Matthew 3:7 - Lubuagan Kalinga

⁷ Ngim intullong pun John cha amod un Pariseo kan cha Saduceo un umoy mampabunyeg kan siya, kalala kan chicha, “Chikayuʼn lasikap un isun chi uɏog, silu langibyega kan chikayu un milisiyu chusan Apudyus lu mampabunyeg kayu?

Matthew 3:7 ပူးပေါင်းရင်းမြစ်များ

Matthew 12:24

Ngim chingngeɏn pun cha Pariseo hachi, kalancha, “Makwaʼn peɏyawola aɏan ti si Beelzebul un pangat cha aɏan chi langatod si kilabyelinla un mameɏyaw kan cha aɏan.”

Matthew 12:34

Chikayuʼn galak chi uɏog! Ma in-ilonyuʼn lawwik un man-ugud si bibiɏu? Ti ha awed si somsomok, siya bo mibyalikas chi tupok.

Matthew 15:12

Oli pun ummoy cha disipulusla kan siya ot kalancha, “Ha achipunlu kamman ammu un lasaktan cha Pariseo si imbyegam?”

Matthew 16:1

Ummoy cha uchum un Pariseo ya cha Saduceo kan Jesus ot pilappachascha sikapan siya. Ot chilawatcha un mangipaila kan chicha si lakaskaschaaw un mangipaloklok un Apudyus chi langibuun kan siya.

Matthew 16:6

Ot kalan Jesus kan chicha, “Man-alled kayu ya tanchaalanyu cha yeast cha Pariseo ya Saduceo.”

Matthew 22:15

Oli pun ummoyon cha Pariseo ot lantutuɏagencha lu hilu in-ilonchaʼn malikap kan siya gapu si cha ilugudla.

Matthew 22:23

Si hachiʼn eɏgew, ummoy cha uchum un Saduceo kan Jesus. Cha Saduceo achipun cha mamati un umuli matagu latoy. Ot lakaim-imuscha kan siya un kalancha,

Matthew 22:34

Chingngeɏn pun cha Pariseo un pilagilok Jesus cha Saduceo, lachagupcha kasin.

Matthew 23:33

“Patunged kayu! Galak chi uɏog! Ma in-ilonyuʼn mangilisi si machusaanyuʼd impiyeɏlu?

Matthew 5:20

Ti ibyegak kan chikayu, un achipun kayu mipati si Mampangatan Apudyus lu achipun kayu lalinlintog lu cha Pariseo ya cha mimistulun chi lintog.”

Mark 12:13

Oli pun, imbuuncha cha uchum un Pariseo ya uchum un tagun Herod ti pionchaʼn lubuton siya si ibyegala.

Mark 12:18

Ot ummoy cha uchum un Saduceo kan Jesus makaim-imus. Cha Saduceo, achipun cha patiyon un umuli matagu kasin cha latoy.

Mark 8:15

Bilegbyegaan Jesus chicha, “Man-alled kayu ya tanchaalanyu cha yeast cha Pariseo ya si Herod.”

Luke 16:14

Chingngeɏn pun cha Pariseo hachiʼn intudtuchun Jesus, ilamsiwcha siya ti memeɏyedcha si pilak.

Luke 18:11

Ud chaɏom chi templo, summiked chi Pariseo ot malluwalu, kalala, ‘Apudyus, manyamalak kan sika ti chakampun si isuk cha uchum un taguʼn laagum, lauyung ya kachechegchegas. Ya manyamalak bo ti chakampun si isuk chi allayaʼn manchachagup si bugis.

Luke 7:30

Ngim cha Pariseo ya cha mimistulun chi lintog, ilissancha pion Apudyus kan chicha ked achipuncha lampabunyeg kan John.

John 1:24

Ot inggew cha Pariseo un libuun kan John,

John 8:44

Aalak chikayu kan Satalas un amayu ked pionyu boʼn koon chi piola. Kapapatoy siya lalipud si chamu inggala sala ya lappun mansagungala si katuttuwaan ti lappun katuttuwaan kan siya. Lu mantuli, koola lisigud un kokòola ti latuli siya ya siya bo puun cha tuli.

John 9:40

Chingngeɏn cha uchum un Pariseo un likaslang si hachi chi ilugudla ot ilimuscha, “Piom un uguchon, lakuɏap kami bo?”

Acts 15:5

Ngim summiked cha uchum un mamati un lampeɏpu si grupun cha Pariseo, ot kalancha, “Masapuɏʼn ibyega taku un mampasogyat cha Gentil ya tuttuwaoncha bo lintog Moses.”

Acts 20:31

Ked man-alled kayu. Somsomkonyu un bilegbyeg-ak chikayu losan si tiɏuʼn tawon un illinggewak kan chikayu, ileɏgew ya lilabin malluluwaak gapu si kacheguk kan chikayu.

Acts 26:5

Labyeyeg un am-ammucha sakon malipud si chamuʼn inggewak si grupun cha Pariseo un mangipapati si religionmi ya impapatik tilungpeɏ cha lintogcha. Makwan paloklokancha un tuttuwa cha alla lu pioncha.

Acts 5:17

Ot si hachi, amod chi apos chi kangatuwan un pachi ya losan un kadwalaʼn chogacha un Saduceo kan cha apostoles.

Romans 1:18

Lipakaammu un amod chi sangan Apudyus kan cha losan un malagbyasuɏ un achipun mamati ya cha pin-a mangmangwa si lawwing. Ha lawwing un pin-acha killingwa, siya mamallod si mamatiyancha si katuttuwaan un mipanggop kan Apudyus.

Romans 5:9

Ked gapu si latoyala, imbilang Apudyus chitaku lalintog. Ked sigulachuʼn taguwola chitaku si sangan Apudyus un malusa kan cha losan un tagu.

1 Thessalonians 1:10

Imbyegacha bo manguuwayanyu si mangulilan chi Alaklaʼn Jesu Kristu un mampeɏpuʼd langit. Siya hachiʼn tilagun Apudyus si latoyala ya siya bo maleɏaklib kan chitaku si kaog-ogyat un sangan Apudyus si umaliʼn eɏgew.

Hebrews 11:7

Gapu si pammati, chingngeɏn Noah impatubgan Apudyus mipanggop si makmakwa si umaliʼn eɏgew ulay achipunla intullong. Ot lampaud si chakeɏn bapur ta mataguchaʼn simbyeyan. Ked gapu si pammatila, impailala un lawwik chi lubung. Ked siya imbilang Apudyus un lalintog gapu si pammatila.

Hebrews 6:18

Killingwan Apudyus chi alla ta cha allaʼn chuwa achipun maobbo-obbos ti pulus lu mantuntulli si Apudyus. Ked chitakuʼn mamati kan siya masegeg takuʼn mamopotpot si lamlama un illidchola kan chitaku.

1 John 3:10

Ha mangilasilan taku kan cha aalak Apudyus ya cha aalak chi diablo, kamatla: Ha taguʼn achipun mangwa si bibiɏu ya achipunla ay-ayaton chi susuludla, chakampun un alak Apudyus.