Matthew 4:17 - Lubuagan Kalinga

¹⁷ Malipud si hachiʼn timpu, lilugiyan Jesus un lambyegbyega un kalala, “Mambyabyawi kayu kan cha byasuɏyu ti chanchali Mampangatan Apudyus.”

Matthew 4:17 ပူးပေါင်းရင်းမြစ်များ

Matthew 10:7

Kacha ayanyu iweɏagawegyu Bibiɏuʼn Chameg, ‘Chanchali Mampangatan Apudyus.’

Matthew 11:12

Malipud si chamuʼn langibyegbyeg-an John inggala si sala, awed cha mangipatut mangibyegbyega mipanggop si Mampangatan Apudyus. Ya awed bo cha uchum un ipapattutcha boʼn mipati si Mampangatala.

Matthew 13:11

Ot summongbyat si Jesus, “Ti chikayu langidchen Apudyus si wayayuʼn mangagammu si palimod chi mampangatan ud langit. Ngim achipunla impakaammu kan cha uchum un tagu.

Matthew 13:24

Kasin bo si Jesus lan-alig kan chicha un kalala, “Miyalig chi Mampangatan Apudyus si osaʼn taguʼn lan-osok si bibiɏuʼn pagoy si payawla.

Matthew 13:47

Ot intuɏuy Jesus un kalala, “Miyalig chi Mampangatan Apudyus si tabukuɏ un ingkop-eɏn cha malabukuɏ si byeybyey ked lakalakalasi lamos un latabukuɏan.

Matthew 13:9

Ot inyalungus Jesus imbyega, “Chongɏonyu ya somsomkonyu pion chi inyaligku un uguchon!”

Matthew 25:1

Intuɏuy Jesus un kalala, “Ha Mampangatan Apudyus ked miyalig si simpuɏuʼn byebyeɏasang un lampàawit si silawcha ta umoycha abton chi leɏakiʼn mikaseɏ.

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 6:10

Chumtong otyan chi Mampangatam utla pita ya makwa otyan chi piom utla pita un isun chi lakwaʼd langit.

Matthew 9:13

Ingkayu amman achaɏon chi pion chi ugud Apudyus un ibyega un kalala, ‘Siyad piok chi kumachegu kayu kan cha asintataguyu. Chakampun si piok cha ichatchatunyu kan sakon.’ Ti siyad ummaliyak taplu ayagek cha taguʼn malagbyasuɏ ta mambyabyawicha, chakampun un cha taguʼn singkalan un lalintogcha.”

Luke 15:10

Ibyegak kan chikayu, katchi boʼn manlagsak cha angheles Apudyus lu mambyabyawi ulay ossaan un malagbyasuɏ.”

Luke 15:7

Ibyegak kan chikayu, katchi boʼn amod chi galas cha awed ud langit lu mambyabyawi ulay ossaan un malagbyasuɏ lu cha siyampuɏu ya siyam un lalintog un achipuncha masapuɏ un mambyabyawi.”

Luke 24:47

Ya masapuɏ boʼn mibyegbyega chameg si losan un ili mallugi ud Jerusalem, mipanggop si palagbyabyawin cha tagu ta mapakawan cha byasbyasuɏcha.

Luke 3:23

Si lallugiyan Jesus un lantudtuchu, umoy un tiɏumpuɏu tawonla. Ya ha somsomok cha tagu, ibilangcha siya un alak Joseph. Si Joseph, alak Heli,

Luke 5:32

Achipulak ummaliʼn mangayeg kan cha singkalan un lalintogcha, ngim cha malagbyasuɏ ta mambyabyawicha.”

Luke 9:2

Ot imbuunla chicha ta umoycha ibyegbyega chi Mampangatan Apudyus ya mampalin-awa kan cha lasakit.

Acts 11:18

Ot chingngeɏcha pu hachi, inyageycha un langam-amsiw kan siya ot chilaychayawcha si Apudyus un kalancha, “Illidchen bo Apudyus cha Gentil si wayachan mambyabyawi ta maidchencha si biyeg un mallalayun.”

Acts 17:30

Pileɏaus Apudyus cha timpu un lappun tagammun cha tagu kan siya. Ngim si sala, imbilinla kan cha losan un tagu ta mambyabyawicha kan cha byasuɏcha.

Acts 2:38

Ot kalan Peter kan chicha, “Losan kayu ked masapuɏʼn mambyabyawi kayu kan cha byasuɏyu ya mampabunyeg kayu mipagapu si kilabyelin ya kalobbongan Jesu Kristu ta mapakawan cha byasuɏyu, ya awatonyu Ispiritun Apudyus un idchola kan chikayu.

Acts 20:21

Imbyegbyegak un ustu-ustu kan cha Judio ya cha Gentil un masapuɏʼn mambyabyawicha kan cha byasbyasuɏcha ya mansagungcha kan Apudyus ya mamaticha kan Apu Jesus.

Acts 26:20

Ti ummoyku imbyegbyega kan cha tagu un masapuɏʼn mambyabyawicha kan cha byasbyasuɏcha ya mansagungcha kan Apudyus ya kooncha bibiɏu ta maammuwan un tuttuwaʼn lambyabyawicha. Hachi pin-ak imbyegbyega lanlugi ud Damascus, oli pun ud Jerusalem ya cha ili-ili si probinsiya ud Judea ya siya bo kan cha Gentil.

Acts 3:19

Ked chikayu masapuɏʼn mambyabyawi kayu ya mansagung kayu kan Apudyus ta pakawalola cha byasbyasuɏyu.

Hebrews 6:1

Ked achi taku ipuputput chi chamchamuʼn tudtuchu mipanggop kan Kristu ngim ituɏuy taku achaɏon chi lachaɏom un tudtuchu ta chumakchakɏan chi pammati taku. Achipun masapuɏʼn ikasikasin taku achaɏon chi puun chi pammati taku un isun chi mambyabyawiyan si lawwing un pin-a taku koon ya in-ilon taku un mamati kan Apudyus,