilangla un lapotpotog chi makaligat gapu kan Kristu lu ha losan un kilabyaklang ud Egypt, ti lamlamaola chi gunggulan Apudyus si umaliʼn eɏgew.

Hebrews 11:33

Mipagapu si pammaticha, ilabyakcha cha gilubyatchaʼn ili, lalintog chi lantuturaycha ya ilawatcha ingkarin Apudyus. Gapu si pammaticha, pilaikomcha tupok cha layun,

Hebrews 11:6

Ked lappun tagu si makaay-ayu kan Apudyus lu lappun pammatila. Ti lu silu umachali kan Apudyus, masapuɏʼn patiyola un awed si Apudyus ya gunggulaala cha mangipapati mansingit kan siya.

James 1:2

Susulud, lu mapaligatan kayu si mangkangkalasiʼn ligat, ibilangyu un gumalasanyu,

James 5:10

Susulud, somsomkonyu cha propetan Apudyus un ummoy langibyegbyega si ugud Apudyus. Chicha mansampaɏanyu si kilaalus un mangiyattom si losan un ligat.

1 Peter 4:13

Ngim ha koonyu otyan, ganggalasonyu makaligatanyu si ligat Kristu, ta makaganggalas kayu ya mipaila michayawala.