Matthew 3:1 - Lubuagan Kalinga

¹ Si hachiʼn timpuʼn inggewan Jesus ud Nazareth. Inggew chi osaʼn leɏakiʼn mangngachen John un Mambubunyeg. Ummoy si lugeɏ ud Judea un lappun ummili ot lambyegbyega kan cha taguʼn kummatam kan siya.

Matthew 3:1 ပူးပေါင်းရင်းမြစ်များ

Matthew 11:11

Ot intuɏuy Jesus kalan un, “Ibyegak kan chikayu chi tuttuwa, lippun liyalak si tagu un langangatu lu si John un Mambubunyeg. Ngim ha taguʼn kabyabyaan si Mampangatan Apudyus, mibilang un langatngatu lu John.

Matthew 11:7

Ummoyon pun cha disipulus John, illugin Jesus un lan-ugud kan cha amod un tagu mipanggop kan John un kalala, “Si ummoyanyu kan John si lugeɏʼn lappun ummili, simma lilamlamayuʼn itullong? Ha osaʼn guɏun un chupachupaliyon chi bidbid? Lai.

Matthew 16:14

Ot kalancha, “Awed cha mangibyegan sika kalu si John un Mambubunyeg un ummuli latagu. Ked awed cha uchum un mangibyega un sika kalu si Elijah ya kalan bo cha uchum un sika kalu si Jeremiah willu osa kan cha propeta si awi.”

Matthew 21:32

Ti ummali pun si John un Mambubunyeg, intudtuchula bibiɏuʼn mambibiyeg un masapuɏʼn suɏutonyu, ngim achipunyu pilati siya. Ngim cha lamati kan siya, cha manchachagup si bugis ya cha puta. Ked ulay lu intutullongyu lambyaliwancha, achipun kayu lambyabyawi kan cha byasbyasuɏyu ya achipunyu bo pilati siya.”

Matthew 3:8

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu.

Mark 1:15

Ot kalala, “Chillumtong chi timpuʼn latungpeɏ chi imbyegan Apudyus. Chanchali chi Mampangatala! Mambyabyawi kayu kan cha byasuɏyu ya patiyonyu Bibiɏuʼn Chameg.”

Mark 1:2

Ha liigili si liblun Isaiah un propeta, “Kalan Apudyus, ‘Awed chi osaʼn taguʼn un-ulaok ibuun lu sika, ta umoyla isagala chaɏan un ayom.’

Luke 1:76

Ot kalala bo si alakla, “Sikaʼn alakku, ngadlon chika osaʼn propetan chi Kangatuwan un Apudyus ti un-ulaom umoy iyala cha somsomok cha tagu si gumatngan chi Apu taku.

Luke 7:24

Ummoyon pun cha biluun John, imbyegan Jesus kan cha tagu chi mipanggop kan John. Kalala, “Simma ummoyyu intullong si lugeɏʼn lappun ummili? Kalanyu pun lin lu isun chi guɏun siya un chupa-chupaliyon chi bidbid? Chakampun!