Matthew 4:25 - Lubuagan Kalinga

²⁵ Amo-amod cha taguʼn litun-ud kan siya un lampeɏpuʼd cha probinsiya ud Galilee, Judea, Decapolis, Jerusalem ya cha iliʼn inggew si chomangon chi chewwang ud Jordan.

Matthew 4:25 ပူးပေါင်းရင်းမြစ်များ

Matthew 12:15

Tilagammun pun Jesus chi panggopcha, ummoyon si hachiʼn ili. Ot achu cha taguʼn litun-ud kan siya. Ot kilaanla cha saksakitcha.

Matthew 19:2

Amo-amod cha taguʼn litun-ud kan siya ot pilalin-awala cha lasakit.

Matthew 4:15

“Si pita ud Zebulun kan Naphtali, si igid chi byeybyey, un chomangon chi chewwang ud Jordan inggala si sakup chi Galilee un igew cha Gentil.

Matthew 5:1

Intullong pun Jesus cha amod un tagu, lalagecha si bilig ot ummamuy. Ot ummacheli cha disipulusla kan siya.

Matthew 8:1

Lan-osog pun si Jesus un lampeɏpud chi bilig, litun-ud cha amo-amod un tagu kan siya.

Mark 5:20

Ummoyon chi hachiʼn leɏaki ot ummoyla imbyegbyega killingwan Jesus kan siya kan cha simpuɏuʼn ili un sakupon chi Decapolis. Ot laschaaw cha losan un taguʼn langngeɏ si imbyegala.

Mark 6:2

Sabyechu pun, ummoy lantudtuchu si Jesus si sinagoga, ked achu cha laschaaw si chingngeɏcha siya ot kalancha, “Simma langachaɏan chi taguʼn alla kan cha laoy? Simma langealad chi kilalaingla? Ya simmaga in-ilolaʼn mangwa si lakaskaschaaw?

Mark 7:31

Tilelan Jesus chi iliʼd Tyre ot langoy ud Sidon un ummoy si byeybyey ud Galilee ya sakupon Decapolis.

Luke 6:17

Lan-osog pun cha Jesus ya cha apostolesla un lampeɏpu si tagudtud, summikedcha si tummalapala ti illinggew cha lachagup un achuʼn disipulusla ya cha amod un taguʼn lampeɏpuʼd Judea ya Jerusalem ya kaili-ili ud Tyre ya Sidon un adchaliyan si byeybyey.

Luke 6:19

Losan cha tagu ummaguyut ta appachencha siya, ti alla kilabyelinla un lu appachencha siya, mapalin-awa chi sakitcha.