Matthew 3:9 - Lubuagan Kalinga

⁹ Achiyu kalan un milisiyu kachusaanyu gapu ta galak chikayu kan Abraham. Ti ibyegak kan chikayu un makwaʼn mambyalilon Apudyus cha byetuʼn alla un galak Abraham.

Matthew 3:9 ပူးပေါင်းရင်းမြစ်များ

Mark 7:21

Ti somsomok chi tagu meɏpuwan cha lawwing un kopya, un isun chi kilagatkat, chegchegas, akaw, pumatoy,

Luke 12:17

Lansomsomok siya ot kalala, ‘Simman li kook? Ti kuɏang chi mangiponpolak si achuʼn apitku.’

Luke 16:24

Ot lampokaw chi byaklang, ‘Ama Abraham! Kacheguwalak u ya ibuunlu si Lazarus ta ilusongla gammatla si chelum ked itodtodla si chilak ta matunglilan, ti allaʼn patungedku tilotoman chi atung chi allaʼn apuy!’

Luke 19:40

Ot silongbyatan Jesus chicha, “Ibyegak kan chikayu, lu gumilokcha, mampakuy cha allaʼn byetu un manchayaw kan sakon.”

Luke 3:8

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu. Achiyu kalan un, gapu ta galak chikayu kan Abraham, milisiyu kachusaanyu kan Apudyus. Lappun katuttuwaan chi hachi. Ibyegak kan chikayu un makwaʼn mambyalilon Apudyus cha byetuʼn alla si galak Abraham.

Luke 5:22

Ngim laammuwan Jesus chi somsomokcha ot kalala kan chicha, “Puggey katlat chi somsomokyu?

Luke 7:39

Ngim intullong pun chi Pariseo kingwan chi byebyai, kalala si somsomokla, “Lu gettok un propeta si Jesus, ammula otyan chi kilatatagun chi byebyai un mangap-appupuy kan siya, ked ilomeɏala.”

John 8:33

Ot kalan cha Judio, “Galak chikami kan Abraham ya lappun lammusassuwanmi. Puggey ibyegan mawayawayaan kami?”

John 8:37

“Ammuk un galak chikayu kan Abraham. Ngim pionyuʼn otoyolak, ti issanyu chi tudtuchuk.

John 8:53

Ha langatngatuka kamman lu si Abraham un amami ya cha propeta? Latoy cha mit losan. Silu malomsomkam si long-eglu?”

Acts 13:26

“Susulud un galak Abraham ya chikayuʼn mangapudyus un Gentil, chitaku langipatigammuwan Apudyus si ugudla mipanggop si in-ilolaʼn malagu kan chitaku.

Acts 15:14

Imbyegan Simon kan chitaku in-ilon Apudyus si chamu un langipaila si mampopotogla kan cha Gentil, ti chilutukala cha tagula.

Romans 4:1

Somsomkon taku mipanggop kan Abraham un singgalak kan chitakuʼn Judio. Himma impailan Apudyus kan siya un mampalintog si tagu?