Matthew 5:11 - Lubuagan Kalinga

¹¹ “Pian kayu lu mangig-iggaan chikayu ya palpaligatan chikayu ya pepewingon chikayu gapu kan sakon.

Matthew 5:11 ပူးပေါင်းရင်းမြစ်များ

Matthew 10:18

Gapu kan sakon, mipasangu kayu si sangwalan cha gubillachuɏ ya cha Ari ta ibyegayu Bibiɏuʼn Chameg kan chicha ya cha losan un Gentil.

Matthew 10:22

Ked lawingon chikayu kan cha losan un tagu gapu kan sakon. Ngim lu silu mangipapati si pammatila kan sakon inggalà alungusla, chicha matatagu ing-inggala.

Matthew 10:25

Ked maplok otyan chi iswila lu mambyalin isun chi mistulula, ya kamatla otyan bo si bubùulon lu mambyalin isun chi ap-apula. Lu sakon un miyalig un singkuwa si byeɏoy, kalancha un sakon si Beelzebul, giluɏa kayu bo, achi amod chi kalancha kan chikayuʼn kabyeɏoyla.”

Matthew 10:39

Lu silu mangipotog si biyegla, mataɏakla mit laing. Ngim lu silu mangkasutala biyegla gapu kan sakon, ochesala mataguwala si ing-inggala.”

Matthew 19:29

Ked lu silu malelan si byeɏoyla, susuludla, amala, ilala, cha aalakla ya cha pitala mipagapu kan sakon, maminggasut chi awatola lu cha tilelala ked maidchen si biyeg un mallalayun.

Matthew 24:9

“Ked manchopapcha kan chikayu ya paligatan chikayu ked otoyon chikayu. Sangaon chikayu kan cha losan un nasyun gapu kan sakon.

Matthew 27:39

Ot sinwiwigiwig cha lumaus ya langamsiw kan Jesus, un kalancha,

Mark 13:13

Ked lawingon chikayu kan cha losan un tagu gapu kan sakon. Ngim lu silu mangipapati si pammatila kan sakon inggalà alungusla, chicha matatagu ing-inggala.”

Mark 13:9

“Ngim allechenyu. Ti chokmaan chikayu ked ichiɏum chikayu si korti, ked saplitancha chikayu si sinagoga. Ked mipasangu kayu si cha turay ya cha Ari mipagapu kan sakon, ta hachi wayayu un mangibyega si Bibiɏuʼn Chameg kan chicha.

Mark 4:17

Ngim achipun lummamut chi ugud Apudyus si somsomokcha. Oli pun, gumatong chi masuklutancha ya lapaligatancha gapu si langawatancha si ugud Apudyus, ot achipuncha intuɏutuɏuy un mamati ngim kakmacha lan-awichen chi pammaticha.

Mark 8:35

Ti ha taguʼn piolaʼn taguwon chi biyegla ked mataɏakla mit laing. Ngim ha taguʼn mangkasutala biyegla gapu kan sakon ya gapu si Bibiɏuʼn Chameg, matatagu ing-inggala.

Luke 21:12

“Ngim sakbyey un makwa cha laoy, manchokmacha kan chikayu ya paligatan chikayu. Ichiɏum chikayu si sinagoga ked ibyaɏud chikayu. Gapu si pammatiyu kan sakon, sumeɏyaon chikayu kan cha Ari ya cha gubillachuɏ.

Luke 21:17

Ked lawingon chikayu kan cha losan un tagu gapu kan sakon.

Luke 6:22

Pian kayu lu sangaon cha tagu chikayu ya issancha chikayu ya mangig-iggaan chikayu si ugud ya kalancha un lawwik kayu gapu kan Sakon un Alak chi Tagu.

Luke 9:24

Ti ha taguʼn piolaʼn taguwon chi biyegla, ked mataɏakla mit laing. Ngim ha taguʼn mangkasutala biyegla gapu kan sakon, matatagu ing-inggala.

John 15:21

Ngim kooncha cha alla kan chikayu gapu kan sakon, ti achipuncha ammu si Ama un langibuun kan sakon.

John 9:28

Ot langig-iggaancha siya un kalancha, “Sika disipulusla ngim disipulus chikami kan Moses.

Acts 9:16

Ya ipailak kan siya cha losan un mapaligatala gapu kan sakon.”

Romans 8:36

Ti ha liigili un ugud Apudyus, kalala, “Gapu kan sika, ileɏgew un uuwayonmi mapatoyanmi. Ti isumi keɏlilu un makwaʼn mapeɏti.”

1 Corinthians 4:10

Ked chikami, gapu kan Kristu, kalanchaʼn tuntu kami. Ngim chikayu, kalanyuʼn lalaing kayu si lamatiyanyu! Lakapsut kami, ngim chikayu mangkoscheɏ kayu losan! Am-amsiwon cha tagu chikami, ngim las-oman chikayu!

2 Corinthians 4:11

Si allaʼn mataguwanmi, pasigmi sosòogon chi matoyanmi gapu kan Jesus taplu mailan cha losan chi biyeg Jesus si allaʼn long-egmi un lalaka un matoy.

Philippians 1:29

Ti laatod kan chikayu waya un mamati kan Jesu Kristu. Ngim chakampun un abus chi lamatiyanyu laatod, ngim ulay bo mapaligatanyu mipagapu kan Kristu.

1 Peter 2:23

Si langam-amsiwancha kan siya, achipun summongsongbyat si lawwing. Si lapampaligatala, achipun lan-og-ogyat, ngim lantegod kan Apudyus un lalintog un manguis.

1 Peter 4:14

Pian kayu lu mibibiin kayu gapu si pammatiyu kan Kristu, ti inggew kan chikayu chi machayaw un Ispiritun Apudyus.

Revelation 2:3

Tuttuwaʼn laalus kayu, ya lapampaligatan kayu gapu si pammatiyu kan sakon un achipun kayu lappog.