Matthew 4:3 - Lubuagan Kalinga

³ Ot ummoy si Satalas kan Jesus ot kalala, “Lu tuttuwaʼn Alak chika kan Apudyus, ibyegam kan cha allaʼn byetu ta mambyalin cha tilapay.”

Matthew 4:3 ပူးပေါင်းရင်းမြစ်များ

Matthew 14:33

Cha disipuluslaʼn inggew si bangka chilaychayawcha siya un kalancha, “Tuttuwaʼn sika Alak Apudyus.”

Matthew 16:16

Summongbyat si Simon Peter un kalala, “Sika Kristu, un Alak chi matattagu un Apudyus.”

Matthew 26:63

Ngim gummigillok si Jesus. Ot kasin chi kangatuwan un pachi kalan kan siya, “Si sangwalan chi latattagun Apudyus, ibyegam kan chikami lu sika si Kristu un Alak Apudyus.”

Matthew 3:17

Ot ladngeɏ ginga un lampeɏpuʼd langit un kalala, “Liya Alakkuʼn tagtagopok ya masmas-omak kan siya.”

Mark 1:1

Allaya lallugiyan chi Bibiɏuʼn Chameg mipanggop kan Jesu Kristu un Alak Apudyus.

Mark 3:11

Ot intullong pun cha taguʼn laaɏan si Jesus, lampalintumingcha si sangwalala ot illipkawchaʼn, “Sika Alak Apudyus!”

Mark 5:7

Ot kalan Jesus si aɏan un inggew si leɏaki, “Wissedka si allaʼn tagu!” Ot impakuy chi leɏakiʼn gumminga, “Simma piom un koon kan sakon, Jesus un Alak chi Kangatuwan un Apudyus? Kacheguwam sakon si ngachen Apudyus ta achim sakon paligatan!”

Luke 1:35

Ot summongbyat chi anghel un kalala, “Umali Ispiritun Apudyus kan sika, ked gapu si kilabyelin Apudyus un kangatuwan tuɏungan chika ta makwaʼn mabugika. Ked ha alak un iyalaklu lappun byasuɏla ked ngadloncha siya Alak Apudyus.

Luke 22:70

Kalan cha losan, “Chipay, Alak Chika kan Apudyus?” Silongbyatala chicha, “Siya kalanyu.”

Luke 4:3

Ot kalan Satalas kan siya, “Lu tuttuwaʼn Alak chika kan Apudyus, ibyegam kan cha allaʼn byetu ta mambyalincha tilapay.”

Luke 4:41

Lampeɏyaw bo kan cha aɏan un inggew kan cha achuʼn tagu, ot si ummoyolan cha aɏan, inyipkawcha un kalancha, “Sika alak Apudyus!” Ngim pilagilokla chicha ti tilagammucha un siya si Kristu un ingkarin Apudyus un umali.

Luke 4:9

Oli pun impuyut Satalas si Jesus ud Jerusalem ot pilasikedla si salimpatuk chi templo. Ot kalala kan siya, “Lu tuttuwaʼn Alak chika kan Apudyus, lumayugka,

John 1:34

Hachi intullongku, ked paloklokak kan chikayu un siya tuttuwaʼn Alak Apudyus.”

John 1:49

Ot summongbyat si Nathanael kan siya, “Apu, sika Alak Apudyus! Sika Ari ud Israel!”

John 20:31

Ngim liigili cha laoy taplu mamati kayu un si Jesus chi Kristu un Alak Apudyus. Ked lu mamati kayu, matatagu kayu ing-inggala gapu si litimpuyugenyu kan siya.

John 9:35

Chingngeɏn pun Jesus chi lakwa kan siya, singngitla siya ot inchesala pun, kalala, “Ha mamatika kan Sakon un Alak chi Tagu?”

Acts 9:20

Ot kakma ummoy si cha sinagoga ot illugilaʼn langibyegbyega un Alak Apudyus si Jesus.

2 Corinthians 1:19

Ya lappun bo kamatchi kan Jesu Kristu un Alak Apudyus, ti cha losan un imbyegan Jesus killingwala. Siyad ibyegbyegami kan cha Timothy ya Silas kan chikayu si Jesus.

Galatians 2:20

Ti libilang un lakakatoyak kan Jesu Kristu si krus, ked chakampun kan sakon chi mangituray si somsomokku si salaʼn katattaguk, ngim si Jesu Kristu un awed kan sakon. Ti ha biyegku si sala, ked mibyeseɏ si pammatik si Alak Apudyus un langipaila si ayatla kan sakon ya inchuyala long-egla para kan sakon.

1 Thessalonians 3:5

Ked hachi langibuulak kan Timothy utlat taplu ammuwok chi mipanggop si pammatiyu, ti lachalagelak paka lawa ta silubsub Satalas chikayu ked kenga langkawachiyanmi.

Hebrews 12:16

Ked ilanyu ta lappun kan chikayu chi mangwa si kakitkitagen willu achipunla ipotog chi laapudyusan un byaleg un isun Esau. Ti insukatla kalobbongan chi panguɏuʼn alak si singkumakan.

Hebrews 4:14

Ked popotpotan taku chi pammati taku, ti si Jesus un Alak Apudyus, siya Kangatuwan un Pachi taku un ummoy kan Apudyus ud langit.

Hebrews 7:3

Lappun liigili si mipanggop kan amala ya ilala ya ulay bo aappula. Ya lappun bod liigili si liyalakala ya latoyala. Miyalig si Melchizedek un Alak Apudyus un sissiyan pachi ing-inggala.

1 John 3:8

Ngim ha mangituɏutuɏuy makabyasuɏ, litimpuyug kan Satalas un siya diablo, ti ha diablo, sigud un lakabyasuɏ malipud si chamchamu. Ked hachi gapun chi ummaliyan chi Alak Apudyus utla pita, taplu yam-alola cha losan un pin-an chi diablo koon.

Revelation 2:10

Ked ibyegak kan chikayu un achi kayu umogyat kan cha losan un ligat un umali kan chikayu. Ti si Satalas, pachasola kaalon chi pammatiyu ked mangwa si mibyaɏuchenyuʼn uchum. Ngim simpuɏuʼn eɏgew chi mapampaligatanyu ked abusla. Popotpotanyu pammatiyu kan sakon, ulay siya ikatoyyu, ked gunggulaak chikayu si mallalayun un biyeg si umaliʼn eɏgew.