Matthew 4:24 - Lubuagan Kalinga

²⁴ Ked lanchilongeɏ pin-an Jesus killingwa si cha losan un iliʼd Syria. Hachi gapulaʼn lan-iyoy cha tagu kan cha losan un lasakit, un lakalakalasi sakitcha ya ligatcha, isun cha laaɏan, laketoy ya lapalalais, ot pilalin-awan Jesus chicha.

Matthew 4:24 ပူးပေါင်းရင်းမြစ်များ

Matthew 12:22

Oli pun illiyoycha kan Jesus chi osaʼn leɏakiʼn kiluɏap ya ilumeɏn chi aɏan. Ot pileɏyaw Jesus chi aɏan un inggew kan siya ot lakatullong ya lakaginga hachiʼn leɏaki.

Matthew 14:1

Si hachiʼn timpu, chingngeɏn Gubillachuɏ Herod ud Galilee chi mipanggop kan Jesus.

Matthew 15:22

Ot inggew chi osaʼn byebyai un iCanaan un Gentil, un ummoy kan Jesus. Ot inyipkawla kalan un, “Apu, un galak David, kacheguwalak u! Ti patunged chi alakkuʼn byebyeɏasang tilotoman chi ligat ti laaɏan.”

Matthew 17:15

“Apu, kacheguwam u alakkuʼn laketoy! Patungedla tilotoman chi ligat ti lu lumoswa ketoyla, pappasig misubbya si apuy willu mitup-ung si chelum.

Matthew 17:18

Oli pun ilomɏan Jesus chi aɏan un inggew si alak ot ummoyon. Ot kakma lummin-awa hachiʼn alak.

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Matthew 8:28

Gummatong ked cha Jesus si chomangon chi byeybyey un sakupon chi Gadarenes, liyabot kan siya cha chuwaʼn leɏakiʼn laaɏan, un lampeɏpu si loblobon. Patunged cha kaog-ogyat ked lappun makaituled un mangoy si hachiʼn chaɏan.

Matthew 8:33

Cha hachiʼn man-aachug kan cha byeɏok, ummawidcha si ili. Imbyegacha losan un lakwa, pati cha lakwa kan cha chuwaʼn laaɏan.

Matthew 8:6

“Apu, lasakit chi bubùulok ud uwami, lapalalais ked amod chi ligatla.”

Matthew 9:26

Ot lanchilameg chi killingwan Jesus si losan un sakup chi hachiʼn ili.

Matthew 9:35

Ot lilikwos Jesus cha ili-ili un lantudtuchu ud cha sinagoga. Imbyegbyegala Bibiɏuʼn chameg mipanggop si Mampangatan Apudyus ya pilalin-awala bo cha losan un kalasin cha saksakit cha tagu ya sigeb chi long-egcha.

Mark 1:28

Ot kakma lanchilongeɏ chameg mipanggop kan Jesus si losan un iliʼd Galilee.

Mark 1:32

Lummaschom pun, inggetong cha tagu cha losan un lasakit ya cha laaɏan.

Mark 2:3

Si hachi, gummatong cha opat un leɏakiʼn bilumbulligencha osaʼn lapalalais un leɏaki ta iyoycha kan Jesus.

Mark 2:4

Ngim lappun in-ilonchaʼn makaachali kan Jesus ti amod cha tagu. Langwa cha pun, ilabutancha otop un byetug Jesus, asicha ot impacheɏa buligla.

Mark 2:9

Simma lagodgochong un ibyega si lapalalais, ‘Lapakawan cha byasuɏm’ willu ‘Lumibbyatka, aɏam chi oboklu ked malidchaɏanka?’

Luke 2:2

Hachi ummulaʼn lampalistaan cha tagu timpun chi lan-gubillachuɏan Quirinius ud Syria.

Luke 4:14

Langulin si Jesus ud Galilee, ot inggew chi kilabyelin chi Ispiritun Apudyus kan siya. Ked lanchilongeɏ chameg mipanggop kan siya si losan un mampalikwos un ili.

Luke 4:38

Lummawa si Jesus si sinagoga ot ummoy si byeɏoycha Simon. Ha byebyaiʼn katugangan Simon ked amod chi palatingla. Ot imbyegacha kan Jesus ta tuɏungala siya.

Luke 5:15

Ngim laam-amod un lanchilongeɏ chameg mipanggop kan Jesus. Ot amod cha taguʼn ummoy lanchongeɏ kan siya ya ummoy lampalin-awa si sakitcha.

Luke 5:24

Allaya maligammuwanyu un Sakon un Alak chi Tagu, alla kalobbongak utla pita un mamakawan si byasuɏ.” Ot kalala si hachiʼn lapalalais, “Ibyegak kan sika, lumibbyatka, aɏam chi oboklu ya ingkan uwayu!”

Luke 7:17

Ot lanchilongeɏ chameg mipanggop kan Jesus si losan un ili ud Judea ya ili-ili un mampalikwos.

John 10:21

Ngim kalan cha uchum, “Chakampun si katla ugud chi laaɏan! Ha chadchawat gey ya kaalon aɏan chi kuɏap chi tagu?”

Acts 10:38

Ya ammuyuʼn chilutukan Apudyus si Jesus un iNazareth ya illidchola Ispiritula ya kilabyelinla kan Jesus ta ulay silu ayala pin-a langwa si bibiɏu ya pin-a lampalin-awa kan cha losan un pilaligatan chimunyu ti awed si Apudyus kan siya.

Acts 15:23

Impaw-itcha allaʼn suɏat kan chicha: “Chikamiʼn apostoles ya pallakayon un susuludyu utla Jerusalem. Allaya suɏatmi kan chikayuʼn Gentil un mamati utlat Antioch, Syria ya Cilicia.

Acts 15:41

Oli pun ummoycha si ili-ili ud Syria ya Cilicia ta pakoskoscheɏoncha pammatin cha mamati.

Acts 28:9

Laammuwan pu lakwa kan siya, ummoy cha losan un lasakit si hachiʼn ili kan Paul ot pilalin-awala chicha.

Acts 8:7

Pileɏyawla cha aɏan un inggew kan cha achuʼn tagu ot ummak-akikis cha aɏan un lummawa ya achu cha lapalalais ya lapilay un lummin-awa.