Matthew 3:11 - Lubuagan Kalinga

¹¹ “Bunyagek chikayu si chelum un mangipaila un lambyabyawi kayu kan cha byasbyasuɏyu. Ngim ha misagsagulud kan sakon, bunyagela chikayu si Ispiritun Apudyus ya apuy. Langatngatu siya si achayu lu sakon ked achipulak lumbong un mamigging si sancheɏla.

Matthew 3:11 ပူးပေါင်းရင်းမြစ်များ

Matthew 3:6

Ot lan-ipudlucha kan cha byasbyasuɏcha ot bilunyagen John chicha si chewwang un Jordan.

Mark 1:4

Ot lampaila si John un Mambubunyeg si lugeɏʼn lappun ummili. Imbyegbyegala kan cha tagu un, “Ibyabyawiyu cha byasbyasuɏyu ya mampabunyeg kayu ta pakawalon Apudyus chikayu.”

Luke 1:17

Umula siya gumatong lu si Kristu un Apu. Awed kan siya kilabyelin chi Ispiritun Apudyus un isun chi awed kan propeta Elijah. Mantimpuyugola cha somsomok cha man-aama ya ichaɏanla cha achipun tumuttuwa kan Apudyus ta ha somsomokcha isun chi somsomok cha lalintog un tagu ta iyalala chicha un manchongeɏ kan Apucha.”

Luke 3:16

Ngim kalan John kan chicha, chakampun un sakon si Kristu. “Awed chi misagsagulud un langatngatu lu sakon, ked achipulak lumbong un mangukas si sancheɏla. Bunyagek chikayu si chelum, ngim siya bunyagela chikayu si Ispiritun Apudyus ya apuy.

Luke 3:3

Ot gilaggakay John cha ili-iliʼn sakup chi chewwang un Jordan, imbyegbyegala kan cha tagu un, “Ibyabyawiyu cha byasbyasuɏyu ya mampabunyeg kayu ta pakawalon Apudyus chikayu.”

John 1:15

Tilistiguwan John chi mipanggop kan siya un kalala, “Siya hachin imbyegbyegak kan chikayu, ‘Ha misagsagulud kan sakon, ked langatngatu lu sakon, ti sigud un illinggew siya si chaampunku miyalakan.’ ”

John 1:30

Siya imbyegbyegak un misagsagulud kan sakon un langatngatu lu sakon, ti illinggew siya si chaanku miyalakan.

Acts 1:5

Bilunyagen John cha tagu si chelum ngim achipun mabyeyeg ked mabunyagen kayu si Ispiritun Apudyus.”

Acts 19:4

Oli pun kalan Paul, “Ha bunyeg un intudtuchun John ked mipanggop si mambyabyawiyan cha tagu kan cha byasuɏcha. Ngim imbyegala bo kan cha tagu un mamaticha si misagsagulud kan siya un si Jesus.”

Acts 8:36

Si lanluluggelancha, lichuumcha si awechen chi chelum. Ot kalan chi opisyeɏ kan Philip, “Alliya chelum utla. Ha makwa kamman un mabunyagelak?”

Acts 8:38

Ot pilaillongla kalisa ot lummogsedcha ummoy si chelum ot bilunyagen Philip siya.

1 Corinthians 12:13

Ti chitaku losan, cha Judio man willu cha Gentil, cha musassu man willu cha chakampun, libunyeg kan chitaku losan un long-eg Kristu chi ossaan un Ispiritun Apudyus. Ked ha Ispiritun Apudyus iinggew si kacha osa kan chitaku.

Titus 3:5

Ya tilagula chitaku, chakampun un gapu si bibiɏuʼn killingwa taku, ngim gapu si kachegula kan chitaku. Chiluɏsala cha byasuɏ taku ya illidchela chitaku si baruʼn biyeg mipagapu si Ispiritun Apudyus ya pilabiɏula chitaku.

1 Peter 5:5

Katchi bo kan chikayuʼn bumaru, masapuɏʼn mampaituray kayu kan cha pallakayon. Ya chikayu losan, masapuɏʼn lapakumbyabya kayu si kacha osa, ti kalan chi liigili un ugud Apudyus, “Lawingon Apudyus cha lasayaw, ngim kacheguwala cha lapakumbyabya.”