Matthew 3:2 - Lubuagan Kalinga

² Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 3:2 ပူးပေါင်းရင်းမြစ်များ

Matthew 10:7

Kacha ayanyu iweɏagawegyu Bibiɏuʼn Chameg, ‘Chanchali Mampangatan Apudyus.’

Matthew 11:20

Oli pun ilomɏan Jesus cha tagu si cha iliʼn langwaala si achuʼn lakaskaschaaw ti achipuncha lambyabyawi kan cha byasuɏcha.

Matthew 12:41

Lu chumtong chi timpu un manguisan Apudyus kan cha tagu, pabyasuɏon chikayu kan cha taguʼn tiludtuchuwan Jonah ud Nineve, ti lambyabyawicha si byasbyasuɏcha si chingngeɏcha imbyegbyegan Jonah. Ngim chikayu, ulay ammuyu un allaak si sala un langatngatu lu Jonah, achipun kayu pay laing tumuttuwa si tudtuchuk.

Matthew 13:11

Ot summongbyat si Jesus, “Ti chikayu langidchen Apudyus si wayayuʼn mangagammu si palimod chi mampangatan ud langit. Ngim achipunla impakaammu kan cha uchum un tagu.

Matthew 13:24

Kasin bo si Jesus lan-alig kan chicha un kalala, “Miyalig chi Mampangatan Apudyus si osaʼn taguʼn lan-osok si bibiɏuʼn pagoy si payawla.

Matthew 13:31

Ot kasin si Jesus lan-alig un kalala, “Miyalig chi Mampangatan Apudyus si osaʼn bukeɏn chi mustasa, un illaɏan chi osaʼn tagu ot immuɏala si umala.

Matthew 13:33

Ot kasin bo si Jesus lan-alig kan chicha un kalala, “Miyalig chi Mampangatan Apudyus si yeast un mampaboteɏ, un illaɏan chi byebyai akit ot ingkamosla si achuʼn arina inggala bumteɏ losan un likamsala.”

Matthew 13:47

Ot intuɏuy Jesus un kalala, “Miyalig chi Mampangatan Apudyus si tabukuɏ un ingkop-eɏn cha malabukuɏ si byeybyey ked lakalakalasi lamos un latabukuɏan.

Matthew 13:52

Ot kalala bo kan chicha, “Kacha mistulun chi lintog un mamati si itudtuchuk mipanggop si Mampangatan Apudyus, ked miyalig si simbyeɏoy un ammulaʼn mangitokweɏ ya manguseɏ si kukkuwala un baru ya chachaan si langichulilala.”

Matthew 18:23

Ti katchi Mampangatan Apudyus ud langit, un miyalig si osaʼn Ari un simsimmoklaʼn makasingin si utang cha bubùulola.

Matthew 20:1

Kalan Jesus, “Ha Mampangatan Apudyus ked miyalig si osaʼn tagu un lakawisngit ummoy lalangchen si mangkawachiyola si limuɏalaʼn grapes.

Matthew 22:2

“Ha Mampangatan Apudyus miyalig si osaʼn Ari un lansagala si kaseɏn chi alaklaʼn bumaru.

Matthew 23:13

Ot intuɏuy Jesus un kalala, “Kadchegu kayu, chikayuʼn Pariseo ya mimistulun chi lintog. Aginpapati kayu! Ti sillodyu sawang un lumlokan cha tagu si Mampangatan Apudyus. Ngim achipun kayu bo lumlok ked ipalityu bo cha meɏyed un lumlok.

Matthew 25:1

Intuɏuy Jesus un kalala, “Ha Mampangatan Apudyus ked miyalig si simpuɏuʼn byebyeɏasang un lampàawit si silawcha ta umoycha abton chi leɏakiʼn mikaseɏ.

Matthew 25:14

Ot intuɏuy Jesus un kalan, “Ha Mampangatan Apudyus ked miyalig si osaʼn taguʼn umoy mambiyasi si adchayuwan un ili. Ilayagela cha bubùulola ot impiyeɏla kan chicha cha kukkuwala.

Matthew 4:17

Malipud si hachiʼn timpu, lilugiyan Jesus un lambyegbyega un kalala, “Mambyabyawi kayu kan cha byasuɏyu ti chanchali Mampangatan Apudyus.”

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Matthew 5:10

“Pian cha taguʼn mapalpaligatan gapu si mangwaancha si pion Apudyus, ti lipaticha si Mampangatan Apudyus.

Matthew 5:3

“Pian cha taguʼn ammucha un lappun kabyeeɏancha si sangwalan Apudyus, ti mipaticha si Mampangatan Apudyus.

Matthew 6:10

Chumtong otyan chi Mampangatam utla pita ya makwa otyan chi piom utla pita un isun chi lakwaʼd langit.

Matthew 6:33

Siya otyan isosomokyu Mampangatan Apudyus ya masapuɏʼn koonyu cha piola, ked idchola cha losan un kasapuɏanyu.

Mark 1:15

Ot kalala, “Chillumtong chi timpuʼn latungpeɏ chi imbyegan Apudyus. Chanchali chi Mampangatala! Mambyabyawi kayu kan cha byasuɏyu ya patiyonyu Bibiɏuʼn Chameg.”

Mark 1:4

Ot lampaila si John un Mambubunyeg si lugeɏʼn lappun ummili. Imbyegbyegala kan cha tagu un, “Ibyabyawiyu cha byasbyasuɏyu ya mampabunyeg kayu ta pakawalon Apudyus chikayu.”

Mark 6:12

Ot ummoycha imbyegbyega kan cha tagu un masapuɏʼn mambyabyawicha kan cha byasuɏcha.

Luke 1:16

Gapu si suysuɏula, achu cha galak Israel un mangulin kan Apudyus.

Luke 11:20

Ngim lu peɏyawok cha aɏan gapu si kilabyelin Apudyus un awed kan sakon, alliya mangipaloklok un gummatong kan chikayu Mampangatan Apudyus.

Luke 13:3

Chakampun! Ibyegak kan chikayu lu achipun kayu mambyabyawi kan cha byasuɏyu, katchi bo mangkakatoyyu.

Luke 13:5

Chakampun! Ibyegak kan chikayu lu achipun kayu mambyabyawi kan cha byasuɏyu, katchi bo mangkakatoyyu.”

Luke 15:10

Ibyegak kan chikayu, katchi boʼn manlagsak cha angheles Apudyus lu mambyabyawi ulay ossaan un malagbyasuɏ.”

Luke 15:7

Ibyegak kan chikayu, katchi boʼn amod chi galas cha awed ud langit lu mambyabyawi ulay ossaan un malagbyasuɏ lu cha siyampuɏu ya siyam un lalintog un achipuncha masapuɏ un mambyabyawi.”

Luke 16:30

“Ot kalan chi byaklang, ‘Achipun umalay lait, ama Abraham! Ngim lu awed osà umuli matagu kan cha latoy un umoy mangibyega kan chicha, mambyabyawicha kan cha byasuɏcha.’

Luke 21:31

Isula bo, lu mailayu un makwa cha allaʼn ilugudku, ammuyu un chanchali Mampangatan Apudyus.

Luke 24:47

Ya masapuɏ boʼn mibyegbyega chameg si losan un ili mallugi ud Jerusalem, mipanggop si palagbyabyawin cha tagu ta mapakawan cha byasbyasuɏcha.

Luke 6:20

Oli pun lansagung si Jesus kan cha disipulusla ot kalalaʼn lantudtuchu, “Pian kayu un kakapus un mamati kan Apudyus si sala, ti mipati kayu si Mampangatan Apudyus!

Luke 9:2

Ot imbuunla chicha ta umoycha ibyegbyega chi Mampangatan Apudyus ya mampalin-awa kan cha lasakit.

Acts 11:18

Ot chingngeɏcha pu hachi, inyageycha un langam-amsiw kan siya ot chilaychayawcha si Apudyus un kalancha, “Illidchen bo Apudyus cha Gentil si wayachan mambyabyawi ta maidchencha si biyeg un mallalayun.”

Acts 17:30

Pileɏaus Apudyus cha timpu un lappun tagammun cha tagu kan siya. Ngim si sala, imbilinla kan cha losan un tagu ta mambyabyawicha kan cha byasuɏcha.

Acts 2:38

Ot kalan Peter kan chicha, “Losan kayu ked masapuɏʼn mambyabyawi kayu kan cha byasuɏyu ya mampabunyeg kayu mipagapu si kilabyelin ya kalobbongan Jesu Kristu ta mapakawan cha byasuɏyu, ya awatonyu Ispiritun Apudyus un idchola kan chikayu.

Acts 20:21

Imbyegbyegak un ustu-ustu kan cha Judio ya cha Gentil un masapuɏʼn mambyabyawicha kan cha byasbyasuɏcha ya mansagungcha kan Apudyus ya mamaticha kan Apu Jesus.

Acts 26:20

Ti ummoyku imbyegbyega kan cha tagu un masapuɏʼn mambyabyawicha kan cha byasbyasuɏcha ya mansagungcha kan Apudyus ya kooncha bibiɏu ta maammuwan un tuttuwaʼn lambyabyawicha. Hachi pin-ak imbyegbyega lanlugi ud Damascus, oli pun ud Jerusalem ya cha ili-ili si probinsiya ud Judea ya siya bo kan cha Gentil.

Acts 3:19

Ked chikayu masapuɏʼn mambyabyawi kayu ya mansagung kayu kan Apudyus ta pakawalola cha byasbyasuɏyu.

2 Corinthians 7:10

Ti ha lambyalagen chi chummauyan chi somsomok ked mambyabyawiyan un mangichaɏan si mataguwan ked chakampun un byabyawiyon chi hachi. Ngim ha lailubungan un chumauyan ked ha mambyalagela otoy.

Colossians 1:13

Ti tilagula chitaku si pallakabyelin Satalas un manturay si manggikbot ya impatila chitaku si mampangatan chi tagtagopolaʼn Alakla.

2 Timothy 2:25

Ta lu ammala leman un mantudtuchu kan cha sumupling si tuttuwa, idchen lin Apudyus chicha si wayachaʼn mambyabyawi ya maammuwancha katuttuwaan.

Hebrews 6:1

Ked achi taku ipuputput chi chamchamuʼn tudtuchu mipanggop kan Kristu ngim ituɏuy taku achaɏon chi lachaɏom un tudtuchu ta chumakchakɏan chi pammati taku. Achipun masapuɏʼn ikasikasin taku achaɏon chi puun chi pammati taku un isun chi mambyabyawiyan si lawwing un pin-a taku koon ya in-ilon taku un mamati kan Apudyus,

2 Peter 3:9

Ked chakampun un meɏolot si Apudyus un mangwa si ingkarila un siya malomsomkan cha uchum. Ngim alu-alusala chikayu gapu ta issalaʼn awed mibyellu ulay ossaan, ti piolaʼn mambyabyawi otyan cha losan un tagu kan cha byasbyasuɏcha.

Revelation 2:21

Liwayaak siya si mambyabyawiyala, ngim issala ti achipunla iyagey cha kakaisawan un pin-ala koon.

Revelation 2:5

Somsomkonyu otyan chi ayatyu si chamu, ta mambyabyawi kayu ked ipauliyu hachiʼn chamuʼn killingwayu. Ta lu achipun kayu mambyabyawi si byasuɏyu, umaliyak ked kaalok chi pagsilawanyu si lipapattayala.