Matthew 28:2 - Lubuagan Kalinga

² Oli pun illiggala amod un chita, ti lan-osog chi osaʼn anghel Apudyus un lampeɏpuʼd langit. Ot liligedla biletun olob chi lobon ot ummamuyala.

Matthew 28:2 ပူးပေါင်းရင်းမြစ်များ

Matthew 27:60

Ot ummoyla illimbon si baruʼn lobon un tilikitikan un patungaw. Lagamput pun, liligedla chakeɏʼn byetu un illiplotla si sawang chi lobon ot ummoyon.

Matthew 27:66

Ot ummoyoncha ot ummoycha amman bilantayan chi lobon ot limeɏkaancha chi olobla ot impabyentaycha kan cha suɏchachu.

John 20:1

Wiswisngit pun chi Chuminggu, ummoy cha Mary Magdalene si lobon. Gummatongcha pun, intullongcha un lakaan chi bilatuʼn olobla.

Acts 16:26

Oli pun, illiggala kaog-ogyat un chita ot liyog-on chi lisaachen chi byabyayɏuchen. Ot kakma liwalit cha losan un sawang ot laamin lapuksay cha kaweɏn cha byaɏud.

Acts 5:19

Ngim si hachiʼn labi, ummoy chi anghel Apudyus ot inwalitla olob chi byabyayɏuchen ot illawala cha apostoles ot kalala kan chicha,

1 Timothy 3:16

Lappun miyisuwan chi lipaila un katuttuwaan mipanggop kan Jesu Kristu un pilati taku, ti lambyalin siya tagu, ya pilaloklokan chi Ispiritu kilabiɏula ya illilan cha angheles Apudyus siya. Libyegbyega mipanggop kan siya si kaili-ili ya pilatin cha achuʼn tagu siya utla pita, ya lipangatuʼd langit ta machayaw.

1 Peter 1:12

Impakaammun Apudyus kan cha propeta un chakampun un bumaɏuwancha cha pin-acha koon ngim bumaɏuwanyu. Libyega kan chikayu mipanggop kan cha alla. Impakaammun cha langibyegbyega si Bibiɏuʼn Chameg, un chicha inchaɏan chi Ispiritun Apudyus un libuun un lampeɏpuʼd langit. Cha allaʼn byaleg chi pionchaʼn maawatan ulay cha angheles.

Revelation 11:19

Ot intullongkuʼn lalukatan chi templon Apudyus ud langit, ked mamàila kasun un laiggaan chi hachiʼn liigili un intuɏeg Apudyus si awi. Oli pun kummilakilat ya kummuchukuchuɏ si mantobyeg, chummita bo, ya ummuchen si chuwaɏu.