Matthew 5:10 - Lubuagan Kalinga

¹⁰ “Pian cha taguʼn mapalpaligatan gapu si mangwaancha si pion Apudyus, ti lipaticha si Mampangatan Apudyus.

Matthew 5:10 ပူးပေါင်းရင်းမြစ်များ

Matthew 10:23

Lu paligatan chikayu si osaʼn ili, ingkayu si osa boʼn ili. Ha ibyegak kan chikayu tuttuwa, achipunyu magamput chi kawachiyu si losan un iliʼd Israel, ked mangulilak, Sakon un Alak chi Tagu si awi.”

Matthew 19:14

Ngim kalan Jesus kan chicha, “Palubusanyu cha aalak un umali kan sakon. Achiyu ipalit chicha, ti cha katlaʼn aalak chicha cha mipati si Mampangatan Apudyus ud langit.”

Matthew 25:34

“Ked sakon un Ari, ibyegak kan cha inggew si kapit chi machuwalanku, ‘Wayyu, chikayuʼn bilinchisyulan Amak ta tawichonyu mipatiyanyu si Mampangatan Apudyus un lisasaggalan inggewanyu malipud si lakwaan chi lubung.

Matthew 5:3

“Pian cha taguʼn ammucha un lappun kabyeeɏancha si sangwalan Apudyus, ti mipaticha si Mampangatan Apudyus.

Mark 10:14

Ngim intullong pun Jesus, summanga ot kalala kan chicha, “Palubusanyu cha aalak un umali kan sakon. Achiyu ipalit chicha, ti cha katlaʼn aalak chicha cha mipati si Mampangatan Apudyus.

Mark 10:30

ked maidchen si salaʼn timpu si ad-achu un byeɏoy ya susulud, ila ya aalak ya pita. Mapaligatan si allaʼn lubung ngim si umaliʼn eɏgew, maidchen si biyeg un mallalayun.

Luke 21:12

“Ngim sakbyey un makwa cha laoy, manchokmacha kan chikayu ya paligatan chikayu. Ichiɏum chikayu si sinagoga ked ibyaɏud chikayu. Gapu si pammatiyu kan sakon, sumeɏyaon chikayu kan cha Ari ya cha gubillachuɏ.

Luke 22:29

Isun chi langidchen Amak kan sakon si kalobbongak un manturay, katchi bo mangidchek kan chikayu si kalobbonganyuʼn manturay.

Luke 6:20

Oli pun lansagung si Jesus kan cha disipulusla ot kalalaʼn lantudtuchu, “Pian kayu un kakapus un mamati kan Apudyus si sala, ti mipati kayu si Mampangatan Apudyus!

Luke 6:22

Pian kayu lu sangaon cha tagu chikayu ya issancha chikayu ya mangig-iggaan chikayu si ugud ya kalancha un lawwik kayu gapu kan Sakon un Alak chi Tagu.

John 15:20

Somsomkonyu imbyegak kan chikayu, un lappun bubùulon un langatngatu lu ap-apula. Lu pilaligatancha sakon, paligatancha bo chikayu. Lu tiluttuwacha intudtuchuk, tuttuwaoncha bo chikayu.

Acts 5:40

Ot impaayegcha kasin cha apostoles ot impasaplitcha chicha. Ot imbilincha un achipuncha kasin man-ugud mipanggop kan Jesus ot imbukatcha chicha.

Acts 8:1

Si Saul chi langituluk si lamatoyancha kan Stephen. Si hachiʼn eɏgew lanlugi patunged un lamaligatancha kan cha mamatiʼd Jerusalem ot liwatak cha kaachuwan un mamati. Ummoycha si kailiili si probinsiyan chi Judea kan Samaria ngim latelan cha apostoles.

2 Corinthians 4:17

Ti cha allaʼn mallangpaw ya sin-akitan un ligligatmi, ked idchola kan chikami chi chakeɏ ya mallalayun un chayaw un lappun miyisuwala.

Philippians 1:28

Achi kayu umogyat kan cha mallawing kan chikayu, ti ha mangiyiskechenyu kan chicha, hachi mangagammuwancha un maabyakcha ya machusacha, ngim chikayu ked matagu kayu si ing-inggala ti si Apudyus chi mangwa si katchi para kan chikayu.

2 Timothy 2:12

Lu maattoman taku cha ligat, makaturay taku bo kan siya. Ngim lu puklitan taku siya, puklitala bo chitaku.

2 Timothy 3:11

Ya ammum bo cha losan un lakwa kan sakon ud Antioch, Iconium ya Lystra, un patungedku lapaligatan. Ngim sileɏaklibyelak kan Apudyus.

James 1:12

Pian chi tagu un miyattomla ligat, ti lu misikedla pammatila magunggulaan siya si biyeg ing-inggala un siya ingkarin Apudyus kan cha mangay-ayat kan siya.

James 5:11

Ha kilatuttuwaala, pian cha tagu un mangiyalus un mangiyattom si cha ligat. Chingngeɏyu kilaalus Job un ilan-alusala ligat ya ammuyu in-ilon Apudyus un langwa kan siya un kapipian si alungusla. Ti malagchegu ya malag-ayat si Apudyus.

1 John 3:12

Ya masapuɏʼn achi taku tuɏachon chi ugalin Cain, ti si Cain tiluttuwala si Satalas ot pilatoyla suludlaʼn Abel. Palaggey patoyon chi suludla? Gapu ta pasig lawwing cha angwat Cain, ngim ha angwat suludla, pasig lalintog.

Revelation 2:10

Ked ibyegak kan chikayu un achi kayu umogyat kan cha losan un ligat un umali kan chikayu. Ti si Satalas, pachasola kaalon chi pammatiyu ked mangwa si mibyaɏuchenyuʼn uchum. Ngim simpuɏuʼn eɏgew chi mapampaligatanyu ked abusla. Popotpotanyu pammatiyu kan sakon, ulay siya ikatoyyu, ked gunggulaak chikayu si mallalayun un biyeg si umaliʼn eɏgew.