Matthew 3:12 - Lubuagan Kalinga

¹² Ked lu umali siya ilasinla cha bibiɏu un tagu si cha lawwing un tagu, miyalig si mantopa un mansilaola bilayu ya chugi. Ha bilayu iteponla si aɏang ngim ha chugi ibyellula si apuy un achipun masobsobyen.”

Matthew 3:12 ပူးပေါင်းရင်းမြစ်များ

Matthew 13:30

Intalu ta michisancha chumakeɏ inggalà man-aali. Asik ibyega kan cha man-ali un un-ulaoncha sagamsaman cha sabsabug ya postoncha asicha ot umoy soggon. Asicha ot aliyon chi pagoy ked imponponcha si aɏangku.’ ”

Matthew 13:41

Ti Sakon un Alak chi Tagu, ibuunku cha anghelesku un umoy malagup kan cha losan un taguʼn mangmangwa si makabyasuɏan cha uchum un tagu ya cha mangmangwa si lawwing ta achipuncha mipati si Mampangatan Apudyus.

Matthew 13:42

Ked mibyellucha si guminggillaub un apuy un achipun maksop. Ked sin-iibincha ya singngingillot cha ngiponcha.

Matthew 13:43

Ngim cha tagun Apudyus, lumilalilangcha un isun chi ilit si Mampangatan Amacha un Apudyus. Lu laingaan kayu, ammanyu chongɏon.”

Luke 3:16

Ngim kalan John kan chicha, chakampun un sakon si Kristu. “Awed chi misagsagulud un langatngatu lu sakon, ked achipulak lumbong un mangukas si sancheɏla. Bunyagek chikayu si chelum, ngim siya bunyagela chikayu si Ispiritun Apudyus ya apuy.

Luke 3:17

Isun chi tagu un mamangchon si leblak un mantopa un mansilaola bilayu ya chugi. Ha bilayu iteponla si aɏang, ngim ha chugi ibyellula si apuy un achipun masobsobyen.”

John 15:2

Itetepangla pangapangon cha panga un achipun mamunga ya chuɏsala cha panga un mamunga-bunga ta umad-achu mambubungala.