Matthew 4:23 - Lubuagan Kalinga

²³ Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Matthew 4:23 ပူးပေါင်းရင်းမြစ်များ

Matthew 11:5

Cha lakuɏap makatullongcha, cha lapilay makatidchaɏancha, cha lakuteɏ lapapeɏkascha, cha latuɏong makadngeɏcha, cha latoy ummulicha latagu ya mibyegbyega Bibiɏuʼn Chameg kan cha kakapus.

Matthew 12:9

Ummoyon udchi si Jesus ot ummoy si sinagogacha.

Matthew 13:19

Ha bukeɏ un liweɏsi si chaɏan, chicha cha taguʼn langngeɏ mipanggop si Mampangatan Apudyus, ngim achipuncha maawatan. Ot ummoy Satalas kilaan chi chingngeɏcha un ugud si somsomokcha.

Matthew 13:54

Ot langulin ud ilila, ot ummoy lantudtuchu si sinagoga. Laschaaw cha lanchongeɏ kan siya ot kalancha, “Himma langean chi taguʼn alla si kilalaingla ya pallakabyelinla un mangwa si lakaskaschaaw?

Matthew 14:14

Lummogsed pun cha Jesus si byangka ot intullongla cha amod un tagu un lituntun-ud, kummachegu kan chicha ot kilaanla cha saksakitcha.

Matthew 24:14

Ked ha allaʼn Bibiɏuʼn Chameg mipanggop si Mampangatan Apudyus, mibyegbyega si losan un ilid chi lubung ta mangngeɏan cha tagu asiyot chumtong chi alungus chi timpu.”

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 9:35

Ot lilikwos Jesus cha ili-ili un lantudtuchu ud cha sinagoga. Imbyegbyegala Bibiɏuʼn chameg mipanggop si Mampangatan Apudyus ya pilalin-awala bo cha losan un kalasin cha saksakit cha tagu ya sigeb chi long-egcha.

Mark 1:14

Libyaɏud pun si John un Mambubunyeg, langulin si Jesus ud Galilee ta mambyegbyega si Bibiɏuʼn Chameg un lampeɏpu kan Apudyus.

Mark 1:21

Oli pun, ummoy cha Jesus ud Capernaum. Si Sabyechuʼn man-illongan cha Judio, lilumlok si Jesus si sinagoga ot lantudtuchu.

Mark 1:39

Ot ummoy si Jesus si losan un iliʼd Galilee, lambyegbyega kan cha tagu si sinagoga ya pileɏyawla cha aɏan si cha taguʼn laaɏan.

Mark 3:10

Gapu ta achu cha pilalin-awala, langgunggulod cha losan un lasakit kan Jesus ta appachencha siya.

Mark 6:2

Sabyechu pun, ummoy lantudtuchu si Jesus si sinagoga, ked achu cha laschaaw si chingngeɏcha siya ot kalancha, “Simma langachaɏan chi taguʼn alla kan cha laoy? Simma langealad chi kilalaingla? Ya simmaga in-ilolaʼn mangwa si lakaskaschaaw?

Mark 6:6

Ot laschaaw siya ti achipun cha tagu lamati kan siya. Ot lilikwos Jesus cha ili-ili un lantudtuchu.

Luke 10:9

Palin-awaonyu cha lasakit si hachiʼn ili ya ibyegayu kan chicha, ‘Chancheli gumatngan chi Mampangatan Apudyus kan chikayu.’

Luke 13:10

Si osaʼn Sabyechuʼn man-illongan, lantudtuchù Jesus si sinagoga.

Luke 16:16

“Ha lintog Moses ya cha inggilin cha propeta si awi, hachi latungpeɏ lasuɏut inggala si timpun John un Mambubunyeg. Lallugi si hachiʼn timpu, libyegbyega Bibiɏuʼn Chameg mipanggop si Mampangatan Apudyus ya achu mangipatut un mipati.

Luke 20:1

Osaʼn eɏgew pin-a mantudtuchu si Jesus kan cha tagu si templo ya ibyegbyegala Bibiɏuʼn Chameg. Ummoy kan siya cha ap-apun cha papachi ya cha mimistulun chi lintog ya cha pallakayon cha Judio.

Luke 4:14

Langulin si Jesus ud Galilee, ot inggew chi kilabyelin chi Ispiritun Apudyus kan siya. Ked lanchilongeɏ chameg mipanggop kan siya si losan un mampalikwos un ili.

Luke 5:17

Si osaʼn eɏgew, lantudtuchu si Jesus si osaʼn byeɏoy. Si hachi illinggew bo cha uchum un ummaammuy un Pariseo kan cha mimistulun chi lintog un lampeɏpuʼd cha losan un ili ud Galilee ya Judea ya leɏpu cha uchum ud Jerusalem. Ked awed chi kilabyelin Apudyus kan Jesus un mampalin-awa kan cha lasakit.

Luke 6:17

Lan-osog pun cha Jesus ya cha apostolesla un lampeɏpu si tagudtud, summikedcha si tummalapala ti illinggew cha lachagup un achuʼn disipulusla ya cha amod un taguʼn lampeɏpuʼd Judea ya Jerusalem ya kaili-ili ud Tyre ya Sidon un adchaliyan si byeybyey.

Luke 6:6

Si osaʼn Sabyechu, lilumlok kasin si Jesus si sinagogan cha Judio, ot lantudtuchu. Illinggew chi leɏakiʼn lasikod chi machuwalan un imala.

Luke 7:21

Si hachiʼn uras un gummatngancha, pilalin-awan Jesus cha achuʼn taguʼn lakalakalasi sakitcha ya pin-ala bo pileɏyaw cha aɏan un inggew si uchum, ya cha lakuɏap ked makatullongcha.

Luke 7:22

Ot silongbyatan Jesus chicha, kalala, “Mangulin kayu kan John, ibyegayu kan siya cha intullongyu ya chingngeɏyu un killingwak. Cha lakuɏap, makatullongcha, cha lapilay, makatidchaɏancha, cha laleprosy lakalin-awaancha, cha latuɏong, makadngeɏcha, cha latoy, latagu cha kasin. Ked cha kakapus, mibyegbyega kan chicha Bibiɏuʼn Chameg.

Luke 8:1

Lapalos pun, ummoy si Jesus si cha kaili-ili un lambyegbyega si Bibiɏuʼn Chameg mipanggop si Mampangatan Apudyus. Kilabuɏogla lasawaɏan si chuwaʼn disipulusla,

Luke 9:11

Ngim laammuwan pun cha tagu ummoyan Jesus, tilun-udcha siya. Ot ilawatla chicha, tiludtuchuwala chicha mipanggop si Mampangatan Apudyus ya pilalin-awala cha lasakit.

Luke 9:60

Ngim kalan Jesus kan siya, “Mangamung cha lalattoy un mangimbon kan cha isuchaʼn latoy si ispiritu. Ngim sika, ingka ipapuut ibyegbyega Mampangatan Apudyus.”

John 18:20

Ot kalan Jesus, “Pasigak lantudtuchu si sangwalan cha tagu si sinagoga ya templo un maup-uppulan cha losan un Judio. Lappun intudtuchuk un litataɏu.

John 6:59

Imbyegan Jesus chi alla si lantudtuchuwala si sinagogan cha Judio ud Capernaum.

John 7:1

Lagamput pu alla, gilaggakay Jesus cha ili ud Galilee. Issalan umoy ud Judea, ti pilanggop cha papangat cha Judio un patoyon siya.

Acts 10:38

Ya ammuyuʼn chilutukan Apudyus si Jesus un iNazareth ya illidchola Ispiritula ya kilabyelinla kan Jesus ta ulay silu ayala pin-a langwa si bibiɏu ya pin-a lampalin-awa kan cha losan un pilaligatan chimunyu ti awed si Apudyus kan siya.

Acts 18:4

Ot Silabyechuʼn ummoy si Paul si sinagoga ya pilachaslaʼn ilawis cha Judio ya cha Gentil un mamati kan Jesus.

Acts 20:25

“Chikayu illiinggewak si langibyegbyeg-ak si mipanggop si Mampangatan Apudyus, ked si sala ammuk un achipun taku man-asitullong kasin.

Acts 28:31

Lateɏod un langibyegbyega mipanggop si mampangatan Apudyus ya langitudtuchu mipanggop kan Apu Jesu Kristu ked lappun langipalit kan siya.

Romans 10:15

Ked silu bo umoy mangibyega lu lappun mibuun? Ti kalan chi liigiliʼn ugud Apudyus, “Bibiɏu ta alla cha umali mangibyega si Bibiɏuʼn Chameg!”